اختي العزيزه .. مشكوره على الدعاء انا بأمس الحاجه للدعاء لأني على وشك ولاده ..
بقولج حبيبتي اني باخر شهر واي وقت اذا ربي فرجها بولد بإذن الله بليز بنات لا تنسوني بدعاء تراني خايفه موت !!
المهم حبيبتي عن تجربه !!! انا ياني بواسير بالشهر الثامن انا من قبل جم سنه كان فيني بس يروح ويرد وما عالجته المهم ياني عوار الله لا يوريج شفت الموت بس ابجي ما اقدر امشي ولا اقعد ولا اسوي شيء و رحت حق الدكتور لما شافهم قالي هذي حاله متقدمه بواسيرج مجلطه من الدرجه الرابعه وانا ما اقدر اعطيج شيء لانج حامل بس جانج ولدتي و ما راحوا ضروري نشيلج اياهم يالليزر ..
المهم ما طول عليج عطاني مسهل اسمه نورماكول و عطاني حبوب اعشاب للأسف قطيتهم هذوله يهدون الوضع ويسكنون الألم وعطاني دهان موضعي عليهم مرتين باليوم ...
كل هذا كوم والشيء اللي صج فادني حبيبتي واتمنى انج اسوينه تيبين طشت ماي دافي و تحطين فيه ملح و تقعدين فيه 5 دقايق تسوينها 3 مرات باليوم والله اني ارتحت حييييل عليه وخلال 3 ايام جني جذابه ..
اتمنى اني افدتج واي شي انا حاضر حبيبتي :)

اختي شوفي جربي طريقتي يمكن تنفع معك مثل مانفعتني لانك نفس معاناتي بالضبط واستمر معي تقريبا حوالي سنه ماخليت ولاشي من الادويه ماجربته بس مافيه فايده و العلاج هو اقطعي النشويات واهم شي الخبز الابيض والرز اسبوع كامل و كثري من السوائل والخضروات والفاكهه وشوفي عسى الله ينفع به

اختي منار

يعطيك العافيه وانا قال لي الدكتور ان مابينفع معاك الا العمليه بس خايفه لان كثير سووها ورجعن وبعدين ما حصلت طبيبه كلهم رجال ..
اختي watan
يعطيك العافيه وربي يجعل لك بكل حرف كتبتيه حسنه بالجنه بس سؤال
هل سويتي العمليه بالليزر بعد الولاده ؟ ووين ؟؟ وهل نفعت ؟؟ راحن البواسير نهائيا ؟؟

وبالنسبه للمويه والملح والله جربتها بس ايام وتروح وترجع المشاكل ..

المودبه:.:.

جربت ونفعت باولها والحين لا ... بس لين متى ؟؟
ابي حل يخلصني من هالازمه ..

الله يعافيج أختي و يشفيج و يحفظج من كل سوء يا رب ..
تداوي إختي بحبة البركة و العسل و ماء زمزم .. و ربي بيشفيج بإذنه سبحانه ..
أسأل الله العظيم رب العرش العظيم أن يشفيك ..
اللهم رب الناس .. اذهب عنها الباس .. اشفها و أنت الشافي ... شفاء من عندك لا يغادر سقماً ..

الف سلامه عليك انا ببنتي البكريه صارلي نفسك بضبط لاني صغيره 16 سنه وماعارفه شدي ولا لا وصار لي نفسك بضبط بقيت اموت حتى اني تنومت وانا نفاس الله يسامحهم الي يولدونا يخلونا نشد قبل موعد الشد

ولي حصلك كان بسبب شدك بغير وقته ورغبتك للحمام كان المفروض تخليك تروحين

المهم اختي رحت حق دكتوره عامه وشافتني وعطتني تحاميل ومرهم له بوز طويل ومسكنات

بس والله ماحسيت براحه الا لين امي سوت لي دواء جعل ايدها ماهي لنار وقالت كل اغلب الولد عندنا يصير فيهم كذا شوفي
بعد ماتتشطفي بالماء زين تكوني طابخه جفد (عند العطار ) ومباركه شقراء (صبر) بنفس الكميه بعد ماتجرشيهم شوي ويغلون 3مرات طفي عليهم وخليهم يركدون بعدين صبيهم بعلبه صحه كبيره
وخلي عندك لفت قطن كبيره طبيه وقطعي منها وغرقيها بلغسول ودسيها بفتحت الشرج ثم سكري ارجولك وخذي نفس عميق وخليها وكرري العمليه على طول باي وقت خليك مستمره واصبري

حتى وانت حامل انشاء الله مابيضرك لانه كله خارجي

وانتبهي عند التبرز تشطفي بنعومه ولا توجهي الهوز ذو الدفع القوي على فتحت الشرج لانه بيمزق اكثر تنضفي تمام وجففي بالقطن بضقط وليس المسح لانه يهيج الجرح

وبنسبه لى بولادتي الثانيه ماشفت الا العافيه

وتر الغسول الي قلتلك عليه بخيط جرحك انشاء الله وبيضمر القطعه لين تدخل لوضعها الطبيعي

اسفه طولت لاني حاسه فيك وحبيت افيدك واكسب دعوه لي بضهر الغيب ان الله يهدي اولادي ويجنبهم شياطين الانس والجن قولو اميـــــــــــــــــن