ربي لاتعاقبني باللي سويته ( للعظاء والعبره )

سلآم عليكم ورحمة الله وبركاته


انا بقول لكم اللي صار فيه قبل لا تلوموني
في بداية زواجي كنت اتمنى الحمل مع اني بس جلست شهرين وحملت لان اهل زوجي ذبوحني ها حامل ها حامل

وزوجي يوم شاف الدوره الشهر الثاني انجن يمكن ربي رزقني عشان علم بحالي واللي صار فيه بس في شهرين

وكان عمري 18 سنه يعني صغيره المفروض حتى التفكير بالحمل والهم ما يصير فيه ولا يكون في بالي بالذات
وانا في اول زواجي وخاصه اني كنت انسانه حقت لعب بلاي ستيشن ما اختلط بالحريم حياتي كانت طفوليه اكثر

حملت
وكان حملي ثقيل من اول شهر احس ظهري بيتكسر ولا احد مصدقني يقولوا دلع مين الظهرها يوجعها من اول شهر
صبرت واحتسبتها عند ربي عاد الحمل وتوابع الحمل الله لايوريكم مكروه اتعذبت عذاب من الاتهابات ومن الام في بطني .. الخ
هذا كوم ومشاكل زوجي كوم ثاني يدور لي من تحت الارض مشكله سافرت معه ديره ما اسمع غير نهيق الحمار
ونباح الكلاب واربع وعشرين ساعه زوجي عند اصحابه واول ما يجي قومي اطبخي شوفي فلانه طبخت وفلانه سوت

كنت اوقف عند القدر مع حرارة النار اتسود الدنيا ادور على اقرب مكيف عشان تروح الدوخه

وبعدها ولدت ويمكن كثير منكم قروا موضوع ولادتي ( الرعب )

وجا وقت النفاس اخس اخس فتره في حياتي مريت فيها كنت في بيت اهلي والله يسعد امي كانت تتعب معايه
بس وقت ما امي تبغى اتنام اكره الدنيا وما فيها اصحى كل شويه على البنت اشمسها لان كان فيها صفار
4 يوم نفاس جلست ابكي ماكنت انام كل شويه بنتي تصحى ويوم يجي العصر اتمنى اغفي واحد يمسك عني بنتي
تجي امي اتصحيني وانا لسه حاطه راسي قومي اتجهزي عشان الحريم بيجو بكييييييييييييت وتعبت نفسيتي
قلت نوم وارهاق على بنتي ونفسي مسدوده عن الاكل جاني هوا في رحمي كنت كثير امشي اكثر ما اجلس

اللي يشوفني يقول هذي بصحتها مايدرون اني جالسه اكرف على بنتي اسوي راضعه وتغير حفاضه

جات الجازه وجاني زوجي (مدرس) ريحني من بنتي بس عذب نفسيتي دمرها تدمير
سوالي مشكله كبيره وانا توي نفاس جاني اكتائب الولاده كسرت الاب توب كسرت جوالي وبغيت ارمي بنتي على الارض
معد صار عندي عقل
خلص النفاس برى وياريتني ما سافرت اشوفه يطالع في الحريم ويتعب نفسيتي في البيت مشاكل اول مره يدفدف فيه وجاني نزيف في رمضان مرتين كانت سفرتي كلها بكاء من اللي يسويه فيه

كرهت الحمل وكرهت الولاده وكرهت النفاس وكرهت زوجي قبلهم كلهم

عدت الشهرين الاولى نفاس + نزيف في رمضان يعني لازم اصوم وجاني هوا وانا برى السعوديه حتى ما اقدر اتبخر خربت مررررررررررررررررررررررررررررررره

الشهرين الثانيه مشاكل انا وزوجي عسى الله يهيدنا ويصلح بينا ويفك اللي بينا سواء كان سحر او عين

بعد الشهرين اتاخرت الدوره عليه حللت طلعت حامل كرهت الدنيا لان شفت السنه اللي راحت حمل وولاده كانت عذاب

ماني مستعده لنفس الشي يصير فيه بذات اني فيه قالون ولا ما ادري ايش للحين ما عرف دكتور ايش فيه

الام تجيني في معدتي بموت منها تقعد من 10 _30 دقيقه وتروح ادعولي ربي يشفيني

سويت كل شي عشان ينزل ( قرفه 3 مرات شربت ولا نفع + نطيت وجلست العب مضاربه مع ولد اختي+
اكلت اناناس + شربت زنجبيل + عصرت بطني بقوى شي ومانزل )
اخر شي قلت ربي حفظه ما ابغى انزله

دعيت ربي انه يجعله ذكر صالح واتمنى من ربي يحقق مبتغايه اتعلقت فيه وحبيته

والحين ليه 3 ايام دم ينزل مني قد بدايت الدوره بس احمر واخر شي ذحين نزل
ويجني مغص زي الطلق في بطني وانا ذحين في الشهر الثاني

خايفه انه ربي يعاقبني باللي سويته وينزل ادعولي انه يكون ذكر ويثبته ربي


وقصتي للعظاء والعبره وتمنى تدعولي لان الدعاء لاخيك المسلم في ظهر الغيب مستجاب ان اشاء الله