ربي يسعدها سعادة الدارين اللي بترد ع موضوعي

الأسرة والمجتمع

السلام عليكم
كيفكم بنات اتمنى الجميع بخير
متابعه لمواضيعكن م زمان فاستفدت منكن كثير
وحابه اعرض عليكم مشكلة امي ولاكتبتها الا عشان أقراء ع امي روددكن ونصائحكن لعل وعسى تخففن عنها الله يجزاكن الجنه
ابوي متزوج معدد ثلاث ومدلع زوجاته وظالم امي تخيلوا لمن معاملة وحتى ليلتها ظالمها يروح يقضيها عندهن ولاجاء حزة العشاء جاء تعشى ونام هذا غير المعامله السئيه لها وهي ياقلبي عليها تتعب أكله تكون مخلصته بدري وتجلس ليلها كله تنتظر يجي يأكل وغير ذم الأكل احيانا يذمه والليل اللي مو عندها مايجيها الا مرور عشان يرقى فوق عند زوجته الثالثه تخيلوا باليوم كم مرور تشوفه بعيونها ومطنشها ولاكلمة ولاابتسامه طيب اقل شى احترمها ورح م الباب الخارجي الله يرزق امي الجنه ع كثر صبرها له مع ذلك اللي يقهرني انا وخواتي انها تحبه وتعامله بكل لطف واحترام وتحاول تكتم بصدرها ماتشكي ولا تكلمه بشى اهم شى عندها راضي عليها ومستحيل تسوي شى يغضبه تخاف منه وتحترم زوجاته وتحبهم بس عشان يرضى عليها وللأسف الطيبه دايم الناس تحتقرها زمناً ذا صار الطيب عندهم ضعيف حسبي الله وكفى،،
المهم انا وخواتي مو عاجبتنا معاملة ابوي لها نقول اقل شى اقطعي علاقتك بزوجاته عشان تقهرينه لانها حبتهم كله عشان يرضى عليه وهو للاسف مايقدر فيه المعروف اقسم بالله لو انه مو ابوي كان دعيت عليه لكن عشانه ابوي اقول الله يهديه ويسخره لامي ويرده لها رداً جميلا
والله معاملة امي لزوجته الأخيره كأنها وحده م بناتها تحبها تدلع عيالها تسوي لها احيانا اكل المهم علاقتها فيها مره مره متعلقه فيها وهي إنسانه طيبه لكن الله يهديها دايم تنقل حكي أبوي وزوجته لها بما انه ما يحاكي امي بشى وهي كل شى يقوله لها فأامي تحبها عشان تعلمها بكل شى حتى الأشياء اللي يسويهن لها ويدلعها ويشري لها تجي تعلم امي فيهن وأمي مسكينه تسولف معها وتضحك واذا جت البيت عندنا شكت انا ليش حضي كذا انا وانا ومن هالكلام اللي يخليها تعيش حزينه وتندب حضها وليش ابوك يكرهني طلبناها انا واخواتي تكفين اقطعي علاقتك فيها بحيث ان ابوي مايعلمها بشى فحنا ودنا ماتدري عن حالهن لأمن خير ولاشر عشان ع الأقل ترتاح معنا حنا ي بناتها ودنا تسولف معنا وتوسع صدرها لكن للاسف علاقتها فيها جابت لنا مشاكل ودايم اذا جينا نبي نتونس جلست تشكى م حضها نحاول ننسيها وللأسف اذا رحنا ببيوتنا ترجع وتروح لها وم بكرى تجي وتصيح وتضيق صدورنا انا بصراحه أفعال ابوي وكلامه اللي تقوله لاامي اقسم بالله شى يضيق الصدر لكن اقول لامي لا تسمعين لها عشان ترتاحين ويعوضك ربي بالجنه اللي احسن م الف رجال
للاسف امي لاتعاتب ابوي ولاشى بس تجلس كذا ضايق صدرها حزينه تندب حضها قسم بالله تضيق صدورنا ولآتسمع لنا
انا احس لو بتقطع العلاقه كان يمكن بترتاح لان ابوي مستحيل يكلمها بشى ولا راح تعرف شى عن ابوي وزوجاته وبكذا ان شاء الله بترتاح--
والمشكله كل بين اسبوع وهي جايه مشكله بينهنن يعني احس امي ع كذا بتتعب وحده كبيره وفيها سكر وماتتحمل وهي كل شوي بمشاكل حنا خايفين عليها والا ابوي والحريم ماعليهم منها الله يخليها لي ولخواتي ويمدها بالصحه والعافيه ،،
بنات تكفون ماكتبت لكم قصتها كامله الا أبيكم تنصحونها م قلب م كلام ونصائح ودعوات ربي يسعدها ويشوف ابوي سعادتها يارب وعافيتها ويسخر لها ابوي وإخواني وينصرها ع ابوي نصرا عزيزا مقتدر
وترى خبرتها اني كتبت الموضوع وقالت اقري علي الردود مره متضايقه محتاجه احد ينصحها ويعلمها ع صبرها عاد هي تحب المنتدى دايم اقراء عليها وهالموضوع ابقراء عليها ردودكن ودعواتكن لها الله يجزاكن الجنه
27
2K

يلزم عليك تسجيل الدخول أولًا لكتابة تعليق.

