راح اعلق على الدرس مع انه عيالي صغار 4 سنه و2 سنه ب انا مع مقولة العلم في الصغر كالنقش على الحجر واكيد لازم تكون عندهم معرفه عن الله والعبادات ولو جز ء بسيط لحد مايكبر ويستوعبو - الحلم والأناة والبُعد عن الغضب
الحمدلله بالي طويل نوعا ما بس اللحين مع الحمل صايره عصبيه ومن الدوره تعلمنا كيف نكون صبورين وشفنا النتايج ويارب نكمل للابد كدا حتى بعد الدوره
2- الرفق واللين
الحمدلله حنونه على اطفالي واحاول افهمهم اي شي بدون ماصرفهم يعني اتعامل معهم بصدق واحاول اي شي نشوفه اشرحه لهم وخصوصا بنتي لانهابحسب عمرها تسال كثير وانا ضد الفضاضه والشده مع الاطفال والله اشوف امهات تصرخ في بنتها او ولدها قدام الناس احزن عليهم
3- الرحمة
انا وابوهم كلنا نحبهم وفي رحمه في قلوبنا عليهم حتى ابوهم من كثر مايحبهم ومايبغاهم يتاذون مدلعهم ومايخلي لي مجال اعاقبهم في وجوده ودايم يتحامون فيه واحس انهم اهم شي في حياتي وحياته يمكن بسبب الحرمان اللي عشناه انا وهو لانه كلنا فاقدين حنان الاهل وخصوصا الاب هو ابوه كان قاسي معاه جداااااااااااااا
4- الاعتدال والوسطية
ماعاني من الشده اعاني من الدلال والحمايه المفرطه
بس بعد الدوره صرت احاسب على تصرفاتي
5- القصد في الكلام
مافهمت يعني الين في الكلام او عدم كثرة الكلام والمحاسبه
6- القدوة الحسنة
ان شاءالله نكون قدوه حسنه
وما هي جوانب التربية؟
ه
1- التربية الإيمانية العباديه
امس جلست احكي لهم عن الله وعن نعمه وانه البيت نعمه من الله والاكل واللبس وكل شي من عندالله وخليت ولدي يقول انا احب الله ويقول لا اله الا الله محمد رسول الله وقلت لهم انا اصلي عشان اروح الجنه واقرا قران و بنتي قالت لي يالله ياماما نقرا قران وقرينا قل اعوذ برب الناس وولدي مو فاهم شي بس يقرا معانا بلغته وفي الاخير قلت لهم حتر انتم نعمه من عند ربي قالتبنتي لا ياماما احنا من المستشفى قلت لها صح انتم من المستشفى بس انا رحت المستشفى عشان اجيبكم ولا انتم في الاساس نعمه من الله وحكيت لهم عن الجنه وايش فيها وولدي ماشاء الله عليه دايم يصلي معي ويحصن نفسه ويحصني واخته
2- التربية البدنيَّة
اولا دي لما يشوفوني اسو ي رياضه يقلدوني وننشد الرياضه تنشط دمي احبها كثيرا وكمان بس يشوفوني مشغله السير قالو حتة احنا بنسوي رياضه ولسا قدامهم مشوار
3- التربية الأخلاقية
ديما اقولهم احب الصدق بنتي حمدلله ماتكذب الا لما تشوفوني معصبه بس بعدين اقولها قولي الحقيقه ماراح اعاقبك امس تكلمنا عن انه الواحدد لازم يحب امه وابوه ويحترمهم ومايكدب عليهم ومايضربهم ولسا يبغالي اتكلم معاها كتير في هالموصوع
بنتي شوي تخاف وانا دايما اقولها انتي بنت قويه وبطله وشجاعه بس الخوف موجود مادري كيف تتخلص منه
4- التربية العقلية
حمدلله بعد الدرس صرت اكلمهم عن الله وعن الرسول مع انهم يمكن مايستوعبو بيس بحاول
5- التربية الاجتماعية
لسا ماختلطو بالمجتمع
وأن يكون لَبِنَة صالحة في المجتمع. طرق تربية الأطفال
التربيه بالملاحظه
بنتي دايما لما تكون مع الاطفال تقولي وش حصل معاها ومين اذاه ومن قال لها كلام عيب ينقال وانا اوضح لها انها هاذا غلط وهاذا صح
وبالنسبه للتجاهل اي تصرف مايعجبني اتجاهله لاني احس لو نبهته راح يزيد ويعاند
2- التربية بالإشارة
ماوصلت لهاذي المرحله دايما لما اكون برا يزعجوني ويكرهوني في الخرجه خصوصا لو كنا عند ناس يلعبون في صحن الحلا تبعي اكثر شي اتضايف منه
.
3- التربية بالموعظة وهدي السلف
ومن أنواع الموعظة:
أ- الموعظة بالقصة قبل فتره اشترت لها قصه عن النظافه حبتها مره وصارت تتروش كتير مع انها اول الا بالقوه وبالصياح بس مدري من القصه ولا لا صدفه بس هي تحب القصه كتير
ب- الموعظة بالحوار
كثير احاورها وربي يعين
ج- الموعظة بضرب المثل
د- الموعظة بالحَدَثِ.،
4- التربية بالعادة
5- التربية بالترغيب والترهي.
