اول شي الف سلامه عليج وماتشوفين شر الغاليه اسال الله يشفيج شفاء لايغادر سقما وماجورة باذن الله
عزيزتي سالتيني لما قلت انه ولدي طماع قلتي كيف ؟
يعني اي شي يشوفه بيد اخوانه او يد اي شخص داخل البيت او خارجه يتم يصارخ ويصيح بشكل هستيري لدرجه انه اعصابي تغلي منه اخوانه مو مشكله اخذ الشي منهم مع اني عقدتهم مايتهنون باي شي اشتريه لهم بسبته حتى كتبهم الدراسيه لمااكرون يصيح يبا ياخذها المشكله لما اطلع احس باحراج فظيييييييع من عيال الناس لو شاف لعبه او كتاب او جريده يتم يصارخ ويضرب راسه بالارض لين نعطيه اللي يباه ضربتها وعصبت عليه مافيه فايده بالعكس يزيد هالمشكله متعبتي حيييييييل صرت اكرة اطلع برع بسبة اسلوبه
بالنسبه للدرس الثاني قريتها بس على عجل برد اقراه بهدووء وامس بخبرج شو صار بعد الغدا قعدت مع عيالي وقلت كل واحد منكم يقول شو الاشياء اللي مايحبها فيني عشان اقدر اغيرها وبعدين انا بقول كل واحد منكم شو الصفات اللي مش حلوة فيه عشان نغيرها قالولي اوكيه وتحمسوا تصدقين كلهم قالوا الشي اللي مش حلو فيج انج عصبيه وتصارخين علينا وماتسمعين كلامنا لما نسولف معاج وعدتهم اني اتغير وقلتلهم يساعدوني واتفقنا انا نحاول نتغير ولو واحد شاف فالثاني شي مش حلو او لفظ غلط نقوله ))على ايش اتفقنا ))وحسيت نفسي هاديه وكلما استفزوني اتذكر كلامج واستغفر واهدي شوي وعدتهم اللي يكون احسن واحد وتقل غلطاته فاخر الاسبوع اخذله هديه بسيطه وناويه ان شاءالله اسويلهم حفله لو قدرت
ومشكوره الغاليه وفميزان حسناتج وربي يشفيج ويخفف عنج

اختي سوفت كوين شفاك الله وعفاك .. / ممكن سؤال .. ايش تخصصك ومن ايش تستمدي كلامك او دروسك اللي تلقيها على المتدربات .. ؟؟

سلامات ماتشوفي شر ان شاء الله

سلامتك اختي سوفت ماتشوفي شر

...


التدريب كثير روعه .. وجاري التطبيق باذن الله

امس الاربعاء كنت بعمل لهم حفله بس كانت عندنا مناسبه برا البيت وانبسطوا فيها

وطبقت بعض التعليمات عليهم ..

لانهم بالأستراحه يحبوا يلعبوا برا والجو بارد كان

فحاولت بالأقنااااع الحد من الخروج للخارج

والحمد لله استمعوا لي .. على غير العاده ,

وانبسطنا لانها حفله تمائم وكل الاطفال معهم

وراح اطبق التدريب الجديد ولي عودة

السلام عليكم

اليوم صحيوا عيالي من 10 الصباح وامبسطوا طول الوقت لعب واللحين الصغير اخذ فترة راحه طبعا سووا اغلاط وخاصه الكبير بس الحمد الله عدت نبهت ونبهت وبعدين عاقبت اني شلت العابه عشان ماسمع كلامي والحمدالله مشى صح بعدها وباقي النهار عندنا عزيمه والكبير مع ابوة والصغير معاي ولاراح نرجع اللى اخر الليل وسلامتكم