عاد ياكثر مايتعذرون بعذر اننا مانبغى نهاوش اطفالنا قدام الناس علشان لايتعقدون وهي تكذب ومخليته مجرد عذر علشان تبرر ضعفها وفشلها بتربية طفلها ,, لأن الطفل اذا كانت امه تربيه بالبيت راح يخاف منها من مجرد نظرة له ببيت الناس

أنا ماني مع مسألة الضرب نهائيا حرام اطفال عمرهم اقل من خمس سنوات على اقل حاجه يجي يضربهم يعني انا اطفالي الحمد لله مؤدبين الكلام الوسخ ما يقولونه ولا يرادون اي احد بس فيهم الحركة الكثيرة يحبو اللعب كثير والناس ما يتحملون الحين اي شيء على اي شي ضرب على اقل شيء هواش يارب لك الحمد اني احب الاطفال ولا احب ضربهم

والله موضوعك حلووو

واستغربت كثير من ردود أغلب البنات اللي تقول ما أرضى ان العمة او الخاله يضربون ولدي ؟!


انا عمة وخاله الحمدلله وعيال اخوي واختي اموووووووووووووووووت فيهم

وأكيد خالات عيالك وعماته ياللي ما ترضين انهم يضربونهم يحبوونهم ويمووتون فيهم لانهم من لحمهم ودمهم


ويخاافون عليهم من كلام الناس اذا صرتي باااردة ولا فيك حيل تربينهم

هنا يجي دور العمات والخالات :30:

ولا أحد يقول عنهم عيال أخوك والا عيال اختك أشقياء ومو متربين :(

يعني لاا تفكرين ولو للحظه انه اذا الخاله او الخال او العمه او العم مدو يدهم على ولدك أنهم يكرهونه لاااا بالعكس

لأنهم يحبوووونه وما يرضون أحد يتكلم عليهم

بالنسبة لي انا عيال أختي او أخوي اذا تكلمو كلااام وسخ أو قلوو أدبهم أحذرهم واذا كرروها

لا بد من العقاااااااااب ولا لي دخل لا في أمهم ولا أبوهم

وعقااابي لهم أخليهم جالسين بدون ولا حركة ولا كلمة في غرفه بعيده عن الصاله وهادية واذا كبير اسكر عليه الباب بدون لا اقفله

واقوله انت معاااقب :angry2:

وعلى حسب عمره تكون دقايق حبسه
اذا كان عمره 5 سنوات ينحبس 5 دقايق وقبل لا أفرج عنه اقعد معه واسأله سؤال :16:

أقول له : انا ليش عاقبتك ؟ وساعتها بيقول لي ليه ويوعدني انه ما يكررها وبالفعل ما يكررها الا نارداً وبرضو يتكرر نفس العقاب

وبعض الأحيان يستهبل يقول ما ادري ليه عاقبتيني :angry2:؟ اعصب واقول طيب اذا ما تعرف ليه عاقبتك بعاقبك مره ثانيه علشان تتذكر ليه عاقبتك :22:

وعلى طوووول يقول السبب :30:

والحمدلله عمر أخوي ولا اختي يزعلون اذا عاقبت عيالهم لأنهم عاارفين اني أحبهم

ومثل ما اشتري لهم وألعبهم وافرحهم ،، لي حق أربيهم وأأدبهم ،، لأني أخاف عليهم من الغريب يأدبهم ،:D

قلتي اللي كنت ناويه أنزل موضوع عنه اليوم .. حرّم الله ايديك على النار ,, آآآمين ..

