تم حضور الدرس
انقطعت بسبب انشغالي
بالنسبه للغيره ولدي الكبير يغار من الصغير والسبب إننا كنا نفضل الصغير بسب اسلوبه المحبب معنا
والآن غيرنا اسلوبنا بعد ما شفنا غيرة الكبير وكرهه لأخوه لكن ولدي لسا ما تغير مازال يكره اخوه ويغار منه ويفرح لما يخطي ويضربه بقوه ما يرحمه
وانا دايما اكرر عليه انه الكبير ولازم ينتبه لأخوه ويحميه ويساعده مدري اسلوبي صح ولا خطا
والسرقه تحصل انهم ياخذون من بوكي فلوس دون علمي بس ما عمري قلت هذي سرقه اقولهم استأذنوا مني وانا اعطيكم وبديت ما اخليهم يشوفون الفلوس عشان ما ياخذون منها بدون استئذان
اما العزله ملاحظه على الكبير انعزاله عن اللعب مع الأولاد واذا سألته قال لعبهم متعب أوالكوره ماأحبها هل هذي بداية انطواء؟

الله يعافيك

الخدامات مشكلتهم مشكلة .. والاطفال خيالهم واسع ولكن إلا عند الخدامات ووقفي

لأنه شي واقع يكون .. انا من رأيي اطفالك اهم من الخدامة غيريها .. لأنها يبدو بتضرب وممكن تكون بتتصرف معاهم تصرف ثاني

تركك لهم غلط كبير لوحدهم معاها انتبهي انتبهي انتبهي ..

مشاكل صارت كثيييرة بسببهم .. وانتي نفسك تخافي منها انها تأذيك اجل ما بالك بالاطفال؟؟؟؟؟

وفالخرجات يوتروكم اطفالكم كيف ؟؟ هل حركات طبيعية حقت الاطفال ولا شي ثاني

وعلى ما يبدوا ماعندك احد تتركي اطفالك عندهم .. يصير لازم تتأقلمي على الخرجة مع زوجك بأطفالك

وتكونوا جدا جدا مستمتعين وتغيروا جو .. مو كل شي يصير واحنا بعيديين عنهم وفي طرق كثيرة اختاري اللي يناسبك

اما بالنسبة للسرقة ارجعي للموضوع فيه اكثر من حل .. ومو شرط الطفل يسرق بس عشان يكون ناقصه شي

انا مفصلة بالموضوع اقرأيه تمام



خليه يألف قصة .. استخدمي خياله بالقصص وشجعيه على هالشي

جيبي موضوع ولا ارسمي رسومات في دفتر وقوليله يلا ألف لي قصة تنمي مهارته وبنفس الوقت

تستغلي خياله في شي مفيد .. ويبتعد عن هالصفة

اما حكاية انه يبكي لمن تروحي عنه اجلسي معاه وحاوريه واضربي له مثل بنفسه ..

وقوليله انا لمن اكون بالبيت واغيب عنك وين بروح يعني اما الحمام او المطبخ او كذا وجيبيها له بطريقة مضحكة

وبأسلوب طفولي .. واستمري على كذا




انتي متدربة صامتة :)

الله يعطيك العافية



المفروض يتعاقب صح لكن مو مشكلة تصرفك انتي سليم معاه وكويس انه فهم وان شاء الله ما يعاودها

بنتك الصغيرة لازم تقعدي معاها وتحاولي ما تعصب كثير تفرغي منها طاقة العصبية بتمرين التنفس

مو شرط تسترخي بس خليها تاخذ نفس عميق وامسكي يديها وخيلها مسترخية بحضنك



شوفي عزيزتي غيري من اسلوبك معاهم مانفع بالنصح وتوقيع على ورقة

يعني هالطريقة ما ناسبتهم جربي طريقة ثانية على طول

اما عن طريق اللعب او عن طريق الحزم انتي بتعرفي اولادك اكتر واللي بيناسبهم

لكن اهم شي يكون تصرفك سليم

بالنسبة للمدرسة مدام اصلا كذا بيئتهم على طول غيريهم لأنه زي ماذكرت في الدرس الرابعة عن البيئة والجو المحيط

واكثر مكان الطفل بيتلقى منه السلوكيات البيت والمدرسة فلازم تنتبهي على هالنقطة

وحكاية الكذب انا كاتبة بالتفصيل كلام فالمشكلة ارجعي اقرأيه مرة واثنين

وانتي ما بتنفخي بقربة مقطوعة بس زي ما قلت لك حاولي تغيري من طريقة ايصال المعلومة

ولا تخلي كل شيء اوامر كله بالمسايسة ولو مانفع تكوني حازمة

وانا معاك انه مو لازم كل شيء يتوفر لهم على طول حتى يحسوا بقيمة النعمة اللي عندهم

ولكن انتي استغلي هالحاجة بصالحك انه ما تجيبي لهم شيء نازل جديد ونفسهم فيه إلا بعد ما يعملوا حاجة

