رجاء......فقط لسديدات الرأي!!!!

السلام عليكم ورحمة الله وبركاتة

اخواتي العزيزات

اود ان اشكر كل القائمين على هذا المنتدى الرائع جزاهن الله خيرا..

ربما تكون لي هذه اول مشاركة لكني اتابعكم من وقت طويل

المهم <<< ندخل في الموضوع طواال.

انا اود ان استشيركم بموضوع بس ارجوووكم رجاااااء خااااص جدا اني اريد منكم فعلا المشورة العقلانيه والتي اراعي فيها حقي وحق غيري وحق الله فوق كل شي...


انا متزوجة لي تقريبا ثلاث سنوات ولدي طفلان الحمد لله

عندما تزوجت كنت قد تخرجت من المتوسطة واكملت الثانوية ببيت الزوجيه وانهيتها وخلصت منها

ولكن..

تفاجأت يوم من الايام من زوجي وحنا قاعدين في امان الله وماشالله مابنا شي قالي زوجي ابي اقلك على سالفة منغصه علي

انا بكل ثقة قول وش فيك

قال بس لاتبكين وتقعدي تسوين لي مناحة <<<< لاني حساااسه واي شي ابكي بذات اول زواجي.

قلتله ان شالله وش فيك وانا حاطه يدي على قلبي

تخيلو وش قال:













قالي انا متزوج!!!!(ولا عمري حسيت باييييييي تغير فيه >>> ياغافل لك الله)
لي كم شهر بس طلقتها يعني ماتميت وياها الا كم اسبوع وندمت من يوم دخلت عليها اشد الندم وكان

باين عليه انه خجلان من حاله ومتاثر واااجد انه سوا ذا الشي وقالي اني ماكنت بعقلي لاننا كنا

مشاكلنا كثيييره ومو مشاكل الا بس انا عشان بدراسه وحمل وهو مايحب طبعا يشوف اي شي مو على

اصوله مسوا وبعدين احيانا يقعد يحرق دمي ماتسوين وماتسوين وانا والله اكون مخلصه وهالكه حالي

وهو بس كذا استفزاز وتنقلب حريقه بينا..

المهم قلتله طيب وليش قاعد تخبرني؟؟

قالي فيه مشكله لاني تزوجتها مسيار وهي بنت بكر يعني وحملت من اول اسبوع على كلامه بس

اسلبت الحمد لله وقالي اللي تبين الحين اسويه تبيني اتركها ويضيع مستقبلها بسوي واذا تقدري بس

تتحملي شوي فتره بسيطة لين يتم الموضوع بسلاام ياليت لانه حاس انه هضم حق البنت في سبيل نزوه

عابره وبنفس الوقت هو مايبي غيري بس سوا كذا قهر فيني ولا وشو مادري وحاس اني ماستحق اني

تجي وحده فوقي لاني واجد صغييره باقي يعني فضيحة بين الناس لو يقولوا تزوج عليها زوجها وهي

ماكملت عشرين سنة و متزوجه لها ثلاث سنين وانتم تعرفون كلام الناس والسنتهم والحمد لله الحين

انا مبسوطه معه بعد ماخلصت دراستي بس هذا الموضوع مؤرق مضجعي


المهم طلقها قبل لايدري عنهاانها حامل وبعدين اتصلو اهلها وقالوله تعال استر على البنت بعد ماضاع مستقبلها وبعدها اسلبت..

على فكره هي مو سعودية يعني اوراق زواجهم ماكانت رسميه ولا في شي يثبت انها زوجته ولو راح

وانكر انها زوجته ماااااايقدروا يسوون شي ابداااااااااااا

وانا بحكم اني احبة ومابي افرط فيه طبعا بعد مازعلت وانصدمتوانحرق دمي من اللي صار لان زوجي ماهو حق

الهبل ذا والله انه انسان محافظ ويخاف الله بس من كثر ماينعرضون عليه البنات بتراااااااب المهوور

لانه له علاقه بلجنة مساعدة الشباب على الزواج..

الحين يابنات ويا اخوات حاول لين جاب الموافقه حقتها بس هو قالي ابي اتزوجها استر عليها وبعدين

اتركهاوحلف وقسم بذا الكلام والى الحين ماجهز شقه ولا شي وانا ماقلت ولا لاحد وموعد زواجة بعد

فتره قريييبه جدا وهو جاني امس يقول هااه اكيد مقتنعه وموافقه على اللي اسويه؟؟ولا عندك كلام

ثاني؟؟؟

وانا والله اقول اذا قلت لا اخاف ربي ينغص علي عيشتي لاني مافكرت في بنات الناس ولا عطيته

المشوره الصحيحه وفي حديث معناه ان المستشار مؤتمن على استشارته

واحيانا اقول يابنت قوليله لا لا لا مثل مااخطيت صلح خطاك بدون ماترجعها لانه اذا رجعها مارح

اقدر اطلب منه طلاقها زي مانتم عارفين من سالت طلاق اختها حرم الله وجهها على الجنه او كما قال

عليه الصلاة والسلام

وبالتالي انا ماشية معاه خطوه بخطوه وكل مايصير جديد يجي ويقولي وانا اغلي بس مابيدي حيله

واللي اخاف منه انه يقولي والله ماحبيتها ولا قدرت اهضمها قلت في قلبي لانه ماعاشرها ومو معقول

بيتزوجها قدام الناس ويطلقها على طول اقل شي بتقعد سنه وسنه كفيله بانها تغير النفوس وتقربها من بعض

ويجيني بعد السنه يقلي ماقدر وخاطري فيها واتوهق ساعتها بسذاجتي

وهو ترا قالهم انه مايبي عيال واهله وزوجتي مايدرون واذا حملت فهي طاااالق طلقة باائنه

هذا كلامة .

الحين خواتي شرايكم بالموضوع ذا؟؟ واش اقوله لاجا مره ثانيه وقالي عندك شي ولا شروط قبل مايتم الزواج وانا حاااضر

وكيف اتصرف وايش اسوي واقول احس اني بدواامه ولاني قادره استشير احد من اهلي لاني لا ام ولا اب ولا اخت ولا احد الحمد لله

بس رجااء رجااء ياخواتي راعو في النصيحه جانب الدين والدنيا وابي مشوره عقلانيه والله يسعدكم ويجزاكم خير يارب

واسفه اذا الكلام مخبط ولا مو مفهوم واذا طولت عليكم بعد

وسلامتكم...