ربي حبيبي

بسم الله الرحمن الرحيم

ياليتني أقدر أوصل اللي بقلبي ..
ليتني استطيع افتح كل قلب واملاه بهالشعور اللي بأحكيه لكم ..

اعتبروني اختكم وافتحوا قلوبكم واسمعوني ..
لكل قلب مهموم ,, ليله ونهاره بكاء , لكل حزينه ومتضايقه , لك أنتي ايه انتي اللي محد فاهمك , ولا أحد حاس فيك ,, ولا احد مقدرك ..
افتحي قلبك واعتبريني اختك .. واسمعيني تمام ..
انتي لك رب ما يخليك .. لك رب يحبك ويرحمك .. لك رب يقدر على كل شيء .. لك رب مشتاق لك ..
لما يتخلى عنك البشر وتلاقين نفسك وحيده .. محد حولك .. تلاقين نفسك تعبتي من الحياة أو ضقتي منها .. لما تلاقين نفسك تنهارين من جواتك ومحد يعرف ابد اللي بقلبك مهما تكلمتي وبكيتي وانهرتي امامهم ..
تذكري أن لك رب عظييييييييييم .. روحي لحبيبك .. روحي للي خلقك وخلقهم ..
روحي واسجدي له وابكي طلعي اللي بقلبك
قولي يارب اتعبتني الحياة .. يارب محد مقدرني ومحد حاس فيني .. يارب انا اشعر بالوحده
يارب ساعدني .. يارب مالي غيرك .. يارب في قلبي حاجه وانت وحدك تعلمها يارب حقققها لي ..
قولي اللي بقلبك .. فضفضي له .. \
اجعلي حبيبك هو ربك .. الحبيب اللي تلاقينه بقربك دايم .. الحبيب اللي يخاف عليك ويرعاك .. الحبيب اللي ما يرد لك طلب .. الحبيب اللي يرحمك ..الحبيب اللي مايخذلك . الحبيب اللي ما يخليك اذا خلوك البشر .. الحبيب اللي يسعدك .. الحبيب اللي يحب يسمع صوتك ..
هو اللي اذا جيتيه وشكيته له ما يقول خلاص ارضي بقدرك واسكتي
مايقول خلاص تكلمنا في هذا الموضوع كثير
ما يقول انا ما بيدي شيء اسويه
مايقول خلاص اسكتي ..
هو اللي اذا جيتيه وانتي ضايقة بك الدنيا .. تلاقينه يحن عليك
تقولين يارب .. يقول لبيك عبدي
تنادينه وتشعرين بالأمان ..
هو اللي رغم انك تزعلينه مرات .. إلا انه يقول انا الغفور الرحيم ..
ويغفر لك ويمسح على قلبك برحمته ..
تحسين ودك هالدنيا تخلص عشان تشوفين ربك
ربك اللي يساعدك ولا يخليك ابداً

لو في خاطرك شيء قوليه لربك .. اشكي له اللي يصير لك ..
هو يفرح اذا سمع صوتك ..
اتركي الدنيا على جنب وروحي لربك ..
عيشي حياة سعيده مع ربك ..
والله مهما كنتي مهمومه راح تشعرين براحه وسعاده ماقد حسيتي بها ..
أمك وابوك ماراح ينفعونك ولا اخوانك ولا خواتك ولا احبابك ولا اصحابك ..
خلي الناس على جنب ..
وروحي لربك ..
فضفضي له .. قولي له صار لي كذا وكذا وكذا .. قولي له ياربي انا حزينه .. قولي له يارب خلك معاي لا تخليني .. قولي يارب انا احبك واشعر معك بالامان .. قولي يارب انت تملك الدنيا كلها .. انت الكبير اللي مامثلك احد .. وانت العظيم اللي ما يغلبك شيء ..
انت اللي تملك اهلي واحبابي واصحابي وتملكني ..
انت الرحيم اللي ترحمني اكثر من رحمة امي وابوي لي ..

