(( ربي )) .. زوجي ..ضميري .. قلبي ..

بسم الله الرحمن الرحيم





جيتكم مشتاقة لكم والصراحه الدنيا مالها طعم بدونكم ..



من جد فقدتتكم وفقدت مواضيعكم وحركاتكم..ونصايحكم اللي مالي غنى عنها



سافرت والحمدلله وودي أحكي لكم عن اشكاليه بسيطه حصلت لي مع زوجي قبل السفر حرمتني الراحه والنوم..



بتقولون أنا مكبره الموضوع لكن هذا المفروض أعمله..



من زماااان ماسافرت مع زوجي بسبب ضغوطات عمله وإنشغالنا بمن حولنا من أهله والمناسبات..



لما قررنا السفر كان زوجي سعييييييد جدا بأنه راح يرتاح ونغير جو شوي..وأنا كمان تشققت من الفرحه



لكن



وعسى أن تحبوا شيئا وهو شر لكم




صار زوجي يخطط كل ليله ويحكي لي..عن برنامج أعده لهذي السفره



قال : بنحضر ملاهي خياليه في الشكل وفيها نساء شبه عراة..وسنحضر سينما !!!!..وسنستمتع بكل شي كل شي.



أنا شهقت في داخلي شهقة كادت تقتلني...!؟



ومن عادتي مع زوجي بالذات أن لااستعجل بإظهار ردة فعلي ..





سكت ..وسكت



ولكني في خلوتي عشت صراع طويل..وكان سؤال واحد يتردد في نفسي..



من هو حبيبك الأول.؟



من الذي إذا أرضيته رضي الناس عني وإذا أغضبته سخط الناس علي.؟



الله هو حبيبي الأول ..كيف أطاوع زوجي وأغضب ربي..



لكن قلبي كان يقول لي كلام ثاني:



كيف ترفضين رغبات زوجك .؟ماتخافين يسافر مع ربعه لوحده عشان يحقق رغباته اللي ماحققتيها إنتي.؟



روحي معاه واستغفري ربك ..لكن لاتتركينه وحده.



وأنا مابين قلبي وضميري وفطرتي اللي فطرت عليها..





طول عمري ماحضرت سينما ولا أعرف شكلها ليه أدخلها في هالعمر بعد مااعطاني الله العلم بحرمتها وفسادها





كيف أدنس طهارة روحي عشان أرضي زوجي اللي راح يحصل اثمي فوق إثمه يعني كلنا راح نخسر..غير خسارتنا للبركه اللي يطرحها الله في البيت الإيماني اللي يفعل ماأمر الله به ويجتنب مانهاه عنه..





والله سبحانه يحب أن يرى وقفة المؤمن وغيرته ورفضه لمعصية خالقه..



إلى هذا السطر كانت هذي مشاعري قبل السفر ...




حفظت المستند..وأغلقت الكمبيوتر متسلحة بالدعاء ومتوكلة على الله وراجيته بأن يعصمني عن فعل مايغضبه ويعينني على طاعته..وأن يدلني على الحل الأمثل الذي أستطيع معه أن أتجنب معصيته وفي ذات الوقت أتمنى أن أجد أنا وزجي سعادة وراحه وأن لاتكون هذه السفرة سبب شقاء لنا لاسعاده..


























وأبشركم......



























مارحنا هالأماكن اللي كنت شايله همها..وربي عصمنا عنها بقدرته سبحانه..




لكني أخذت درس حلو ومفيد..



إنك لازم ماتتنازلين عن أساسيات مهمه في حياتك عشان زوجك أو أبوك أو غيره..



خصوصا إذا كانت متعلقه بالدين ..


أحذرك



أحذرك



أن تجعلي الله أهون الناظرين إليك..ولايكون أسهل ماعليك معصيته


وأصعب ماعليك معصية زوجك



هذي إشكاليه دايم دايم مانحسب لها حساب..



وأنت لو تحسبين الموضوع صح راح تعرفين..



المسأله مو زوجك يطلب منك شي فيه معصيه لله وأنت ماودك تزعلينه ..كيف أرفض وأكسر بخاطره.؟ لا..المسأله مسألة ابتلاء ..الله يختبرك بأنه يجعل زوجك وحبيب عمرك يدعوك لشي يغضب الرقيب اللي ألف بينكم وأنعم عليكم نعم مالها عد..هل أهون على عبدي.؟هل يجحد نعمتي..







دموعي تسبقني وأنا أكتب ..



وماقدروا الله حق قدره..!!



وماقدروا الله حق قدره..!!



................