او يطبقوا الاتفاقيات اللي متفقاها معاهم






ماشاء الله ممتاز

الله يبارك لك فيهم : )



مو مشكلة عزيزتي

احنا متى حنقدر نحكم عليه لو كان هذا سلوك فيه ولا لا لمن تجتمعي بناس غير أهلك

وفي معهم اطفال راقبي تصرفه على يندمج مع الاطفال ولا لا

اذا يندمج فهوا شيء عادي

واذا لا فمحتاجين نخليه يندمج

وبالنسبة انه ما يحب ولد اخوك حكاية الغيرة راح نتكلم عنها وانتي كمان فهميه هالشي دايما

خصوصا انه ضرب وما ضرب



العفو حبيبتي



العفو حبيبتي .. هذا واجبي وان شاء الله تخليكم كذا على طول





الله يقومك بالسلامة .. تصرفك جميل .. اضافة في طريقة دائما انا اقولها للأمهات

لمن تولدي جيبوا هدية واعطوها للطفل أول ما يشوف البي بي وقولوله هذا من النونو لك

فهي طريقة مرة ممتازة ..

اما الفطام فالمفروض فطمتيها من أول ما بدأتي الحمل لأنه مافي فايدة من حليبك .. ابدأي من الان حتى

تقدري تفصليها عنك قبل ما يجي البيبي .. والحمام كمان عوديها عليه لمصلحة نفسها قبل وجود البي بي

والاهم الاهم .. تعاملك ما يختلق معاها لمن تولدي وذكرنا هذا فالدروس

بالسلامة يارب



الله يعطيك العافية



الطفلة مو كل شوية تقوليلها بجيب لك زيه .. لعدة اسباب منها راح تعوديها كل ما شافة شي تبكي عشان تبغى زيه .. وبتتعودي انتي كل مرة تقوليلها بجيب لك .. والطفلة راح تتعود ما تسكت إلا لمن تقولي لها هالشي
ولو ما جبتيه يعني انتي كذبتي عليها واخلفتي الوعد .. وهذي الاشياء كلها ما نبغاها ..

تتفاهمي معاها انه مو كل شي نشوفه نبغاه وان معاها العاب وكل حاجة وتحكيها انه في اطفال حتى ما عندهم فراش وممكن توريها صور ولكن مو صور تعذيب وقتل ولكن صور فقراء .. وهالشي ذكرته بالدرس الرابع

طفلك كم عمره ؟؟

والبنت ارجعي ادمجيها ولكن خلي عينك عليها حتى ما يأذيها احد مع تقوية ثقتها بنفسها

تم قراءة الدرس الاخير
درس زاخر بالكنوز والجواهروالدرر
لاحرمك الله الاجر
وبخصوص التمديد خذي راحتك والله يوفقك في اختباراتك وتجيبي اعلى الدرجات

صباح النور حبيبتي

انتوا يبغالكم دورة خاصة بس فالعصبية :) وان شاء الله قريب اسويها

بس حاليا وقت الدورة تحاولي قد ما تقدري تسترخي .. تشتتي تفكيرك عن الشي اللي يعصبك ..

تشربي اشياء مهدئة للأعصاب زي البابونج والنعناع ومفيدة كمان للدورة الشهرية

ممتاز .. واستمري على كذا على طول انا ابغى تغيير دائم مو وقتي

ويسعدك يااارب



حياك الله ..

فعلا كل شيء من المخ .. ولازم كل مرة نحاول نفرغ كل الطاقة

بالتوفيق لك


الحل بسيط جدا .. جيبي هدية واعطيها للمدرسة وخليها تعطيها لولدك وتقوله عشان انت شاطر ..

بس مو قدام الاطفال تعطيه اخر الدوام .. وممكن تكسبين أجر وفرحة للكل اكثر وجيبي هدايا مو غالية لو بدرهم ولا اثنين

واعطيهم للمعلمة كإنه منها وتوزعها على الاطفال وشوفي ولك لمن يرجع كيف نفسيته بتكون

بس اهم شي المدرسة ما تقول انها منك لأن ولدك راح ينتبه لهالشي

وكانه منها

ووجهي نصائح للمديرة او المسؤولة عن هالشي برغبة الاطفال وكيف ولدك فرق معاه هالتصرف
واكيد اطفال كثيرة فرقت معاهم

طبقي هالنصيحة وخبريني بالنتايج


كويس انك نبهتيه .. طبقي النصيحة الاولى اللي قلتها لك

ولو ولدك مجتهد بدراسته ممكن تطلبي من المعلمة انها تعينه كمسؤول عن الفصل هوا ينتبه

