رجاء اللي بتدعي عليه لاتدخل -----ادعولها

بسم الله الرحمن الرحيم بنات انا سافرت لماما جلست عندها اسبوعين في اليوم اللي جيت فيه الا هما متجهزين بيروح يعزوا أسألهم قالوا بتروحي معانا فلانة الفلانية ماتت :44:كيف الله يرحمها!!!!!!!!!!!!!!قالت ماماانها خلصت 25يوم من نفسها وراحت تتمشى هيه وزوجها لجده قاموا الناس يقول مامداها الله وكبر عليه ماقواها وحده تقول ماتعبت والتانيه تقول ماكأنها حملت وولدت طيب وين ماشاالله تبارك الرحمن!!!!!!!!!!!!ومن كلام الناس الكثير اللي بتعرفوه وعيون الناس ماترحم خاصة في هذا الزمن اللي هجرت فيه التحصينات والأذكار اليوميه المهم البنت بس يوم واحد من طلعت دخلها هوا واتجرثم ودخلت في غيبوبة نقلها واحد من قرايبنا مشفى القوات المسلحة بالطايف جلست 3ايام وماتت الله يرحمها بعز شبابهاماخلصت سنة من تزوجت المؤلم يابنات رحنا نعزي بس دخلنا بسنا على راس امهاالا امها تقطع القلب وشايله أولادبنتها حاطه كل بيبي على ركبه وواحد يرضع الرضعة والتاني ماسك بصباع جدته الصغير بيمص فيه قلت ياخاله أديله رضعة قالت ياروحي هذا مغلبني هذا مايرضع لارضعة ولاحليب هذا كان عايش على صدر امه حتى وهيه منومه كانوا يشفطوله من صدر امه قالت هذا يذكرني بامه الله يرحمها ماكانت الا ترضع من صدري وبزازتها اصباعي الصغير وجلست تبكي بصبر بنات انا ماتحملت وجاتني شهقه قوية خفت على نفسي منهاوالجالسين جلسوا يبكوا بنات واحد منهم مزغطط يجنن والثاني هزيل مررررررررررررررررره الله يعين جدتهم عليهم ويصبر ابوهم ابوهم الله يصبره يابنات ابوهم بيجن كل اللي شافوه يقولوا بيموت من الحزن بنات قبل ماتموت بدقايق فاقت من الغيبوبه وقالت لأمها بذمتك بذمتك بذمتك مصعب ومالك وسامحيني يمه وماتت الله يرحمها واللي محزني اكثران البيابي لسه ماخلصوا 29يوم الله يرحمها ويجمعها بهم في جناته انا مانزلت القصة الا للعظة والعبرة والدعاء لها واهم شي اهم شي اهم شي الوحده تذكر الله وتقول التحصينات ولا تخرج الين تخلص الاربعين وزودالعين انتشرت والرسول يقول فيما معنى الحديث العين حق ولا ننسى وصايا جداتنا وامهاتنا