رثاء

يالله يامن ترسل الاجـل والاقدار=يالله يامــــن نزل الانفال وياسين

يارب يامـن له في الكـون اسرار=انا عــبدك على دينك والعهد باقين

قالوا القـدر نزل من رب الابرار=والقضاء من الرحمـن رب العالميـن

والمؤمن ان حل القضى عليه صبّار=واحنارضينا بالقدر في الخير والشين

يوم الخميس غــادر الدنيا وسار=عاشر يوم من شهرالصيام وافين

الاجل لحان وعده ماتفيد الاعذار=امــر من المولى على الانام اجمعين

فاضت الدموع من الفراق انهار=على شيخٍ طريح في الكفن محازين

والحزن وسط القلب يعصراعصار=والالم اقصى الضماير ثار براكين

بكـى عليك اهـلك والهيل والدار=زهران اليوم تنعى يانسل الميامين

راعي الكرم والجود رمز وشعار=شيخ المراجل مايعوض فيه ملاين

شهم قدوم مكرم الضيفان والجار=ماضي الزمان وتالي الوقت والحين

عاش العمر حافظ دينه والاذكار=ورايه بين الناس في الشّده يبين

يارب وسع قبره اجعل فيه انوار=واغسله بالماء والبرد يارب آمين

واجعله على الأرائك والأبرار زوار=واحشره مع الرسل آمين وآمين

عسى في جنة الفردوس ضمن الاخيار=بين الحورالعين في روضة بساتين

يارب تجعل العوض في خـير الاحرار=اهل الشيم والعرف والكرم عناوين

رموزالفخر يانسل الصقور اصقار=ياوفـــى الوفا اهل الشرف اصيلين

وتجبر الكسر المصاب يامقدّر الاقدار=والهمنا الصبر والسلوان يارب يامعين

صلاتي عد ماطلع شمس(ن) واقمار=على محمدالمختار امام المرسلين