تسلمي يا فاضله زوجي يسالني ما اشوفك على النت قلت انسحبت قال باسحب روحك اذا انسحبت عيالك يحتاجون لمن تتركينهم اذا ما ربيتيهم بهدوء من يربيهم الدورات بفلوس الدنيا وانتي لقيتيها ببلاش وتفرطين ارجعي وربي نفسك مع عيالك او لا تطلبين منهم شئ وباقولك امر ضايقنا بنتي اجتهدت معها ونقص وزنها 3 كيلو وبمجرد ما داومت اليوم اكلت حلى بشكل فضيع وابوها اول مره يكلمها بهذا الخصوص وقال اسالكي وش اعمل لها وزنها 50 وعمرها11 وترد على الكلمه بخمس وتبكي تبغى تضغط علينا بالبكاء المهم تاكل واتمنى انها تقتنع

اهلا بعودتج مدربتنا الغاليه
فرحت كثير لما شفت ردودج اللي احب اقرأها واستفيد منها
الله يحفظج ومتابعين

الله يسلمك .. ماشاء الله تصرفك مع اولادك ممتاز .. بجد اهنيك وفخورة فيك مرة

العصبية زي ما قلت لك التنفس والتمارين الاسترخاء والاستغفار

طفلك الثاني لازم تعلميه انه ماراح ياخذ شي مو له .. مثلا لو هم كتب للمدرسة وهو ماعنده

جيبيله كم كتاب تعليمي .. حتى نفس الشي مع الالعاب الاولاد ما يتنازلوا عن العابهم

لأن بتنازلهم هذا هوا زاد في الموضوع .. علميه انه لك لعبتك ولهم لعبهم

لو قال ليش لعبتهم غير عني يصير اعدلي بينهم باللعب أو جيبي لعبة وقولي انها للكل

اما بالنسبة لحكاية انه لو شاف شي يبغاه مع اي احد لا طبعا هذا تصرف سيء جدا

حاولي ما يطلع من البيت إلا ولعبته اللي يحبها معاه ..

ودائما اجلسي وحاوريه وتكلمي معاه ..

:44:اول شي حمد الله على سلامتج
اليوم صارت لي انتكاسه كنت املي بنتي وهي ضعيفه فالاملاء وماتميز بين الحروف وصارخت عليها وكنت متنرفزه مرة وكان اخوها الصغير يصيح واخوها المريض نفس الشي بعدين قعدت تصيح من الخوف وحضنتها وهديتها بس انا كنت معصبه وماشوف اللي قدامي :44:بالنسبه ياعزيزتي لولدي اللي خبرتج عن حالته المشكله اني ماقدر اتفاهم معاه هو مايفهم كلامنا ومايتكلم فنفس الوقت مشكلتي ومشكلته عويصه ماني قادرة اسيطر على عصبيته وحركاته الغلط هو همرة 13 سنه بس فهمه متاخر كثير عن عمرة يفهم اشياء بسيطه فصعب اقدر احاورة او افهمه ان اللي يسويه غلط احس اني ممكن اتجاوز اي شي فحياتي واحسن منه بس هو الله يشفيه معذبني ومسبب لي ضغط فظيع حتى الطلعه ماتهنا فيها يتم يضارب وياخذ اي شي يشوفه وياويلنا لو ما نفذنا طلبه صرت حساسه واحس اني غير مرغوب فيني وفزياراتي
معلمتي الغاليه ساعات افكر اني انسحب لانه حرام اضيع وقتج معاي واخلي فرصه لوحده غيري فيها خير وفيها امل انها تتغير اما انا مادري احس الضغوط اللي علي صعب تتغير اسفه غاليتي على كلامي بس والله غصبن عني
مرة احس اني اتقدم وبسرعه وفجاه ارجع مثل ماكنت الله يعينج وسامحيني مرة ثانيه عزيزتي

بنات لاازم صور للحفله

لاياقلبي مو لازم بس انا اول وحده نزلت وماشاء الله مشت الفكره