*************
وإن وسائل التربية تتعدَّد وتشمل جميع المؤثِّرات في سلوك الطفل، ونعرض هنا أهمها كما يلي:
1- التربية بالقدوة
فعلا تربية البكر اهم شي لانه اخوانه يقلدونه وكنت من زمان اقول هالكلام
واللحين لاحظت انه ولدي يقلدد اخته في كللللللللل شي
حمدللا اطفالي ماايقلدون المغننين او الممثلين
بس يحبون الشخصيات الكرتونيه واغلب الاطفال يحبونها هل هالتعلق عادي او لا
2- التربية بالجليس الصالح
لسا ماوصلو لمرحله يكونون فيها صداقات
انا احاول ابعدها عن ولد عمتها لانه عليه الفاظ
وكمان ينبه البنت لاشياء ماتعرفها يعني الكبير يستحي يقول هالاشياء بس حمدلله بنتي تقولي وصرت ماخليها معه لحالها لازم قدام عيني
4- الإفادة من الدوافع الفطريه
اللعب:
دايما العب معهم حتى ولد قبل اسبوع يمكن كنت تعبانه ونايمه قدام التلفزيون وهو على راسي يبغاني العب معه كوره
التقليد:
عن جد يقلدونا في كل شي في كلامنا وفي اسلوبنا وفي الاشياء اللي نسويها وفي كل شي احسهم نسخه مصغره عنا
التنافس البناء :
.
التعاون
نادرا بنتي تعاوني
بس ولدي ياحياتي عليه هو مكلف انه يشيل السفره .ولما نخلص اكل يحب يشيل معاي الصحون صح يتعبني بس اتحمل واجلس امدح فيه
5- التربية بالعقوبة
انا كنت قبل الدوره سايبه اولادي يفعلو مايحلى لهم دون عقوبه بس بعد الدوره صرت اعاقب ولقيت الحمدلله نتيجه
اناضد الضرب نهائيا لانه احس الضرب للحاجات الكبيره يعني موضوع يستحق الضرب مو عشان كسر شي ولا خرب البيت اضربه يعني في المستقبل لو سوار شي كبير وضربته وهو متعود على الضرب ماراح يحس بخطاؤه انا اهدد بالضرب بس ماضرب بس تعلمت من استا
ذتي لما اقول شي انفذه ولا هيبتي راحت فيها
تعبت مرررررررره وانا قاعده اجاوب
ان شاء الله اكون اجبت حسب المطلوب قريت كل فقره وايش تتضمن وعلى هالاساس جاوبت
ااكتشفت فيني اشيا حلوه في تربيت اولادي من خلال الدرس
تم حضور الدرس
بس يبغالنا ناخذ دروس نتحكم في اعصابنا مع ذا التعليق من جد فار دمي
الثلاثاء الى الجمعه مو راضي يفتح الله يعيننا والله فقدكم بس طلع العيب من المنتدى ومعلق مع الكل
بس يبغالنا ناخذ دروس نتحكم في اعصابنا مع ذا التعليق من جد فار دمي
الثلاثاء الى الجمعه مو راضي يفتح الله يعيننا والله فقدكم بس طلع العيب من المنتدى ومعلق مع الكل
الصفحة الأخيرة
باأستشيرك في موضووع يخص ولدي......عمرة خمس سنيين...بداية السنة سجلته روضة مع ابن خالتي......والحمدلله
كان الوضع تمام....والترم هذا ابن خالتي شاء الله ان لايكمل الترم الثاني......
وانا حبيت ابني يكمل.لاكن من بداية الأسبوع وهو يقولي ماما تعب ..ياماما تعب.....ماني عارفة ايش يقصد.سألته ايش فيه يتعب بالمدرسة .....الطابور ولا الباص ولا أحد مضايقك.......مااعطاني جواب شافي...بس تعب
يعني أصحية والبسه.....ولمى يجي الباص يقولي تعب...... تعب ياماما
مره غصبته وخليته يروح..... طيب وبعدين>>>>>>>>>ترى هو مافقد ابن خالتي ولا احنا جبنا طاري للموضووووووووع يعني موهذا السبب
واتصلت على ابلته>>وهي مرة حبوبة
قالت ولا فيه شي يلعب ومتعاون مع اصحابه وعادي الوضع.....وفيه بعض الطلاب سحبوا<<<<<<انا هنا احترت
وقلت يمكن تعب الباص لأن ولدي ياخذه بدري الساعه 7 ويلف ويدور بين الأحياء ولا يوصل المدرسة الأ الساعة8 ونصف.......والخروج يطلعون 11 او 10ونصف ويوصلي 12ونصف......
يعني ساعة ونص لف ودوران صباح وظهريه..........بحكم بعدها عننا .......ولا فيه جنبنا روضة تناسب......غالية علينا
فقلت ويش رأيك يابنت نأجل هذا الترم.......والسنة الجاية تمهيدي....... انت شو رأيكم؟؟؟؟؟؟؟
وأبوه مع الـتأجييييل