الحمد لله بخير وعافيه.
تسال عنك العافيه ياشاكره.

انا ولدي عمره سنتين عكس ولدك يتبول في البامبرز ويسوي الشي الثاني في الحمام

اما كيف عودته كنت اعرف مواعيده اللي يتبرز فيها فكنت اراقبه واول مايبدأ يسويها كنت اشيله بسرعه وجري على الحمام وقتها غصبا عنه راح يسوي لأنه ماراح يقدر يمنع نفسه .......... يمكن اول مره يخاف بس مع الصبر عليه راح يتعود
ويمكن هذي الطريقه سهله عليك لأنه ما يسويها الا وهولابس بامبرز وبكذا تعرفي وقته وتراقبيه.
وفيه طريقه حلوه اذا كان ولدك يحب الصور الصغيره اللي تلصق وبما انه ولد تقدري مثلا تجيبي صور سيارات ولوحة
فلين او ورقه وتعلقيها عند باب الحمام ......... وتقولي له اذا رحت الحمام اخليك تلصق الصور اللي انت تحبها اما اذا سويت في ملابسك او في البامبرز ما تلصق الصور.......

هذي الطريقه مجربتها في تعليمهم للحمام لدرجة انهم كل ربع ساعه يروحوا للحمام حتى لو مافيهم شي بس عشان يلصقوا الصور
وكمان تنفع في مرحلة الفطام عن الرضاعه( زجاجة الحليب). كنت ملصقه اللوحه على الثلاجه وكل ماطلب حليب في الرضاعه عطيته الصور يلصقها.

يارب اكون افدتك وتكون طريقتي واضحه.

ااختي ام بدر حذاري من ان تجبريه علىالحمام غصب...
استفيدي من تجربتي ...نفس الوظعية بنتي ..كانت ما تقبل تسوي بالحمام الا ان تبول ولماتريد تسوي العفو "كاكا" لازم البسها حفاظة ... وكنت اجبرها تكعد بالحمام غصب وهي تبكي ...الى ان صارتعندها عقدةنفسية من الحمام وصارت تحشر حالها بالحاجتين .. الىان صارت ما تبول الا مرتين باليوم وصار عندهاالتهابات (صرت اعطيهاادوية) والبول ينزل غامق وصارت ما تطلب حفاظة للكاكا وتحشر حالها الىان صار عندها امساك...

بعدين ؤتركتها علىطبيعتها وصرت امدح فيها بانها شاطرة ونسيتها الحمام ورجعت البسهاحفاظ علىطول (للحاجتين) بعدين كبرت شوي وصارت تشوف بنت عمها (اكبر منها بسنة) تدخل حمام... فصارت تسوي مثلهاوسلامتج... من كيفها صارت تطلب ...
اصبري ..حتىلو للروضة... مش مشكلة ... الاهم نفسيته ولا تسوين مثلي .ز.اكيد راح يشوف اقرانه ويتعلم..

الله يجزا كل من ردة باالجنة ان شاء الله ....

واشكرك تفاعلكم
وانا الحمد لله لااجبرة واحاول اقناعة اكثر من تخويفة
لكن انا اخاف يتعود على حكاية البامبرز

لكن الله يعين لازم هذه مهمة كل ام :27:

اكرر جزاكم الله خير جميييييييييييييعاً :26:

أنا ولدي شوي أكبر من ولدج لاكن بالليل ماقدرت أضبطه.. فقمت ألبسه بامبرز لليل بس..

أنزين خبي البامبرز عنه بمكان وعالقول انتي سايرة تيبين واحد وبعدين اتفاجأي انه مخلص.. بس طبعا عشان يعرف انه مافيه ويمكن يقتنع ويدخل الحمام اذا شاف ماشي..

ممكن تاخذين له قيصرية صغيرة أو تخلينه يسويها بالبانيو.. عشان يتعود بالبداية وولدي كان يسوي جذه لين بعدين ماشاف اليهال وتعلم منهم..

وانشالله تنفع الطرق ويا ولدج.. والله يخليه لج..