جزاك الله خيرا مشكلتي هي إنني أهتم ببناتي بشكل جيد وأقرأ الكتب التربويه لكن تأتي مرحلة غضب تفسد ماتعبت عليه السبب هو أن كلا منهما تضرب الأخرى ضربا مبرحا وأقوم أنا وأضربهن جميعا وأصبح نادمه على مافعلت وأبكي معهن أحيانا وأشعر بتأنيب الضمير خصوصا في وقت النوم أرجوا ممن يقرأ ردي أـلا يضحك مني فكثيرا ممن أعرف يتعرضن لنفس المشكلهجزاك الله خيرا مشكلتي هي إنني أهتم ببناتي بشكل جيد وأقرأ الكتب التربويه لكن تأتي مرحلة غضب تفسد...
الحين ابي منكم عدت أمور نتفق عليها :39: وطبعا الكل يرد علي ويكتب موافقة 1- تمارين الاسترخاء يوميا تطبقونها يفضل قبل النوم ماقدرتي بأي وقت الجو يكون عندك هادي 2- الفترة ذي ابتعدي عن أي عصبية أو رفعة ضغط حاولي الهدوء والسكينة تعم بيتك كله حتى لو تتخذيها فترة اجازة من المشاكل من كل حاجة 3- الاخوات المتزوجات حاولي زوجك يلمس فيك تغيير ايجابي من غير ماتذكري إنتي بس خليه يلاحظ إنك بجد تغيرتي حاليا خصوصا الاخوات العصبيات 4- أي موقف يمر عليك يعصبك قبل أي ردة فعل أبيك تاخذي نفس عميق من أنفك وتخرجيه من فمك وتستغفري 10 مرات 5- الضرب + الالفاظ الغلط كلها ممنوعة فترة الدورة ابدا حتى لو نسيتي وغلطتي باللفظ او الفعل تعتذري من طفلك مباشرة 6- الاخوات اللي عندهم اكثر من طفل خلي اطفالك يعيشوا روح الجماعة وكلي لهم مهمة كلهم مع بعض 7- ابغاكم اخر الاسبوع تفضوا نفسكم من أي ارتباط عائلي لو قدرتوا وتعملوا اجتماع بسيط وحفلة صغيرة مع الاطفال وابوهم .. وعاهدوا انفسكم ان الحفلة تكون غير عن كل حفلة او اجتماع سويتوه قبل عيشوا معاهم بروح الطفولة حقتهم اسمعوا ضحكهم اللي منقلبهم شاركوهم احلامهم وبرائتهم :27: متفقينالحين ابي منكم عدت أمور نتفق عليها :39: وطبعا الكل يرد علي ويكتب موافقة 1- تمارين الاسترخاء...
اكيد موافقه وانا ابتديت من قبل واحاول في ابوهم مايصرخ عليهم مرات بيسمع ويكون مافي احسن منه ومره يعصب وفكرة الاحتفال مره حلوه ان شاء الله اطبقها واخليهم يساعدوني علشان يفرحو فيها اكثر . الله يعطيكي العافيه .اكيد موافقه وانا ابتديت من قبل واحاول في ابوهم مايصرخ عليهم مرات بيسمع ويكون مافي احسن منه ...
التدريب الاول :
انا تقريبا يوميا قبل النوم بعد ماينام العيال وزوجي اجلس لحالي شوي في هدوء وحتى زوجي دايم يسألني ليش ماتنامي معنا على طول اقوله محتاجه هدوء ومافي الا هالوقت
وسويت البارح مثل ماقلتي وفعلا حسيت براحه نفسيه واليوم الحمد لله احاول اني ما اعصب وامسك نفسي ( رحت السوق واخذت لهم العاب عشان اشغلهم وما اعصب عليهم )
التدريب الثاني:
كل اسبوع اسويه خميس وجمعه لازم اطلع من البيت طبعا العيال معي اوديهم الحديقه نغير جو ونطلع من جو البيت وهم من نفسهم يقولو يلا رجعنا البيت اما عني نادر تجيني فرصه اطلع مع زوجي بلا عيال وفعلا راحه اكثر نرتاح من جو المسؤليه شوي ونشتاق لهم
بالنسبه للحالتين
1_ احاول اسكتها واذا مارضيت اطنشها واذا زودتها معي صراحه اضربها بخفيه عشان تسكت واذا كنت خلصت من السوق ما اضربها لا اطلع من السوق واروح السياره وهي تبكي وتسكت لحالها,,,, هذا اللي انا فعلا اسويه
2_ سألت زوجي فكان جوابه :
اكيد راح ازعل واعصب من الموقف لكن بما اني بعزيمه راح امسك نفسي وما اضربه او اعاقبه قدام احد بس اقوله ان هالتصرف خطا وانو لازم ينتبه... وصراحه استغربت من رده لاني اعرفه عصبي وقال انا مدري ليش ما استحمل العيال بالبيت :44: بس اذا كنت عند احد لا عادي ما اعصب
ردك شفته بعد مارديت انا وما ابي اطول فحطيته مع هالرد
حتى وان كثرت عليك المسؤوليات اختي هم مالهم ذنب الحبوب لو تأثر عليك مرة حاولي تستبدليها مرة أو تزبطي اعصابك وأبي من وعد طول الدورة تخففي من العصبية أو تلغيها نهائيا قد ماتقدري أما الألفاظ خلاضص تنسيها :35:
والطفل أبيك تهتمي فيه من الان قوليلي هوا ايش اهتمامته ؟؟ وكم عمره ؟
وأبي توصلي هالشي لأبوهم كمان ان هالفترة تخففوا مرة العصبية أو تقوليله انا بتحمل هالفترة مسؤوليتهم
وطمنيني وش يصير معاك
انا وعدتك انا فعلا احاول اخفف من العصبيه لين تروح مني نهائي باذن الله
والطفل عمره 4 سنوات و8 شهور هو اللي قلت عقله اصغر من عمره وبصراحه انا ما اطيق هالولد مدري ليش اعصب عليه واضربه بلا رحمه بس وربي ندمانه على تصرفي معه مدري ليش قلبي قاسي عليه حتى اللي حولي يقولو حرام عليك احرميه شوي .... بس من امس وانا احاول اهتم فيه كثير والعب معه واشيله جد اني مقصره معه لكن راح اعوضه باذن الله وهو ماعنده اهتمامات خبرتك عقله اصغر من عمره بس يحب يضرب يبكي على كل شيء وانا صرت استغل طاقته مثلا اقول يلا رتب او سوا كذا واديك حلاوه او اشتري لك ( شيء يكون طالبه ويحبه ) والحمد لله فادة هالطريقه معه وابوهم من زمان موصيته بخصوص العصبيه ويارب هو برضو يحاول مع نفسه
اسفه على الاطاله بس وش اسوي لازم اقول كل اللي بقلبي عشان استفيد من هالدوره