لأقلام السبورة وينتبه لكل شيء منها تزرع في نفسه الثقة

وكمان تزرع في نفسه المسؤولية والامانة


وعادي اختي انا موجودة لخدمتك اي شي اطرحيه

وان شاء الله اقدر اساعدك



الخيال الواسع خليه يكتب قصة زي ما نصحت احد الاخوات هنا

قوليله سويلي قصة عن اولاد في المدرسة وبكذا تستغلي موهبته في حاجة مفيدة

///

عادي يبوسه ويكبس رجوله خليه بس بدفاشة انتي قوليله يا ماما بشوي هوا لسه صغير

ونونو وجسمه ضعيف مو زيك قوي وبطل لمن يكبر ويصير قدك عادي

لأنه مو شرط هذي تكون تصرفات غيرة




الرسم راح نتكلم فيه بس بعد ما نرسى على قرار

//

شوفي مشكلة التعامل مع طفلك انه يخرج من انطوائه عندك يروح للأنطواء عند المعلمة

هي تلعبه وكل شي لدرجة انه صار ما يبى احد يجي عندها

وهذا تصرف خطأ من نفس المعلمة .. المفروض تبدأ تسوي معاهم العاب جماعية

منها تفصل ولدك عنها ما يصير وقت الدوام بس معاها ومنها تحيي فيه روج الجماعة واللعب الجماعي

ممكن تتعذب مرة واثنين معاه بس لمن تشجعه اكيد راح يشارك الطفل زي العجينة تشكليه زي ما تبغي

الغيرة زي ما قلتي طبيهية في هل المرحلة دامها مو بصورة كبيرة ..

اما بالنسبة لخوف طفلك من الاصوات لا تقلقي مرة لأن هذا شي طبيعي عند الاطفال

الخوف من الصوت والحشرات والظلام خصوصا بهالعمر .. وكمان انتي ذكرتيلي انه في سبب حصل

وقلت لك خلاص هوا ربط الصراخ بهالشي ..

الحل انه تبدأي معها بالتريج درسنا في علم النفس عن الارتباط الشرطي

بمعنى انه تربطين شي بشي ولكن بشرط

مثلا ابدأي شغيلي له انشودة ولا لعبة بصوت واطي وانتي مثلا تلاعبيه وتضحكيه وتبوسيه

وبعدين علي الصوت بالتدريج وبنفس الوقت شتتي انتباهه عن الصوت بحاجة يحبها سواء لعبة ولا غيره

لين ما توصي لمرحلة الصوت العالي اللي يخاف منه وبرضه نفس الشي مع الملاطفة والتقبيل وتشتيت الانتباه

بكذا يتغيير تفكيره من جوا وبدل ما هوا مرتبط الصوت العالي عنده بشي خوف وفزع وبكا

يصير شيء حلو من الحب والحنان

ولكن كل حاجة بالتدريج ..

















خلاص نشوف على وشو الاغلب يجمع وارتب اموري ونستأذن الادارة

انا خايفة يكون اما تأجيل شهر او لا ..

عموما راح اسعى اني اشوف حل مناسب وابلغكم

شكرا لكم :)



حياك الله

وفعلا الدرس الرابع محتاجة قرآءة كثير



امين وياك

درس الرسم وتنمية المهارات كلها جاية فالطريق



شوفي عزيزتي بالنسبة للخيال راجعي ردودي وشوفي رديت على ثنتين يعانوا من نفس المشكلة مع اطفالهم

الكذب جميل انه طفلك ما يحب الكذب ولكن انتبهي من انه ما ينسى ويصير يحقد !

هذي نقطة مهمة وبين عدم النسيان والحقد شعرة

قضم الاظافر غلط .. ولو انتي بتسويه يعني متوترة وهذا سلوكك نقلتيه لطفلك ممكن طفلك ما يكون متوتر ولكن عديتيه بهالسلوك راجعي تصرفك والاسباب اللي بتوترك

والغيرة لا تفرقي بين احد منهم .. وطبيعي تصرفهم ولكن من غير عنف ولازم تفهميهم هالشي

وانا معاكم ان شاء الله

واحبك الله الذي احببتني فيه يا غالية :39:



التصرف الاول من الكبير والتصرف الثاني من عدم حبه للعب انتم سببه
لا تجي بعد التفرقة تقوليله اخوك ولازم تنتبه له هذا مو حل

لازم انتي تنتبهي للكبير وتبدأي تهتمي فيه زي الصغير ولكن ركزي ليه اكثر لأنه تعرض لصدمة منكم

واثرت عليه .. ارجعي اقر أي اول درس والثاني تمام وطبقيهم عليه .. حسسيه باهتمامك وحاوريه

شجعيه .. احنيه وقبليه ..

والفلوس لازم يتعودوا على الاستئذان وهذا مو حل ترفعيها عنهم لأن السوك باقي وراح يمارسوه اول ما يشوفوا

الفلوس وممكن يتطور الامر وياخذوا من غيرك

اقرأي الدرس الاخير وشوفي نماذج للحل فالسرقة وطبقي اللي يناسبك اطفالك

اللهم آميييين

ان شاء الله نشوف القرار المناسب وابلغكم