هذا الجزء الثاني لرسومات الأطفال اتمنى تستفيدوا منه http://50.28.64.140/showpost.php?p=62516166&postcount=14 اخر يوم لنا يوم الجمعة ان شاء الله راح ينزل اخر درس وهو الختامي :)هذا الجزء الثاني لرسومات الأطفال اتمنى تستفيدوا منه...
يوم شفت هالصوره ضحكت وربي لانو نفس ولدي بالضبط كأنه هو اشوفه وهو مسوي نفس حركات الوجه يوم يعصب هههههه ...الله يهديه يصلحه فعلا لاحظت ان عيالي اكتسبو العصبيه مني ومن ابوهم والدليل وقت اشتركت بالدوره بديت اهدى وابطل عصبيه ولقيت انهم نفس الشيء صارو اهدى من اول بكثير ويوم ارجع اعصب واهاوش القاهم زي حالتي تمام يعني الحل بعد الله بيد الام والاب في التحكم بهالصفه لدى الطفل والاسباب العضويه لا اتوقع وجودها اما النفسيه فموجوده الصراحه والمظاهر هي الاسرار وكثرة المشاجره والصراخ وبرضو يقولو والله ماعاد نسمع الكلام والله نكسر كذا وكذا ( وزياده يحلفون يمين هههههه ) وبرضو قفل الباب بقوه وهذي انا اسويها اذا عصبت احس اني ارتاح لاسويتها مع اني ماكان اسوي بمراهقتي الا نادر جدا اما الحين اسويها لاني ما ابي احط عصبيتي عليهم ( مسكين الباب لو يشتكي كان انطردت من الشقه هع ) اللي بعده قضم الاظافر الحمد لله ما اعاني من هالمشكله الا احيانا والسبب ابوهم عنده هالعاده دايم يقظم اظافره وما اطالع فيه الا واشوف اظافره بفمه حاولت معه دون فايده عاد هو فاهم وكبير لو عنده فعلا اصرار وعزيمه راح يبطل هالعاده بس انا اللي قهرني اني كذا مره اشوف عيالي يوم يشوفون ابوهم على طول يسون نفس الحركه وحتى اقول وخرو يدكم يردون بابا يسوي كذا وحنا مثله هو الحمد لله نادر اشوفهم يسوي هالحركه بالذات اذا كنا بسفر لان المسافه طويله وحنا بالسياره وهو يراقبون ابوهم ( مو خايفه من هالعاده عند عيالي لانو نادر تحصل منهم بس الاهم اقدر اخلي الاب يتركها )يوم شفت هالصوره ضحكت وربي لانو نفس ولدي بالضبط كأنه هو اشوفه وهو مسوي نفس حركات الوجه يوم يعصب...
ماكنت اركز في رسومات عيالي لجهلي بأهمية ذلك سواء مره وبنتي كانت صغيره لفت نظري رسمتها بشكل كبير وكانت راسمه بابا وماما طبعا رسم عادي حتى اتوقع انها ما رسمت لا ايدي او ارجل فقط الجسم مع الوجه ولكن رسمت خطوط بالعرض على الجسم كامل لكلا الاثنين وجات قالت ماما شوفي رسمتك انتي وبابا وربطتكم ربطه ( هالكلمه خوفتني والله وجلست افكر ليش فكرت هالتفكير انها ترسمنا بهالشكل مع انها ما كانت تعاني من عنف او نقص بالعكس كانت اخذه حقها بكل شيء اخوها اللي كان مظلوم بس قلت يمكن رسمت الجسم بهالطريقه تقليد لشكل الحرف اللي يجي في قناة روضه للاطفال بالمجد كانو يجيبون الحرف ويرسموه عن طريق احضار حبل وصمغ وورقه ويثبت الحبل بشكل الحرف وهي كانت تتابع هالقناه ) مابعرف تحليلي صح ولا ممكن يكون لها تفسر اخر هي الحين بصف اول ولكن مثل ما قلت ماكنت اعرف اهمية الرسوم ولا ادقق فيها ومن اليوم بلاحظ كل رسوماتهم باذن الله