انا كتبت من قبل اشسويت بس بعيده للافادة



المهم حبيباتي بقولكم اشسويت لان ادري شلون انتوا ملهوفين مجربة الشعور

1) امتنعت عن الوجبات السريعه لان وحده كانت على طول تاكل فاست فود من هارديز وجسميز وكنتاكي وغيرهم وما كانت تحمل قالت لها الدكتورة تركيها وبتحملين لانها تعفس الهرمونات وفعلا ربي كريم حملت البنت
2) ااتبعت السنة النبوية وقررت ما اشيل شعر العانة بالحلاوة وبديت اشيل من 3 شهور باللموس (الحلق) لان السنة مثل ما تعرفون نتف الابط وحلق العانة صحيح المكان صار ماساة من الحبوب بس الله دائما يريد لنا الخير والحلق للعانة احسن للرحم
3) توكلت على ربي العظيم وحطيت في بالي انه ماخر حملي الا لخير طبعا وصرت استغفر وداومت على الذكر والاستغفار وخاصة سيد الاستغفار وصرت كل ما احد يجرحني او اذا جفت اطفال غيري وحسيت بحسرة اتعوذ من الشيطان واذكر ربي واستغفر اكثر واقول ربي لا تذرني فردا وانت خير الوارثين وكنت دايم اقول لربي اني يمكن ما استاهل هالنعمة لكن كرمك ورحمتك اوسع لي فرحمني يارب لان رحمتك واسعه ياارحم الراحمين
4) قررت اشغل نفسي باي شي عشان ما افكر بالحمل لان كل ما فكرت الجسم اصير عنده لا اراديا ردت فعل عكسية وطبعا قررت ما ادخل قسم تاخر الحمل لان اذاكرني بالحمل صرت ادخل الاقسام الثانية اروح السوق اروح لصديقاتي
المهم حاولت بس تبون الصراحة صعب مهما اتحاولين ما تقدرين
تخيلوا كنت كل شهر ما اشتري كوتكس لان عندي امل احمل ولمه تجيني اروح اشتري هالمرة رحت قبل الدورة باسبوعين واخذتلي كمية كبيــــرة احتياط لان حاطة في بالي انها بتجيني يارب ما اجوفها الابعد 9 شهور
5) انا اشتغل وشغلي صراحة متعب (باحثة اجتماعية) اتعامل مع الفقراء واحيانا اتعب واتملل قررت انا اشتغل اكثر واخلص في عملي اكثر واحتسبه عند ربي وكله بنيت الحمل
6) اهتميت في زوجي اكثر من قبل وايضا بديت ما انتظر منه اي شي لان احتسبته لرضى ربي العظيم
7) طلبت من صديقة لي عندها عسل طبيعي يمني من قبل كانت اتقولي استخدمي العسل في المهبل ترى ينظف الرحم ويساعد على الحمل لكن الله يهديني ما كنت اخذ بنصيحتها لكن قلت هالمرة ما راح اضيع وقت وفعلا خذيت من عندا وقررت استخدمة اذا خلصت من الدورة
8) الاهم ان الدورة جتني بتاريخ 5/10/2008 وكانت امي تبي اتوديني لوحدة اتمرخ وكنت دايما ارفض هالمرة رحت لامي وقلتلها يمة وديني للمرة يا بنات والله العظيم انها امراة طيبة ولا تطلب شي عطيتها خذت ما عطيتها عادي هي اصلها اردنية تمرخ الاطفال واتداويهم اذا فيهم شى واتداولي النسوان الي يبون الحمل المهم رحت له ثاني يوم الدورة
قلتلى انبطحي قلتلها بتمرخيني؟؟؟ انا خايفة لان من 8 شهور امسويه عملية الياف واخاف التمرخ اثر علي قالت لا تخافيني وتوكيلي على الله انا بمرخج من اعلى العانة ومارح المس العملية وسالتني من متى انتى متزوجة قلتلها من 3 سنوات وبدت اول شي حطت اصبعها في سري وبدت تضغط وهزت راسها قلت لها خير قالت رحمج مرتفع؟؟؟ لكن الله الحمد اشوي مو وايد وبدت تفرك بطني بقوه وكانها تدفعه للاسفل عشان ترجعه مكانه وللحين يا بنات اتذكر كلامها توكيلي على الله وان شاء الله بتحملين وذا ما حملتي هالشهر تعالي لي الشهر الجاي وعطتني شى اكله على الريج طول مدة الدورة وقالت اذا زاد اكلية ماراح اضرج وانا لمه كنت اكلة حسيت انه في حبة سودة وكمون واشياء ثانية مطحونه ما ادري شنو فيها
9) كنت اشرب العصر وفي الليل عسل وزيت زيتون وزنجبيل
10) كنت اخذ حبوب فوليك
11) رحت للمرخة اخر يوم الدورة وكنت احس بالم في ظهري فركت لي ضهري وسوت لي كاسات هواء وحطت لي لصقة جونسون لكن صراحة انا من تزوجت وانا اعاني من الم في ظهري صراحة ريحتني وشدت ظهري ونمت واهي اتحطها لي بعد كاسات الهوا
12) اخر يوم من الدورة حطيت بواسطة الابرة الي تستخدم لاطفال لشرب الدواء بعد ما عقمتها شويه عسل ونمت فيه للصبح لمدة يومين واليوم الثالث بعد الدورة حطيت جمر في منقله ودفيت المنطقة الحساسة لمدة 5 دقايق وبعدين حطيت شوي مسك طبيعي من عبد الصمد القرشي (ربع تولهب 18 دينار بحريني ) في المهبل وخذيت كوتكس وحطيت فيها عسل ومسك ولبستها ونمت للصبح
13) حسبت ايام التبويض عن طريق الانترنت وفي الايام كان بيتي وبين زوجي زعل وكان يومها بدا التبويض تعوذت من الشيطان وقلت بتنازل وبروح له عشان ايصير جماع لان بصراحة ابي عيال وفعلا رحت له وكان مايبي تميت لين تجاووب معاي والحمدالله صار الجماع 12 و13 و 14 و 15 و 16 من الدورة

الله يعطك العافيه تذكرت انك كتبتي ورحت وبحثت ولقيته
اخر سؤال انتي من وين ودي اروح للمرخه اللي مرختك

مبرووووووووووووووووووووووووووك
الله يثبت حملك ويسهل ولادتك
وتشوفينه نايم بحضنك ويلعب حولك

الف الف مبروووك,,,, الله يثبت حملك ان شاء الله و يرزقك الولد السليم المعافى,,, ويرزق كل من اراد
بس حبيت اسألك متى عرفتي انك حامل؟

ما شاء الله تبارك الرحمن الف الف الف الف مبروك


الله يثبته ياحي ياقيوم ويسهل عليك حمله وولادته ويبلغك انتي وزوجك فيه ويجعله من عباده الصالحين ياحي ياقيوم



انتبهي لنفسك حبيبتي والف مبروك الله يرزقك يارب