تسجيل دخول

نانن دلوعة حبيبها
امك ام عظيمه ماشاءالله تبارك الرحمن
اسال الله لصبرها وحفظ بيتها ان يرزقها جنة الفردوس وان تكون بجوار الرسول صلى الله عليه وسلم


امك افتخري فييها حيل عزيزتي والله نادراً تكون الام تخاف على مصلحة بناتها هالكثر ، وهي اكيد بتحب ابوك مع كل شي يسويه لانه زوجها وبينهم عشرة سنين وعيال وهي شريفه وحبها شريف عشان كذا ماخانت الحب وباعته مثل ما باعها
ابوك مليون وتسعطش الف مره هوو خسران انه خسر جوهره مثل امك الله يحميها ، قولي لهاا الله بيرزقك على قد صبرك والله ما يضيع حق مظلوم الله يمهل ولا يهمل بس لاا تندب فحضها الله كاتب لها كذا وبذي الطريقه كانها تمتنع عن حكمته ومافي حكمته الا الخير ان شاءالله ، والله هي ملكة خليها تتفاخر فيكم وبنفسها وتعيش لكم ولها حتى لو تسمع من طبينتها اكيد تبي تحرها
وعليهاا بصلتهاا مع ربي تكثر وتلح الحاح شديد على الله تستغفر الاستغفار يحقق الامنيات ..


وابوك بيجيه يوم يطيح وما يقلى غير امك جنبه
- والله من تقديري لهااا ومن الكلام الي قريته تمنيت اني اشوفها وابوس راسها على الي تسويه لكم ، هذي الام من ججد وقليله بحقها لو نقول انها ملكة وتحتاج تاج يترسم على راسها -


اسال الله في هذا اليوم ان يرزقها سعاده لا توصف وحب وبر منكم لاا ينتهي ويحنن ويسخر لها قلب زوجهاا وشريك عمرها ، اسال الله ان يلبسها لباس السعاده اسال الله ان يجعل وجهها نور بالدنيا والاخره ولا يحرمكم شوفتها باتم صحه اسال الله ان يلبسها لباس العافيه ويشفيها


روحو مكه انتو وامكم خليها تغتسل بماء زمزم وتدعي بنية الشفاء حتى من السكر والضغط وتدعي لله وباذن الله ربي مايردها خايبه


الله يسعدها وويخليها لكم - دمعت عيوني - 😢💜
ام وسيم 1411
ام وسيم 1411
ياقلبي انتي عسى ربي يجزاك الجنه ويسعدك وراح اقراء كلامك ع امي لانه اكيد بيبسطها ويشجعها ع الصبر الله يسعدك ويسعدك بالدنيا والأخره يارب
Aom fares
Aom fares
ربي يخليها لكم ويحفظها ... ويرزقها سعة الخاطر وبرودةالقلب وسعة البال ويصير لاراح ولاجاء مايهمها يااارب .... وقولي ام فارس تقول خليها تطنشه .. وفيكم ياعيالها البركه والخير يكفي ووجودكم حولها ابي امك تعز نفسها عنه وتطنشه انا حاسه فيها لاتوووووووووجع قلبها لاتندب حضها .. وقووووولي لاامك لاتعطيه اكبر من حقه .... لاجاها تعامله بالاحترام وتقدره وان راح الله يستر عليه ... اما تحب حريمه عشان يرضئ لالالا كثيير يكفي احترامه وتقديره وخليها تقطع العلاقه معهن من بعيد لابعيد ابرك مادام مايجي من ورا هالباب الاضيقة الصدر خليها تسده ابرك لها
الزم ماعليها عيالها حولها ويحبونها وربي اعرف واحد ماخذ 3 علئ حرمته الكبيره ينام عندهن ومخليها وش اكبر من هذي توجع بالقلب ولالا وابشرك ماشاء الله عليها ومعطيته طناااش مادرت عنه اجل تطرد وراه تعز نفسه ابرك .... وسبحان الله ربي عوضها عنه شوووفي عيالها رجاال لهم قيمه بين الرجال ماشاء الله لاقوة الابالله...
نانن دلوعة حبيبها
ياقلبي انتي عسى ربي يجزاك الجنه ويسعدك وراح اقراء كلامك ع امي لانه اكيد بيبسطها ويشجعها ع الصبر الله يسعدك ويسعدك بالدنيا والأخره يارب
ياقلبي انتي عسى ربي يجزاك الجنه ويسعدك وراح اقراء كلامك ع امي لانه اكيد بيبسطها ويشجعها ع الصبر...
والله عندي كلام كثير لهاا بس مو عارفه خانني التعبير ☹

الله يجعلني اشوف السعاده فيكم ولكم اضعاف سعادتي بدعوتك ذي والله يسخرها لكم ويسخركم لها
مكنسه سريعه
مكنسه سريعه
ياقلبي عليه ... اذا موفر له الاكل والشرب .....و قيام بواجبات البيت خلاص الله يخلي له عياله ... شكل الثالثه شباب مشببته .. خلاص احسن له تنفك من خدامته ومشاكله .. عندي امي وابوي الله يحفظهم .. كبار معاد يتحملون بعض غير مشاكل ... الله يطول باعمارهم .. احسن شي تقطع علاقته بهن تصوم الخميس والاثنين .. احسن له وتخلي المسبحه والسجاده عند فراشه . الله يفرجه عليكم .. اللهم صلي على محمد صلى الله عليه وسلم.