شكلي جيت متأخره ... انتظرت لحد ما ينام ولدي لانه اذا شافني على النت يبدأ الهجوم :)

بالنسبه للتدريب الاول : أنا عاده ما اصدق ولدي ينام الا انام على طوول والقرآن شغال .. يعني ما اكون شاده لا اعصابي ولا شي بس اكون هلكانه من الشغل .. يمكن ينفع لي وقت الظهر لو حبيت انام القيلوله ..لكن راح اطبقه باذن الله ...
التدريب الثاني : مع انه صعب علي لكن ممكن اجلس بالبيت وامارس هوايتي وابوه يأخذه مني لساعات ..


سبحان الله وبحمده سبحان الله العظيم

بالنسبه للحاله الاولى

عندك طفلة عمرها مابين الـ سنتين والـ 5 سنوات .. كنتي بالسوق وأصرّت على شراء لعبة معينة ولكنك ورفضتي
ولدي بالسن الحالي ( سنتان) ما يهتم بالالعاب ولا يلح .. لكن لو فرضا دخلت بها بالسوق بكون قبل كذا متفقعه معها على مو كل شي تشوفينه لازم نشتريه .... واحدد معها مبلغ معين نشتري فيه اللعبه يعني مثلا اقولها لك مبلغ 20 ريال نشتري لعبه مو اكثر من كذا .. ( شفت هالطريقه واعجبتني واحب اطبقها مع ولدي مستقبلا )

لكن ودي اقولك شغله بالنسبه للالعاب .. الاحظ على ولدي ما يهتم بالالعاب واكثر شي تثير انتبائه ...الكفرات او الدولايب السياره او يجلس يلف بعربة التسوق ( ماغير تشوفي كل السيارات اللي عنده مسدحه على ظهرها ويلف بالكفرات .. ويجلس يتأملها فتررره حتى لو طلعنا بالسياره اشوف عيونه مركزه فيهم .. بعكس باقي الاطفال يحبون يصففون السيارات جنب بعض خخخ

الحالة الثانيه :
طفل عمره 6 سنوات .. حضر عزيمة مع ابوه وقت الاكل طاحت الملعقة وانكب الاكل على الارض الطفل ارتبك خوفا من العقاب من ابوه .. كيف راح يتصرف الاب ؟؟

سألته ويقول اذا شفت عيونه مرتبكه من اللي سواه .. راح اتركه واقوله ما عليه .. لكن اذا شفته ما اهتم بالغلط اللي سواه .. راح اعاقبه بالنظرات او اتكلم معه ان اللي سواه غلط ..

بارك الله فيك ورحم الله والدينا ووالديك ..

بالنسبة للتعليمات
الاسترخاء راح اعتمدة من اليوم حتى يكون عادة
العصبية احاول اتركها هالاسبوع لو اني مو متاكدة
الحفلة مااعتقد اني اقدر اسويها لان ماعندي الا بنت وحدة وولدي صغير كمان انا ماتستهويني هذي الاشياء او بالأحرى مااقدر اتفاعل مع الأجواء هذي

• نبذة عن حياتك الأسرية هل أنتي متزوجة أم مطلقة أم أرملة ؟
متزوجه

•كم عدد أطفالك وكم أعمارهم ؟
5

• الجو الأسري كيف ؟ هل هناك مشاكل عائلية ؟
نعم لاتوجد اسره من غير مشاكل

• كيف علاقتك بزوجك ؟
جيدجدا

• هل هناك خلافات زوجية حادة أمام الأطفال ؟
نعم

• كيف علاقتك بأطفالك بمصداقية بعيدا عن المثالية ؟
علاقة حب وموده


• طفلك هل يعاني من سلوك سيء ؟ اذكريه إن وجد ؟
نعم __طفلي عصبي وكثير الحركه

• ممن يكتسبون أطفالك العادات والسلوكيات أكثر منك أم من والدهم ؟
جدهم وجدتهم

• كيف علاقة والدهم بهم ؟
ممتازه

• هل هناك عنف أسري سواء باللفظ أو الفعل ؟
نعم,,,

• في طفولتك هل تعرضتي لعنف اسري ؟ أو نقص مادي أو عاطفي ؟
نعم

• تدليلك لأطفالك هل هوا تعويض لحرمان تعرضتي له ؟
نعم

• إذا كان لديك أكثر من طفل هل تعامليهم بالعدل ؟ أجيبي بمصداقية ؟
لا

• هل تشعرين انك تميلين لأحد أطفالك عن الأخر ؟ إذا اجبتي بنعم اذكري السبب ؟
نعم..احب طفلي الصغير لانه هادي وحركاته جميله

