ربي يفرج هم كل من ردت على الموضوع أبغى حل بسرعه

السلام عليكم ورحمة الله وبركاته


صديقتي تطلبكم المشوره والدعاء لها

هذي مشكلتها وعلى لسانهاا


زوجي له يومين متغير علي وزعلان يقولي انتي ماتفكرين فيني ولاتوقفين معاي وراي اجار ونقل عمرك ماساعدتيني في شئ ولاوقفتي معاي حاس اني لحالي في الدنيا
تفكرين في نفسك وبس الزوجين يوقفون مع بعض طبعاً ..
انا ساكنه المدينه وزوجي جاته ترقيه على ابها وسيارتنا ماتوصل واحنا على وشك النقل ولازم يداوم الاربعاء والسبت في ابها وزوجي طلب مني هاليومين اتسلف من
اخوي 2000 ريال يقول قوليله انتي تبغيها ناقصك اشياء واخوي وراه اجارات ومصاريف والحال الله العالم به وقبل ثلاث سنين زوجي طلبني اتسلف من اخوي 2000 ريال
وللحين مارجعها واخوي ماسال فيها ويوم قلتله استلفنا منه قبل كذا 2000 مارجعناها انكر يقول انتي تقولين اعطاكي هي هديه .... طبعا انا ماني موظفه و راتب زوجي
الحمدلله كويس ولسه باقي على نزول الراتب ونحنا بنطلع الاربعاء لازم اذا طلعنا ابها عالاقل نجلس اسبوع ندور بيت ولابد من سياره تتحمل اللف والدوران واخوه الكبير
عطانا سيارته نسافر فيها وزوجي رفض يقول بنحتاجها في الايام الجايه ونطلبها ،،معتمد على فلوس اخويه والشهر اللي فات اتسلف من اخوي الكبير 314 ريال وقبل اسبوع استلف
من اخوي الصغير 200 ريال ولارجعهم وهو يدري ان اخواني اللي يستلف منهم مايقبلون نرجعها لهم ابداً وزوجي طِمع
والحين يزن علي اطلب اخوي او بيسافر ابها هو وصاحبه وانا منحرجه من اخوي واخاف يورطني مع اهلي واذا رفضت بيزعل وبيقلب الدنيا وش رايكم ...
ابي مشكورتكم الله يسعدكم ودعواتكم


يالله بناات عطوني رايكم .. والله البنت محتااره مررا وأنا قلت أنزلها لك..

بناات أرجوكم اللي ترد تحتسب الأجر ورجااء خاص خليكم مثل ما عرفتكم بعيني غاليين وتحبون الخير للناس




مو وحده تجي وتقول أنو أنا صاحبة المشكله ,, لأن أصلا زوجي موقوف هالفتره ,,واللي مو مصدق يدخل ملفي ويشوف مشاركاتي وين موجوده<< احتراساات أمنيه لا أكثر ولا أقل :55: وأصلا لو أنا صاحبتها قلت أنا, وكل الناس تمر بمشاكل بس الصدق صدق>>طيب وش بك معصبه

أدعوا لنا بالفرج أنا وصاحبتي

:26: