رجاء اخبروني كيف أزين ممر طويل

على حسب موقع الممر ومكانه بالنسبة للبيت

يعني مرة أختي يوم كانت في جدة كانت في بيت فيه ممر طويل كذا
كان بيتها غريب ( هو أصلاً كان بيتين دبلوكس مفتوحين على بعض )

المهم الممر هذا كان هو الممر اللي يربط بين قسم الضيوف ( الصوالين وغرفة السفرة ) وبين قسمهم هم ( الصالة وغرف نوم العيال )

الممر كان مرة طويل ونحيييييييف ( 1.2 تقريباً ) فقامت حطت في جهة وحدة من الجدار كللللل شهاداتها هي وزوجها وعبأت الجدار فيهم بطريقة عشوائية ( هم ماشاء الله شهاداتهم مررررة كثيرة )

طبعاً صار اللي يجي يجلس يتفرج على الشهادات اللي بجهة وحدة بس وما يلاحظ إن الجهة الثانية مرررة قريبة منه ... بصراحة كانت الفكرة أنجح مما تخيلنا إنها راح تصير

فيه فكرة ثانية يقولون عنها الخبراء إنك تحطين على طول الممر وبشكل متبادل نجف من هذا اللي يجي على الجدار نفسه مو في السقف ( لاحظي لازم تكون بشكل متبادل يعني وحدة يمين تمشين شوي بعدين تجيك وحدة يسار وهكذا .. )

أتمنى إني أفدتك

والله يوفقكم إن شاء الله

تحطين الاضاءات الي تتعلق بالجدار نفس الي قالت عنها ام سعود وبنفس الطريقه يعني طريقه متبادله

تعلقين لوحات صغيره بشكل حلو

ممكن تحطين الستاند الي يتعلق بالجدار وتحطين فوقه ربطة من الورود الي تجي كانها حزمة حطب

تحطين بنهاية الممر شي يشد الانتباه
ممكن كونسول ناعم
ممكن ساعه حلووه
ممكن ستاند وعليه تحفه
على حسب عرض الممر كل ماكان اعرض كل ماكان اسهل بالترتيب

شكرالاخواتي ام سعود و ليمونة جزاكما الله خيرا :24:
وللتوضيح الممر عرضه 1,25 م وهو يبدأ بعدابهو الرئيسي لبيت وينتتهي بجدار على طرفيه باب غرفة المعيشة و الباب المؤدي لغرف النوم.
أخواتي اقيدوني بكيفية ترتيب اللوحات أو بأيةافكار اخرى ففكرة الأضاءة لن تنجح عندي مع اني احببتها كثيرا و لكن لا يوجد تمديدات كهرباء في جدار الممر وشكرا :26:

عزيزتي ما دام الممر عندك ينتهي بجدارفلااااااازم تحطين شيء بهذا الجدار كونسول مثلاً وفوقه لوحة جميلة
ممكن ترسمين على هذا الجدار رسمه على شكل نافذة مطلة على منظر خلاّاااااب << حلوة خلاّب هذي ؟

وأذكر كان فيه طريقة للتلاعب في ألوان الأرضية والحائط لتوحي بوسع الممر بس بصراحة ناسيها

عموماً الممر عندك ضيق وطويل مثل ممر أختي فكل ما جذبتي النظر لمنطقة وحدة فقط كان أفضل .

وبالنسبة لطرق ترتيب اللوحات فيه موضوع بالمنتدى لطرق تعليق اللوحات شوفيه فيه أفكار كثير حلوة .

والله يوفقكم إن شاء الله