ربي لا تذرني فردا وانت خير الوارثين!!

السلام عليكم غالياتي و خواتي بنات حواء،،
الله يحفظكن و يبارك لكن بالشهر الفضيل ويتقبل صالح اعمالكم.
بنات من الاخير اقولها لكم، لحقوا على اختكم قبل لا يزر عقلها! باختصار انا بنت ابي الستر تكفون ادعوا لي. الانسان الوحيد الي حبيته بحياتي الله ماكتب لنا نرتبط بالحلال لان اهله رفضوا الا يتزوج من اهله و انا من يومها الله العالم بلي فيني. الله يشهد اني حاولت قد ما اقدر اعيش حياتي عادي حتى اني انخطبت لكني بعد شهر بس قلت مابيه لاني ماقدرت احبه وهذاني كل يوم ادعي الله يفرجها علي. بنات الي مخوفني اني ماراح اسلك مع رجال ثاني! انا ابي الستر و ابي اكون ام وزوجه لكن شلون اتخلص من الافكار و الاوهام والهواجس؟؟ عفيه شوروا علي احس اني بجن! ماتمر لحظة الا وانا افكر فيه. اتخيله زوجي واتخيل عيالنا و حياتنا مع بعض واسرح كل شوي و لا اقدر اثبت على حاجه وكل ما حد شافني كل عسى ماشر شفيج شكلج مو طبيعيه. بنات انا توني صغيره! الهم كبرني و اخاف تمر الايام وابقى اتحسر على عمري. طلبتكم ادعوا لي و شوروا على شلون انسى وابدا من جديد؟ تكفون جعل ربي يطهركم من كل ذنب بحق هالايام المباركة من شهر رمضان.