أنا أم وأعرف معنى ان احد يضرب عيالي ...
لكن لو بنتي غلطت أنا أأدبها .. عند الناس آخذها على جنب أو أعاقبها أجلسها جنبي وماتقوم وتصلح اللي خربته >>> للحين صغيره فديتها بس فيما لو لا قدر الله ..
الشي اللي قااااهرني ,, أتعب وانا أقول قااااهرني ..
برود بعض الأمهات الله لايبلانا .. في بيتها ماتسمح لأحد يلمس شي حتى عيالها مايخربون ببيتهم .. خايفين منها ..
وإذا راحوا بيت احد كأنهم رايحين الملاهي يسرحون ويمرحون على كيفم لاحسيب ولا رقيب .. يفتحون الثلاجه وياخذون اللي يبون !!!
يدخلون الغرف ويفتشون يدورون ألعاب والا أي شي يستحق المشاهده !!
يلعبون في التحف والأباجورات ,,
كل هذا وأمهم جاااااالسه تضحك وتتقهوى .. ولاااااااا هامها شي .. كأن الموضوع مايعنيها .. واللي أكثر من كذا يضربون عيال صاحبة البيت .. وهي ماعندها .غير كلمة : الله يهديكم ,, الله يصلحكم .. والله لاوريكم إذا رجعنا البيت .. والله ماتروحون معاي الملاهي بكره ,وووووو ومن هالعيد اللي أقسم بالله انه كاذب ,, والعقاب إذا تأجل بلاش منه أحسن لأنه مايصير له فايده ,, العقاب لازم يكون فوري .. ومو شرط يكون ضرب ..
يعني قبل كم يوم جوني بعض جاراتي ..
وحده منهم عندها ولد وبنت الله يهديهم ويصلح بالهم ..
من النوع اللي قلته قبل شوي ..
مابقى شي ماخربوه .. كسروا .. كبوا العصير على الموكيت الفاااااتح !!
جالسين يسحّبون الكنب بالصاله وأمهم تسمع الصوت ولا تحركت .. يعني مين بيحركم الجنّي .. ؟؟
يفتحون الثلاجه وياكلون اللي يبون !!
يدخلون الحمام ويلعبون بالمويه وصار المكان من برا بحر من كثر المويه ..
الكيك مفتت بعنايه تحت مراتب الكنب !!
ياخذون طاوله ويطلعون للشمعدان المعلق ع الجدار ياخذون الشموع !!
ويضربون بنتي المسكينه ومايبونها تلمس شي في بيتها !!

كل هذا عااااادي لو كانت أمهم حسستني إنها حاسه بالموضوع أو مهتمه أو متفشله ..
لو كانت قامت وكلمتهم أعمارهم خمس .. وأربع سنين الله يهديهم ..
لو كانت عاقبتهم من كثر من يضربون بنوتي ..

لكن جاااالسه مكانها بكل هدوء وماكأنه صاير شي ..
والله أنا في البدايه كنت أصبر وبعد مايروحون أحيانا ودي أنفجر وأبكي من كثرة الضغط النفسي ..
لكن الحين يوم شفت أمهم مطننننشه ..
صرت أهاوشهم لو خربوا شي ..
وأضربهم لو ضربوا بنتي ...
وماصار يهمني تزعل ولا لأ !!
طيب أنا أزعل برضه إذا أولادك ضربوا بنتي بدون سبب وهم كبار ماشاء الله ..
وأزعل لما أتعب في بيتي وأختار أثاثه وتحفه ويجون أولادك وبكل بساطه يخربون اللي سويته بسنين في لحظه ..
وأزعل لما تسمحين لهم يلعبون بحريه تاااامه وكأنهم جايين رحله ترفيهيه ,, وين آداب الزياره ؟؟
وأزعل لما أشوفك في بيتك تعاقبينهم وماتسمحين لهم يلمسون شي وفي بيت الناس لأ .. طيب ليش ؟؟
وأزعل لما تزعلين برضه .. لأنه مو من حقك .. .
ربّي أولادك ... وماراح أحد يمد يده أو لسانه عليهم !!
لأن التربيه مثل ماقالت وحده من الأخوات مو حليب وحفايظ ..
واللي قالوا مانسمح لأحد يمد يده أو يصرخ على أولادهم .. إذا هم مؤدبين ومتأكدين انهم ماغلطوا معاكم حق ..
لكن غير كذا ..
اجلسوا في بيوتكم أحسن ..

والله يخلي من بكاني ,,, ولا ضحك عليّ الناس ..

وأنا والله أحزن على بنتي لأني مثل أمواج هادئه .. تعبتها من كثر ماأبغاها تصير مثاليه ..

وماأقول غير ,
اللهم أصلح نياتنا وذرياتنا ..

يالله قلبتو علي المواجع
انا رحت لأهل زوجي وولدي كان عمرة سنة وثلاث شهور وانا ما اروح لهم الا في السنة مرررة
وسلفتي كانت عندهم وكانت تنيم بنتهاا في السرير الاولدي جااء ومسك شعر بنتهاااا وهي ماحست الابعد مابنتهااا قامت تصيح تخيلووو وهي تمسك يد ولدي وتضرربة على يدة ضربتين وربي قلبي انخلع وانا اسمعها تضربة
وهي تحسب اني ماشفتها وانا كنت افرش اسنااني الا اطالع من الغرفة الاوهي تهااوش ولدي وولدي متسمررررر بمكااانة
ياناااس غاظتني عمرررة سنة وايش تضرررب فيه الله يكفينا الشرررر
والله يابنات اني احب اتعاامل زي مااعامل بناتتها تخيلو يتملقفون على شنطتي وفيها مكياجي وينططون عليهااا على بالهم ملاهي
وهي ولاكلمة تقولي هذي شنتطتك قولي عليهااا السلام من بنااتي
واناا ادلعهم تعاالي اعطيكي واسويلك واجيبهاا بضحك عشااان ماعور رااسي وعشاان ينزلوون بأقل الخسائر