كيفكم ان شاءالله بخير
انا عضوة جديدة في هذا المنتدى الجميل
وحبيت اشارككم قصتي مع الكانسر شافني الله وجميع المسلمين وحفظني وحفظكم جميعًا أنا انسانه ماروح المستشفى لو وش ماصار وأنا ولله الحمد الدوره كانت منتظمة عندي وطبيعيه والم اشكو من شي واخذ حبوب لمنعها مثل شهر رمضان او ايام العشر من ذي الحجة طبعًا انا اصرفها لنفسي اخذها من الصيدلية وماروح مستشفى نهائيًا ومن فترة لفترة اقول بروح اسوي سونار اتطمن ولا والله ماحس شيء وفي احد الأيام وكان في رمضان جاني غثيان غريب مدري كيف اشرح لكم وكأن فيه كتمه وقلت بس هذا من الأكل وصرت اخفف اكل الزيوت واختي تقول بوديك المستشفى قلت لها لالا هذا من الأكل وانا بعد العيد بروح اكشف واسوي سونار ومرت الأيام والسنين وجا رمضان الثاني والثالث ونفس الأعراض ونفس السوناريو أرفض اروح المستشفى واقول بروح اسوي سونار واكنسل وجا رمضان الرابع ونفس الشي وبس اخفف اكل الزيوت تختفي الاعراض وبعد قلت خلاص بروح اسوي سونار لمتى وانا اقول بروح وارجع اكنسل المهم مارحت وجا شهر ذو القعدة وجت أعراض جديدة كثرة تبول أكرمكم الله وقلت بس معي فقر دم او التهابات ومع هذا كله مارحت وجا عيد الاضحى وعيدت بس ساعتين ورحت ونمت على سريري احس بيغمى علي وبعد كم يوم رحت مستشفى خاص ورحت لدكتورة باطنية ولمست بطني قالت بطنك منفوخة بس هذي غازات ومعك قولون عصبي وفقر دم حاد كان الدم ٦ وعطتني علاج دم انبولات بس ريحته كريهه وقالت اخلطيه مع عصير برتقال او ليمون وعطتني فيتامين ب ١٢ وحمض الفوليك وكان وقت الدوره باقي عنه يومين واخذت العلاج وجت الدوره بس كان لون الدم غريب احمر صارخ ووخلصت الدوره وبعد أسبوعين تقريبًا منذ أخذ العلاج حسيت شيء زي الرطوبة على المبيضين ومر شهر ولم تأتي الدوره ايوه عاد انا طلبت من الدكتورة سونار قالت متحاتجين سونار بس ابكتب لك ونزلت من عندها وحصلناها متعطل مايشتغل وقلت لأختي بس بروح مستشفى ثاني ابي سونار لازم سونار وفكرت شوي وقلت بس تدرين مابي بعدين مع المراجعه اشوف الدم كيف واسوي سونار وتمضي الأيام وخلصت علاج الدم ومارحت للمراجعه واشوف يديني بيضاء من جوه وقتها كنت اشرب رمان واحيانا شمندر وبعد ١٢ يوم منذ خلصت العلاج رجعت اشوف الدم طلع ٨ وقلت لها بس مبي العلاج هذا قالت سلامات دمك ٨ وماتبين علاج لا لازم تاخذينه واخذته وانا كارهته واشرب كل يوم صباحًا ومساء عاد هالمره بس علاج الدم وحمض الفوليك المهم تقريبا باقي ٥ ايام ويخلص العلاج وارجع اشوف الدم وقبل الموعد ب ٥ ايام جاني الم فضييع فضييع وأستمر ٤ وانا رافضه اروح المستشفى واليوم الخامس قلت خلاص بروح المستشفى ورحت وسويت سونار وقالو عندك كيس ٣ سانتي على المبيض الأيسر والتهابات وتوقع قالو موياء بالبطن المهم مابي أكمل السالفة طويلة طويلة جدًا هذا بس اختصارات من قصة حياتي وكل يوم ألوم نفسي على الإهمال وانا عارفه ان المرض قضاء وقدر بس ماودي اهملت نفسي لين صار عمري ٤٠ سنه وخسرت كل شي بس الحمدلله على كل حال
