ربي لا تذرني فردًا وأنت خير الوارثين 💔

السلام عليكم ورحمة الله
اسعد الله صباحكم بكل خير


سجلت في المنتدى وتمنيت تفيدوني
ويارب احصل عندكم اجابات اسئلتي
انا لي سنتين متزوجه وللحين ربي مارزقني
الله يرزقني ويرزق كل محرومه يارب


أنا آخر دورة نزلت لي بتاريخ ١٥ سبتمبر
ودورتي مو منتظمه ومن بعد الدوره بأسبوع
عندي ألم قوي مره في العصعص ويطلع لأسفل الظهر واسفل البطن احس نفس النغزات
استمر معي الألم ورحت المستشفى
وطحت بدكتوره ماتفهم الله يسامحها
قالت نسوي لك سونار مهبلي وبعد السونار
قمت امسح وكان فيه دم وانتوا بكرامه
سألتها ارتبكت وقالت عادي طبيعي
واستمر معي الدم ينقط تقريبًا ٥ ساعات
وبعدها وقف واليوم رجع لي الألم قوي
واحس بألم في صدري وثقل عام بجسمي
وعندي اسهال وانتم بكرامه ..


اعتذر عالاطاله بس هل نزول الدم بعد السونار طبيعي ؟؟
وهل هذي الاعراض ممكن تكون حمل ؟؟
افيدوني الله يجزاكم خير وادعوا لي يكون حمل 💔