بسم الله الرحمن الرحيم
أول شي بقولكم القصة اللي خلتني أكتب هالموضوع ..
ولد من جماعتنا أمه تطلقت وهو عمره سنة وأخذته أمه ربته الين صار صف خامس وراحت تزوجت ولما تزوجت أرسلته لأبوه تقول أنا ربيته أكثر من عشر سنوات وخلاص بشوف نفسي طبعا أبوه تزوج قبل أمه وراح لأبوه وماتحملته زوجة أبوه وطردته كلم أمه ماعطته وجه وقالت ارجع له الولد راح عاش عند خالته فترة وخالته مرة تطرده ومردة تدخله البيت وتقول أنا يالله أربي عيالي وكبر الولد وهو مشرد ياعمري عليه وانحرف وهو عمره 14 سنة بدا يشرب ويسكر شي طبيعي مالقى أحد يعلمه ويربيه ( وربي عندي إخوان مراهقين أنا أراقبهم وأخوي الكبير يراقبهم واللي أصغر من الكبير يتابعهم طبعا مراقبة واهتمام من باب الخوف عليهم ومع كذا كل يوم مسوين هوشة وإلا مشكلة الواحد حتى مع المراقبة في مشاكل ) فما بالك بمراهق ماله أحد ..
وهذا الولد مسكين بقى مشرد وتو أخوي يسولف لي عنه يقول الفجر وأنا رايح للصلاة لقيته سكران ورايح يتحرش بناس وطلع ولدهم الكبير وطعنه بالسكين والحين بالعناية المركز والقضية ضده بعد لإنه دخل على الناس في بيتهم وهو سكران مادرى بنفسه ..
موضوعي : ياحريم حواء اللي مو قد الأمومة لاتجيب عيال وترميهم للشارع خلاص أنتي سبب وجودهم بعد ربي حافظي عليهم ماتقدرين تتحملين ولا تضحين خلاص لاتجيبين عيال حرام وربي حرام تربيهم الشوارع الأمومة يعني تضحية الله يخليكم إذا تزوجتي خليك سنة شوفي الرجال كويس وإلا لا وإذا قررتي تصير أم بإذن ربي كوني قدها وربي احترق قلبي على هالولد وأنا بحياتي ماشفته أسمع عنه بس ربي عطاك نعمة الأمومة كوني قدها لا تقولين بشوف حياتي وأنا توني صغيرة لو تطلقت بتزوج لا فكري بعيالك أول ربي يعوضكم فيهم وإذا حاطة في بالك تتزوجين لو ربي كتب طلاق الله يكفيكم شره لاتجيبين عيال ويتشردون حسوا فيهم لاتحطين فيهم حرتك على أبوهم وتروحين تعاندين أبوهم وتتزوجين قبله عشان تقهرينه لا عيالك أولى خلاصة موضوعي إذا جبتي عيال كوني قد الأمومة ..
دانية الرياض @dany_alryad
محررة فضية
يلزم عليك تسجيل الدخول أولًا لكتابة تعليق.
ام البراء 14
•
والله انك صادقه جزاك اله خير
صادقه 100 % اجل الوحده تجيب عيال علشان ترميهم العيال مسؤوليه ولا تبي تنسال عنهم يوم القيامه
جزاك الله خير على هالقصه للعظه والعبره
جزاك الله خير على هالقصه للعظه والعبره
الله ياخذ هذا الام اللي فضلت الزواج على ولادها اعوذ بالله الله يجزاكي خير ياعسل وقولي لنا باقي التفاصل
مشكورين خواتي على المرور لازم يكون في توعية بأهمية الأمومة تراها شي كبير مو ولادة واستقبال وتوزيعات ومستشفى خاص لا الأمومة أكبر من كذا الأمومة مسؤلية قدام ربي أولا ثم قدام عيالك ترى مافي قانون بالعالم يقولك جيبي عيال غصب منتي قد المسؤلية لاتجيبين
الصفحة الأخيرة