• مسؤولية التربية على عاتقك أنتي لوحدك أم زوجك يعاونك ؟
زوجي يعاوني

• هل حدث موقف أثر سلبا على أطفالك ؟
لا يوجد

• كم نسبة تأثير المجتمع على تربية أبنائك ؟
30%

• والديك و والدي زوجك هل لهم تدخل في تربية أبنائك ؟ وهل هو سلبي أم ايجابي ؟


نعم..ايجابي وسلبي في نفس الوقت

انا معاكم ان شالله بس آسفه على التاخير عشان انا مسافره عند أهلي

الاجابات
نبذة عن حياتك الأسرية هل أنتي متزوجة أم مطلقة أم أرملة ؟ متزوجه


•كم عدد أطفالك وكم أعمارهم ؟
ثلاثه الولد 10/ البنت 8/ البنت 4

• الجو الأسري كيف ؟ هل هناك مشاكل عائلية ؟
الحمد لله تمام توجد احيانا بعض المشاكل البسيطه

• كيف علاقتك بزوجك ؟
كويسه ولله الحمد



• هل هناك خلافات زوجية حادة أمام الأطفال ؟
قليله جدا ونادره


• كيف علاقتك بأطفالك بمصداقية بعيدا عن المثالية ؟
الولد سيئة والبنت متوسطه والصغيره جيده جدا

• طفلك هل يعاني من سلوك سيء ؟ اذكريه إن وجد ؟

الولد اللقافه والاستهتار/ البنت اللقافه الغرور بنسبه متوسطه /البنت الصغيره العناد
• ممن يكتسبون أطفالك العادات والسلوكيات أكثر منك أم من والدهم ؟
أبوهم

• كيف علاقة والدهم بهم ؟
كويسه

• هل هناك عنف أسري سواء باللفظ أو الفعل ؟
نعم باللفظ

• في طفولتك هل تعرضتي لعنف اسري ؟ أو نقص مادي أو عاطفي ؟
نعم في العنف الاسري والعاطفي وبنسبة 100 في المئة

• تدليلك لأطفالك هل هوا تعويض لحرمان تعرضتي له ؟
نعم

• إذا كان لديك أكثر من طفل هل تعامليهم بالعدل ؟ أجيبي بمصداقية ؟
نعم

• هل تشعرين انك تميلين لأحد أطفالك عن الأخر ؟ إذا اجبتي بنعم اذكري السبب ؟
الطفلة الصغيره لانها مريضه ولانها تحب ان ترضيني

• مسؤولية التربية على عاتقك أنتي لوحدك أم زوجك يعاونك ؟

تقريبا على عاتقي وقليل معاونة الزوج

• هل حدث موقف أثر سلبا على أطفالك ؟

لا

• كم نسبة تأثير المجتمع على تربية أبنائك ؟
50%

• والديك و والدي زوجك هل لهم تدخل في تربية أبنائك ؟ وهل هو سلبي أم ايجابي ؟
والدي لا يوجد اما والدي زوجي لهم تدخل سلبي

الدرس الاول
حلوووو مرررره

بالنسبه للاسترخاء ان شاء الله اطبق طريقتك اليوم وابدأ فيها
اما انا قبل كنت استرخي بعد ماينام ولدي اسوي لي كوب هوت تشوكليت او حلى واقعد على النت ولما اخلص اروح اسوي امور العنايه في البشره وهالاشياء تخليني مسترخيه

اما التدريب الثاني انا اساسا بعيده عن الاهل فمااقدر يوم والا يومين اروح لحالي بعيد عن الكل لكن احيانا يعني مره بالشهر اروح مع صديقاتي ساعتين للمول نجلس مع بعض في كوفي مادام اولادنا في الحضانات والمدارس
اما اني اروح لحالي بعيد عن ولدي لكم يوم مااقدر احس احلى اوقاتي بوجوده



الله يجزاك خير على التنبيه يبغى لي ابدا معه قريب في امور العقيده وترسيخها

وفعلا بالنسبه للتواصل انا وجدت انه فعال جدا ويقلل من التصادمات بيني وبين طفلي، مره كان مايبغى شي معين وكان يصيح ويصارخ وانا ماكان عندي مجال الا هالشي فبعد ماضميته وعطيته بوسه كلمته كأنه شخص كبير قلت له ان انا ماعندي الا هالشي الحين بس وعد مني مااجبرك عليه المره الجايه بس هالمره تحمل ولا راح تشوفه بعد كذا والحمدلله سمع الكلام وانا نفذت وعدي له



بالنسبه للحاله الاولى
فاستعمل معه اسلوب الاشغال اشغله بأي شي ثاني يحبه فمثلا اكون جايبه معي بشنطته سيارته المفضله قصته المفضله او اي شي يمر من عندي او حولي واجيبه باسلوب اني منبهره من هالشي الثاني " وااااااو شف هناك في سياره كبيره" او " ياسلام شف كيف سيارتك تنطلق ويييي " ولازم هالشي يكون صدق عشان ماتكتب علينا كذبه فينشغل بالشي الثاني وينسى الاول
واتوقع لما يكبر شوي يعني 4 او 5 سنوات ممكن استعمل اسلوب الاتفاق معه

بالنسبه للحاله الثانيه
من ملاحظتي لزوجي اول كان يتنرفز ويعصب بس الحين الحمدلله صار يستعمل اسلوب التغافل اما اتوقع لو وصل عمر ولدي 6 سنوات يمكن يطلب منه يشيل اللي انكب بهدوء

ومتشوقين للدرس الثاني