يالله....
أشعر أني في بستان وارف
استمتعت حقيقة بهذا الطرح المنعش
والدرس الجميل
تمنيت لو كنت معكم من البداية
لكن كما قيل
أن تصل متأخرا خير من أن لا تصل!

حفظت رابط الدروس في المفضلة وبإذن الله سأطبق الدروس مع بناتي
خصوصا القمح المبرعم ، فقد سمعت عن فوائده كثيرا مع السلطة ولم أكن أعرف الطريقة

جزاك الله خيرا د.أندلسية

حقيقة ، لقد أعطيتنا علما نافعا أسأل الله أن يجعله في ميزان حسناتك يوم القيامة
وأن يجعله نورا لك في الدنيا وبركة
وزيادة لك في كل خير

تقبلي خالص شكري
وأزكى أمنياتي

أختك / مي

هلا وغلا

اخت مي

عادي ترا نحن في الموضوع تموت النباتات ونرجع نبدء من جديد مصرين ناكل من زرعنا مصريييييييييييييييين


فتعالي نبدء سواا

انا خلاص شطبت على كل نبتاتي كلهم ماتو رحمة الله عليهم

وبكره راح ابدء ازرع بس عقاب لهم مش في الاحواض والبيتموس وهالحركات

بحطهم بين التراب والحجر والمويه مهي من الكاسه بحط طرف لي المويه واخليه يسقي الارض

وحشوف يا انا يا هم


اعلنت الحرب على الزرع واهل الضبان ما يحبون الدلال يحبون الكرف ويمشون صح

وهذا اللي بسويه مع بذوري

مين فيكم تدخل معاي حرب جديده من نوع خاص ههههههههههههه

اي والله انك صادقه دلعناهم كثير .......
ماتوا كلهههههههههم:angry2:

من بكره بإذن الله بزرع طماطم جديد بالتراب ...

مساء الخيرات
الطماطم انتقلت الى رحمة الله
الحمدلله كنت زارعه طماطم بالتربه وطلعت طماطم
البطاطا ماشاءالله تبارك الرحمن رووووووووعه
نوال كان ودي انظم معاااك
لكن مشكلتي بالطيور تجي وتأكل الزرع اول مايطلع

بنات تخيلو اليوم الصباح المشرق الرائع ذو الاجواء الساحره والسحب الغنيه بالخيرات <<بس خلاص اثمر النبات من الوصف ههههههههه


عن جد الجو خيال

المهم الساعه 6 صباحا وانا اتفحص زرعاتي لاني زرعت بصل وثوم قلت خلني استفيد بصل اخضر


واناظر في النباتات الا والله شي مدري وشو هنااك طالع


واعيد النظر نظره تلوا النظره الا والله وريقات كزبره
قلت هالحين لي فتره في البيت ادلع واكبر وتجلس ورقتين مثل الخيط لا تفككت ولا شي الين تصفر وتموت وهذي مير ما دريت عنها طالعه تجنن ما شاء الله وكزبره كزبره صح ذات الاوراق المشذرمه <<< شف الوصف واغسلو يديكم

والنعناع ابشكرم طلع كمان صار صديق للحبق

فقررت اني افضي كل العلب اللي مضايقتني في المطبخ وفيها الكزبره والفلفل الرومي واروح اكبه براا عساه يطلع مثل خويتنا الكزبره الخارجيه


+++

نوف لا انا بحط بس عند الزرع يحرس الارض هههههههههههه

بنات تخيلو انا كاتبه موضوع في القسم التجاري اني ابي اتاجر في طيور الحمام من كثرها في بيتي وسطوحي بهذلتني بوساختها

المهم ان لي فتره 3 اسابيع حولين البيت نظيف بس المصيبه اني كل ما طلعت ادور بالحوش الا الاقي عظام حمام هيكل كامل كل يوم الاقي واحد او 2 والا روس منتفه ومرميه

طبعا نا في الحوش من الخلف حاطه تبسي كبير واحط فيه بقية الرز واللحوم يعني للبساس والعصافير والحمام قلت بس هذا بس جالس يتصيد الحمام اذا جاء ياكل يهجم عليهم هذا اللي جاء في بالي

امس راح زوجي يبي يشيك على تصاريف المياه في السطوح مع الامطار ماشاء الله الله يزيدنا من نعيمه
الا والله البس متربع فوووق في السطوح ناحية الخزان فاهمين علي مش السطح مكان الجلسه لا فوووق مكان الخزان

كان الارضيه كلها اعشاش حماام تخيلو الشيخ البس جالس ويالله اكل بالحمام يوم قالي زوجي قلت أهااا عرفت سر الهياكل العظميه في الحوش اثره جالس ومتربع والاكل حوليه كل يوم قالط على ذبيحتين ثلاث ههههههههههه مسوي فيها الشيخ عصويد


اللي مهبل فيني وشلووون طلع هالقطوو في السطح استدار راسي