مادري اذا هذا هو المكان المناسب لعرض طريقتى للنفاس والدوره ارجو من المشرفات وضعه فى المكان المناسب
المهم ابى اعلمكم عن طريقه ممتازه وقت النفاس
واكيد الكثير منكم يعرفها لان امهاتنا يسمونه ربيبة الارحام لكن راح اوريكم طريقتى اللى تسهل عليكم استخدامه وما فى وحده تتعيجز تستخدمه لانه توفر وقت وجهد
تدرون وش اسوى فيها افرزنه بس طريقه حلوه
اول شى المقادير اللى انا احطه بالتقريب لان انا مقاسي عيونى
كيلو تمر معبوط بدون نوى
ثلاث ملاعق ممسوحه رشاد
ثلاث ملاعق ممسوحه حبه سوداء
ملعقتين سمن بلدى
اعتقد انكم كلكم تعرفون الرشاد اللى زي السمسم بس لونه بنى والمقدار بدون طحن لان الرشاد حار شوى على البطن
المهم نحمس التمر مع السمنه على النار وبعدين نظيف الرشاد والحبه السوداء ونقلب على النار
بعدين خليه تبرد شوى يعنى وهى فاتره خوذى كميه تعادل فنجال القهوه وكوريه ومديه على شكل اصابع وصفيه بعلبه بالفريز ولما تجيك الدوره طلعى اصابع عدد ايام دورتك واذا نفساء زيدى الكميه لمدة النفاس وكل مده طلعى الكميه اللى تبين
شوفى شكله بعد ما شكلته
وهذا للفرزنه يكفى دورتين 12اصبع
اذا قمت الصبح خوذى اصبع مع قهوه واذا خلصت متقهويه حطي بفنجال كبير خلطة القهوه للدوره (عنزروت ـ مره ـ محلب ـ كمون ـ قرنفل) واشربيه وحطى البقيه بالثلاجه وتقهوى عليه الى نهاية الدوره وكل ما نقص زيديه
والله يابنات انه ممتازه وتقوى اللارحام وانسى الهواء الى الابد:35: .
اللى تعجه الطريقه تدعى لى بالتوفيق والهدايه وحسن الخاتمه
مرررره سويتها على نفاسي لكن لاحظت انا السمن بدا يطلع ريحة كانها تخزييييييين >>يمكن في الفريرزر ما يطلع لها هالريحه مشكوره