الحمدلله انه في حد مثلي يافطوم

دونا حتى لو طلعتلك اخطاء جديدة افرحي لهالاشيء لانه اللي بتخطأي فيه بتخلي العقل يركز فيه

واكتشفت انه اللي بخطأ فيه بعد مااكون ثبتت السورة تمام بيكون المخ بصمه من غير وعي لكن لما تغلطي فيه المخ رح يدركه تمام وماراح تخطأي فيه بعد هيك

ودونا اصبري شوية على اللي ثبتيه ولاتتركيه وخليكي ع المراجعة الاسبوعية ان شاء الله كله رح يكون تمام التمام وزي مابدك

مضبوط مراجعة ابن جبرين كانت 60 بس انا نسيت
وحتى ال60 تراها مش عدد
ههههههه
اهم شيء يابنات لاتستعجلوا والصبر وعدم اليأس لانه رح ييجي يوم بعد المعاهدة الدائمة رح تقولي وقتها التعب ماراح سدى

يعني انا بعد ماحفظت البقرة والله العظيم ضليت سنة كاملة وانا ارددها واكررها واراجعها ومرات اراجعها باليوم مرتين ومع هيك بعد سنة كاملة لحسيت اني فعلا ثبتها باتقان وبعرف مواضع كل اية فيها

فلا تستعجلي على الاتقان بده وقت وبده جهد وبده تكرار

وبعدين دائما بخاطب نفسي اللي قدر يحفظ ويتقن سورة كسورة البقرة 49 وجه من غير خطأ بفضل الله

قادر بمعونة الله وفضله ان يثبت كل السور

زي ماحكيت الامر يحتاج صبر + تكرار + جهد وتعب منك


اللي حافظة 7 اجزاء
عندك اجزاء محفوظة تمام
عندك اجزاء طارت بالمرة
عندك اجزاء متفلته يعني بتقدري تراجعيها لكن بتغلطي فيها

صنفي حفظك في الـ مجموعات واعملي كل اسبوع مسح ميداني لحفظك كامل

الان الاجزاء اللي تمام خلاص بتراجعيها كل اسبوع مرة بالصلاة او خصصي لها وقت محدد من يومك وغالبا رح يكون جزء باليوم يعني ماراح يوخد منك نصف ساعة

الاجزاء المتفلتة من حفظك امسكي كل يوم او كل يومين ربع وكرري وعيدي وزيدي عليه وحطيلك هدف مثل رغودي ماهي عاملة عدد معين بهاليومين تنجزيه
الربع ممكن يوخد معك دقيقتين الى خمس دقائق في اسوء الظروف
اذا رغبتي بخطة طويلة ممكن توخدي ربع كل اسبوع وتكرريه 100 مرة خلال هالاسبوع
واستغلي وقت الطبخ والشغل
شغلي ع القاريء اللي بتحبي صوته بتكرار مثلا كل يوم 20 ورددي معه هالربع

ناتي الان للاجزاء المتفلتة بالمرة (طارت)
تلاوة كل اسبوع لازم تمري عليها
طبعا يؤسفني اني رح احكيلك ارجعي احفظي هالاجزاء
خطة الحفظ انت ممكن تحدديها مع خطة الحفظ الجديد

يعني بيكون عليكِ مثلا حفظك الجديد اللي انتي كل يوم بتحفظيه وماشية فيه
وخطة الحفظ القديم اللي انت أُنسيتيه وهذا الحفظ ماراح ياخد منك جهد كبير لانه رح تكتشفيه انه اصلا مخزن في الذاكرة فقط انعشي واجتهدي ولا تتركيه

مثل ماقالت دونا المخ رح يفهم تمام انه انتِ لسة بحاجة لهالحفظ اللي حفظتيه لما تمري عليه كل اسبوع
ومع كثرة انجازاتك في اعمال الحفظ والمعاهدة رح تشوفي رب العالمين كيف رح يفتحلك فتوح وتحسي ببركة الوقت ورضا وطمأنينة بنفسك وسعادة جاية من قلبك
لانه فعلا بيصير قلبك ربيع مزهر مزهر بكل انواع السعادة


اسفة طولت عليكم لكن انا واحدة من الناس اللي جربت كثير وقليل
وعانيت بالحفظ حتى مرات اضل اكثر من اسبوع مع كل حفظ جديد احفظ الوجه اللي قبله وكاني اول مرة بشوفه
لكن رح تتفاجأي بعد شهر من هالمرور والحفظ والتعب انه الاوجه انطبعت في مخك
لكن الصبر وبعرف انه الامر بيكون مرات ممل خاصة مع كثرة التكرار وانت اصلا مفكرة حالك حافظة
وطبعا الشيطان شغال انت حافظة ومافي داعي لانك بتنغصي عليه عيشته مع التكرار
استشعري استماع الله عزوجل لكِ وانت تكرري او تخيلي انك قاعدة بين يدي الرسول صلى الله عليه وسلم
يستمع لقراءتك وتلاوتك وتكرارك لكلام رب العالمين

والله يااخواتي انه احنا نتقلب في هذا الفضل اللي رب العالمين منحنا اياه
احمدوا الله عزوجل كثيرا كثيرا كثيرا
واسفة على الاطالة

الجيل انا عارفه أني السور حتى لوثبتها بدون مراجعه راح تطير
ومجربه من قبل سور ثبتها وتركتها بعدين لقيت نفسي أغلط فيها على الرغم كنت حافظتها مثل أسمي
زمان كنت أحسب طريقه ابن جربين لو طبقتها خلاص ماعد راح أنسى بس أكتشفت أني غلطانه
بس التثبيت بيسهل عليه المراجعه بكثيرررررر علشان كذة نفسي أثبت كل السور وبأسرع وقت حتى ماتاخذ مني مجهود كبير بالمراجعه
وأقدر أراجع جزء وفي نفس الوقت أخصص وقت للتثبيت ووقت للحفظ
تقريبا وقتي كله صار لثبيت والمراجعه
والحفظ بياخذ مني وقت أكبر وخاصه مع سورة الأنعام وصار حفظي متقطع
الآيه الواحدة لازم أكررها كثير حتى تنحفظ على الرغم أني بحضر قبل أحفظ عن طريق التلاوة والأستماع
وأنا بمر على السور بعد كل أسبوع أو أسبوعين بس في بعضها مرور سريع وبأغلاط بس أمر عليها علشان ماتطير بالمرة لحد مأثبتها
السور اللي ثبتها الحمدالله براجعها بسرعه وماتخذ وقت كبير والأخطاء فيها أقل
بالنسبه للمصحف لازم يكون جنبي ماعرف ليش ! بس يمكن علشان اتطمن أنه قريب مني لو غلط
مرة سمعت سورة ال عمرآن وأنابغرفه بعيدة عن المصحف لخبط لخبطه مو طبيعيه
بس رجعت للغرفه اللي فيها المصحف ومسكت المصحف مافتحته
ولاشي ورجعت سمعت نفسي مرة ثانيه سمعتها صح أستغربت من نفسي وقتها :confused-

سبحان الله وبحمده
سبحان الله العظيم
تم حفظ النشاط

ما شالله تقريبا متعادلين بكمية الحفظ شو رئيك نعمل تشجيع لبعض بمراجعه كل يوم جزء

بسم الله


راجعت سورة الملك والحاقة


والحمد لله