ربيت ولدي وتعبت عليه بس من يربي ولد الناس ؟؟

السلام عليكم خواتي ,,

هذا الله يسلمكم ولدي الكبير عمره 5 سنوات من عمرة ثلاث سنوات انواع الالفاظ البذيئه على لسانه ويده طويله ما يحترم احد ابد والسبب انه اول حفيد في العائلة وتدلع دلللللللع :04:يعني ما احد يدخل البيت الا يده مليانه العاب او اشكال الحلويات والا الله يعينه على السب والضرب وشوت بنعال :icon33::icon33:المهم ان صرت اقعد بيتي بسبب قلة ادبه على الناس مع العلم اني حاولت معاة بشتى الطرق بس للاسف عددددددددم :mad:

المهم شمرت وقلت ما بدهاش يامرمر لازم الاقي حل خصوصا انه صاير قدوة لاخوانه الصغار:hahaha: اول شئ سويته دخلته الروضه واتفقت مع المعلمه على انواع العقاب والثواب واكثر شئ اتعلمته انا انه لما يسوي خطا شيله بهدوء وبنفس الوقت بحزم ولا تردي عليه وقعديه بكرسي اسمه كرسي التفكير فيه ناس تسميه كرسي العقاب وهذا خطا لانه الهدف منه تقويم سلوك الطفل وليس الترهيب واخافة الطفل بالعكس يقعد عليه ويفكر بالخطاء اللي سواة علشان لما يقول اسف يعرف ليش قالها ,, وكمان الضرب ممنوع لانه اسلوب الناس الضعيفه قليلة الحيله :35:

وابشركم ولدي اتغير 180 درجه مرة اللهم لك الحمد لكن فيه المشكلة ولد حماتي صاير نسخه مصغرة عن ولدي قبل يدة والضرب وقلة الادب بالالفاظ لدرجه انه اخر مرة زارتنا قام يضرب ولدي و ولدي يمسك يده ويقولة عيب الضرب بس الولد مطنش وهات ياشد الشعر وتفل المهم جاء عندي قدام امه وقال يماما شوفيه يضربني وش اسوي ؟؟ قاطعته ام الولد تتوقعون ايش قالت ؟؟؟؟؟؟؟؟؟

انت صغير ليش تشكي على امك المفروض اللي يضربك تضربه حتى لو كان ولدي عادي خذ حقك :icon28::icon28:

قال بس ماما تقول الضرب حق الناس الضعيفة وانا قوي ؟؟ قالت ما عليك من امك :44: لاتخلي احد يمد يده عليك لانك انت الضعيف . طبعا الولد ماصدق خبر و هات ياضرب ورفس المسكين كامن الطاقه من سنه وفرغها بالضعيف طبعا انا هنا احترت وش السواة اللحين تعبت عليه علشان اعدل سلوكه واحس كل اللي بنيته انهدم قاعدة احس بخيبته امل:44: وشلون اوضح لة بدون ما اهز صورة عمته بعينه والاهم ما ابي احد يقولي لاتروحي لهم ما ابي عيالي يتربون على القطيعه ياليت احد يساعدني لاني بجد محتارة .