ربي اني مغلوب فانتصر : (

لسلام عليكم ورحمة الله وبركاته ..
يا جماعة الخير انا انسانه اقل ما يقال عني في حالي مالي ومال الناس

أكره القيل والقال واكره الغيبه
وماحب القطيعه
بقولكم عن اسلوب الهمز واللمز من الأقارب ! إلى متى !

بتكلم عن كيد البشر

احس اني كرهت البشر وكرهت مجتمعي من النوايا والحسد وانواع المكيده اللي قاعده اشوفه

ليش الناس يحسدون بعض ومايتمنون الخير لبعض ؟ والله شي يعور القلب

انا انضريت من اقاربي وحرقوا لي دمي حرق بابسط الاساليب

( صدقوني ما سويت لهم وماشافو الا كل خير مني لكن الحسد والغيره تعمي قلوبهم وحاطيني بروسسهم)

بالهمز واللمز والدق بالكلام .. لو بديت احكي مابخلص ابدا بس بعطيكم مقتطفات

انا انسانه الحمدلله مايعيبني شي لكن شعري كيرلي .. وانا راضيه ومقتنعه الحمدلله وعاجبني

لكن قريباتي دمروني نفسياً بالدق من يوم كنت صغيره لين كبرت عمداً..كل مارحنا مناسبه مدحوا بالشعر الناعم وذموا شعري

كانو يعطوني حلول وغير كذا لما يجلسون مع امي ماعندهم سالفه غير انه يازين الشعر الطويل والناعم وياشين الخشن

ونحن اذا خطبنا ما نبي الا وحده شعرها ناعم ومن ذا الكلام !!! أنا يوم اسمع هالكلام ينحرق قلبي وادعي من كل قلبي عليهم

طيب ليش المعايره ؟ ليش قلة الذوق ؟ انا خلقت نفسي يعني ؟؟؟

حسبي الله ونعم الوكيل مايعرفون قيمة شعورهم وان هذي عطايا الرب لين يفقدونها ..

يمكن تشوفون هالشيء تافهه لكن احس ( بحـــــــــــــرق في قلبي ) ياناس والله انحرق مو بيدي حسبي الله ..

ثاني شي حسوديين لنا بشكل لا يتخيله العقل كنا بنسافر

( وكنا مجمعين سنين لهاسفر وقعدوا لنا بحسدهم لين خسرنا فلوسنا بالحجوزات وماسافرنا بالنهايه وهم


الفرح باين عليهم .. حسبي الله وكفى

ثالثا دايما يدقون امي بالحكي انو بنتك ماحد بياخذها ؟ ليش انا نصيبي بكيفي ؟ يعايروني بالهشيء وحسبي الله وكفى

وياما شفت وشفت وشفت تعبوووووني بعمري في حالات الواتس اب بالدق والكلام اللي يسم البدن وهم قاصديييييييييييييييييييييني .

وش اسوي يا ناس

انا ماابي هالحركات خصوصا انهم من اقرب الناس لنا ولاني حابه يصير كذا بين الاهل

خصوصا انو احنا مرة قراااااااااااااااااب من بعض ونحب بعض لكن الحال انقلب وكانه عين وصابتنا

هم جداً حسودين ومغرورين بفلوسهم وبالرغم من غناهم الله يزيدهم >> حاسدينا

ربي اني مغلوب فانتصر

متكبرين اقل مايقال عنهم

صدقوني اشوف صور وحالات بالواتس اب وانستقرام منهم شي يسم البدن ويقهر

اقرب الناس لي يسوون كذا فيني ؟

ليش هالتشكيك بالسمعه ليش الدق ليش المعايره ليش التكبر ورفعه الخشم على الغير ؟

كلنا بشر من تراب وبنرجع ليوم للقبر

والله امس ابكي انهرررررررررررررررت من كلامهم حسبي الله ماني مقهوره الا على امي المسكينه اللي تاكل من

هالحكي اللي يسم البدن وتسكت

مفكرة اخلي علاقاتي بالبشر رسميه كرهت الاقارب وكرهت الناس والله النفوس صارت خايسسه

لي زميلات يقولول طنشي لا تشوفي حالاتهم لا تحطي في بالك !!

ياجماعه مااااقدر.. والله اني رزينه ولا رديت ولا شي بامكاني اقلب الدنيا عليهم واخذ حقي

بس انا موكله امري لله ..

احد حاس كيف لما ناس يستقصدونك بكلام او بهمز وباين انه انتي ولو شهدتي الناس لقالوا انتي !

نتيجة الاشياء اللي بيعملونها نار تشب في قلبي وابكي وادعي لين انام

ودي اعيش بالهدنيا بسلاااااااااااام اشغلونا هالبشر ومامزعلني الا ان اخاف ربي يعاقبني على قطيعه الرحم

اهم مقاطعينا الحييييين لكن هم بنفسهم احنا ماسوينا شي ابدا وربي شاهد لكن وش نقول على نفوس خايسه تبحث عن الزله !

تركناهم وانا وامي ماسوينا اي شي لهم بس ابكي بحرقه لما افكر بيوم ان اعمالي ماتنقبل بسببهم !

انا اخذت بكلام الشيخ المغامسي عن الرد على اذية الناس انهم يجب ان يؤدبوا !!!!!!!!!!

قلت لكم شي بسيط ولو ادخل بالتفاصيل واحكي لكم عن كييييييييييييييييييدهم راح اطول واخذ صفحات وصفحات ياما شفت وبلعت بس حسبي الله وحده

وتركتهم على اساس اللي يزعل من نفسه يرضى من نفسه

دلوني يابنات حواء وادعولي ما تتخيلون كيد البشر كيف مسبب لي ازمة

الله يهدييييييهم ويصلح الحال

ادعولي ربي يفيكيني شر الناس تعبت منهم

سبحانك اللهم وبحمدك اشهد ان لا إله إلا انت استغفرك واتوب اليك