ربي يرزق من تساعدني اعالي الجنان

جيبي صاج يفضّل يكون تيفال 

حطي عليه البن وحركيه لين يصير لونه بني 

بعدين اطحنيه في الطحانه  بس لازم يتحمص زين 

عشان ينطحن مزبوط  لا بعض الحبات تكسر الطحانه 

اذا ماتحمصت زين 

نفس قهوتي خولاني
اول شي نظفيها
وطريقتي احمس بالفرن
اشغل من اسفل واخليه ساعة ونص تقريبا
واقلبه كل ربع ساعه
اذا صار لونه زين
احط مستكه ويدوب خمس دقايق او لين تذوب واطلعها
لا تكثرين المستكة عشان ما يطلع مرارة
وبعدين فرغيه من الصينيه بصحن كبير لين يبرد

اذا تبغين قهوه مضبوطة اهم شي لا تكون الحمسه فاتحه ولا تستعجلين بالحمس
البعض يعلي النار وبكذا اللون يصير تمام وهي اصلا من جوى نيه

واطحنيها وسط لا تكون ناعمه مره

تراني مدمنة قهوه :)

فيه ناس يحطون شيبه مع البن اثناء التحميص ويطحنونها معه
كمية بسيطة فقط

امي حفظها الله تحط معه في اخر التحميسه ذرة قليل من السكر

و قهوتها حلوه فديتها تؤام روحي

اذا عندك فرن كهرباءي حطي القهوه في صينه وشغلي من تحت وفوق علی حرارة 200 وخليك جنبه وقلبيها كل خمس دقايق بسرعه تتحمص وقبل لا تخلصين بشوي حطي معها مقدار كمشة اليد شيبه تلقيها عند العطار وممكن تنثرين كم حبه مستكه وبعدين اذا حصلتي علی لون اشقر طلعيها وكبيها في صحن كبير لين تبرد تماما ثم حطيها في كيس واطحني علی قد استخدامكم الاسبوعي