السلام عليكم ورحمة الله وبركاته,, تفضلوا الله يحييكم نوروا موضوعي ,,
الله اكبر الله اكبر الله اكبر ولله الحمد ,, الله اكبر كبيرا , والحمد لله كثيرا ,, وسبحان الله بكرة وأصيلا,,
ندخل موضوعنا بلا مقدماااات..
أكيييد الجمييع يعاني من حوسة دولاب الطعام اللي فيه المعلبات و و و ...
والحمد لله انا كنت سابقا من اللي يعانون من هذه المشكله ,,, لكني تبت الى الله << ههههه
وبصراحه سويت أفكار بعضها من هذا المنتدى وبعضها من عندي ..
الفكرة الاولى :
:انك تسوين رفوف فوق بعض للمعلبات ,, وهنا بنستفيد من الكراتين مثل كراتين الاحذيه اعزكم الله,وطريقة قصها واضحه في الصوره..
وبعدين الغطاء حق الكرتون تحطينه فوق الرف عشان يقوي الرف ويكون يتحمل العلب اللي تحطينها فوقه(الصورة الثانية توضح اكثر)..
وبنفس الفكره تحطين فوق الكرتون الاول كرتون ثاني وكذا بيكون عندك 3 رفوف ترتبين فيها المعلبات.
الرف اللي تحت يكون للمعلبات الثقيله والباقي رتبيهم حسب نوعهم في الرفوف الباقيه.
الفكرة الثانيه:
انك تجيبين كرتون وتقصين غطاه وتضعينه بالدولاب بالطول وترتبين فيه الاشياء اللي باكياس مثل المعكرونه,,مع ملاحظة انه تكون عرض الاكياس قريب من عرض الكرتون عشان تثبت.
وأنا حطيت الكيس المفتوح من المكرونه في اعلى الكرتون.
الفكرة الثالثه:
تفيد بترتيب الاشياء الصغيره مثل الكريمه والجلي ,وأنا استفدت من الشبك الاسود حق الفواكه ,وأخذت اثنين نفس المقاس تقريبا,عبيت الاول بالكريمه وعبيت الثاني بالجلي,وحطيتهم فوق بعض, واذا بغيت شيء اطلع الشبك واخذ اللي ابي منه.
وهذي صوره جماعيه ...( من اليمين كرتونين فوق بعض رفوف للمعلبات, وبعدهم الكرتون صفيت فيه المكرونه, والاخير الشبكين للكريمه والجلي وماشابههم)
ملاحظه:
اكيييييييييد حبيبتي اذا زينتي الرفوف بلمساتك الحلوه بيكون شكلها أحلى بكثيييييييير,لكن انا رتبتها وبعديييييين اسوي اللمسات لاني اكيد اذا شفت الترتيب يزيد حماسي لافكار ثانيه, واطلع للسوق طلعه مخصوصه للخامات اللي احتاجها,,
وأشكركم جميييييعا ياحلوات,ويالله بسرعه طبقوا الافكار لاتسوفون وبالنهايه تنسونها, واتمنى منكم فضلا لا أمرا تدعون لي ولحبيبة قلبي أمي ربي يعافيها,,والمسلمين أجمعين..
وإن شاء الله يكون موضوعي فندق خمس نجوم <<ههههه أقصد نجوم التقييم ,, مع ان الموضوع بسيط لكن اتفائل.وبإذن الله يكون الموضوع هذا انطلاقه لمواضيع أخرى جديده ومفيده,,
وأرجوا من صاحبات التعليقات الجارحه ان يتذكروا أننا في أفضل أيام السنه وهي ايام عشر ذي الحجه ويكفون اذاهم,,