السلام عليكم ورحمة الله وبركاته
قبل فتره كنت اتصفح منتدى كويتي الا وحده عضوة اسمها بطه فيها نطه الله يعطيها الف عافيه حاطه طريقة رز مع ربيان ..
قلت خل اجربها ..طلعت ..جنااااااااااااااااااااااان ..حتى عجبت زوجي مره
وصورت الخطوات وقلت انزلها لكم وتعطوني رايكم
المقادير
1)لخلطه الربيان
ربيان - بصل مفروم - ثوم مفروم - شبنت مفروم - كزبره مفرومه - فلفل اخضر عروق مفروم
صويا صوص - بهارات هنديه (انا استخدمت الماسالا)-فلفل اسود - هيل حب(حطيت بودره لان ماعندي)- قرفه ناعمه -كركم - بهارات مشكله
2)للرز
رز منقع ومغسول -بصل مفروم -ثوم مفروم -كزبره مفرومه
2 عود قرفه - هيل حب (حطيت بودره لان ماعندي)-/ زيت/ زعفران منقوع بماء ورد - معجون طماط
- ملح - فلفل اسود - مسمار حب
3)الزينه / بصل جوانح مقلي + صنوبر مقلي + كزبره مفرومه
الطريقة :
نحمس الربيان لين تنشف مويته شوي ... بعدين نحط شوي زيت عليه + البصل و الثوم الفلفل ونحمس
وبعدين البهارات كلها
ثم الصويا و الكزبره والشبنت... ونحرك ... اذا حسيتيه ناشف زيدي شوية مويه ..واضيفي الملح اذا احتاج
واذا تسبك طفي عليه وخليه على جنب
يتبع
نحمس البصل + الثوم بالزيت بعدين نضيف البهارات كلها والملح + الكزبره
بعدين الرز ونحرك ... وبعدين نغطيه بالماء
... واذا قربت مويته تنشف ناخذ شوي معجون طماطم + الزعفران وماء الورد + صبغه الزعفران نخلطهم ونصبهم فوق الرز ونخلطه وقت التقديم عشان يصير الرز ملون
بعدين جيبي صينيه وحطي فيها الرز بعد ماتخلطينه عشان يصير ملون
وبعدين حطي طبقة الربيان وزينيه بصنوبر و بصل مقلي وكزبره بس انا نسيتها
وهذا الشكل النهائي
من قريييييييييييييييييييييب
بعد ماغرفته
قدمته مع سلطة زبادي وخيار ونعناع عشان تبرد لانه حار
وبالهناء والعافيه