تذكري إن انتي لك رب ما يخليك مهما كان ..
اصلا كيف يخلق ربي قلب ثم ينساه ..
اطلبي من ربك كل شيء تبغينه ..
حتى لو كنتي تشوفينه انه مستحيل مره مره ..
لا يوقفك شيء ..
خليك مع ربك .. وتحدي كل البشر قولي ربي بيسعدني ويحقق مرادي .. لا تفكرين ..
خليك دايم مع ربك .. والله بتعيشين شعور يجنن .. مساكين اللي ما جربوه ..
اذا سمعتيه يأذن نطي علطول توضي ولبي النداء وصلي ..
خليك دايما تستغفرين ..
خلي هدفك اللي تبين توصلين له قدامك .. ولا تبالين باي شيء يصير ..
لأنك عارفه إن اللي تبينه وبيصير .. وان ربك قادر يقلب الموازين كلها لأجلك ..
قادر انه يذلل كل هالبشر لك ..
قادر يعطيك اللي تبينه بغمضة عين ..
خليك قويه ولا تفكرين كيف ..
انتي مادمتي تبين هالامر وطلبتيه من ربك فلا تخافين ابدا ..
لا تذلين نفسك ولا تشتكين لاحد ..
لو حسيتي بانك متضايقه من الأمر .. وعبرتك خانقتك
اسجدي لربك وتفجري بكاء
عودي نفسك انك ما تبكي إلا ربك ..
انا عندي امنيه .. ولو اقولها بتقولون مجنونه انتي ..
بس انا واثقه بربي .. واتحدى أي احد يقول ماراح تقدرين تحصلين عليها ..

مدام معك إله قادر فلا تشيلين هم شيء ..
وقولي باثبت للبشر كلهم إن لي رب ما يخليني ويسعدني ويحقق امنياتي مهما كانت ..
قولي باثبت للكل كيف إن ربي يقدر ..
باثبت للكل كيف إن ربي معي .. وهالدنيا ما تسوى شيء عنده ..
قولي بنفسك محد له شغل .. انا ابي هالامنيه تتحقق ومحد بيوقفني .. يالله خل اشوف وش بيقدرون يسوون وانا معي ربي ..
خليك قويه بربك .. مهما صار قولي معي ربي وبس ..
تعلقي بربك .. وادعيه لحد ما تحصلين الامنيه .. وبتلاقين نفسك لا شعورياً تطيعين ربك وبتحسين انك مرتااااااااحه مرررره وبتستمرين تدعينه حتى لو ماعندي امنيات ....

قولي لنفسك ..
محد يتدخل بيني وبين حبيبي ربي .. محد يعلمني ربي ..
اطلب منه اللي ابي .. وهو يعطيني واناديه اذا ضقت .. الاقيه بقربي ..
اشكي له واقوله اللي بقلبي ومحد له شغل بعلاقتي بربي ..
اقوله سامحني ياربي اخطيت بحقك كثير .. ويسامحني ويغفر لي وما يكسرني ..
ربي هو اللي يجبر كسر قلبي .. ويعطيني اللي ابيه واكثر ..


اصلا اذا كنتي صادقه فعلا بتلاقين انك تنتظرين الصلاة اللي بعدها ..
وبتلاقين نفسك تنبسطيييين وبتصغر الدنيا بعينك .. وبتقولين كيف هالامر يحزني وانا عندي رب .. بتجدين نفسك لا شعوريا تبكين اذا تذكرتي ربك ..
بتكونين تنتظرين متى هالدنيا تنتهي عشانك مشتاقه لربك ..
بتجدين نفسك احيانا تبكين فرح إن ربك معك .. وتسجدين وانتي تبكييييين وتقولين ياربي انا احبك احبك احبك كثييييير ..
بتشعرين بشعوووور حلو مرررره ..
لا تفكرين باللي راح ولا اللي بيجي .. عيشي الوقت اللي انتي فيه ..
تكلمي مع ربك واحكي له اللي صار معك .. اشكي له اطلبي النصر منه ...
وبتلاقين امورك تتيسر بشكل عجيييب وامانيك تتحقق بشكل ما تتوقعينه ..



سؤل الامام احمد كم بيننا وبين عرش الرحمن .. قال : دعوة صادق من قلب صادق ..

سمعتي !!
دعوه صادقه من قلب صادق ..
إذا انتي صادقه وتبين هالامر
وصادقه بشكواك .. فلا يوقفك شيء ..
ومحد بيقدر عليك اذا انتي تستعينين بربك ..

وأنا احكي لكم من تجربه .. ومهما قلت ماراح اوصف الشعور اللي بقلبي




والله يفرحكم ويسعدكممممم
واذكروني بالدعاء