ترى الماركات اللي نشتري منها موب غاليه
الغاليه مثل العيسائي وديور وغيره وهذا نادرا اللي تلاقين وحده تشتريها وبالذات اللي عندها اطفال كثير وساكنين على قولتك اجار
اللي نشتريها سعرها مثل المحلات الثانيه صحيح بعض القطع غاليه لكن صدق سعرها فيها
بنطلون الجينز يحوس مع عيالي سنه كامل لبس وغسيل واحطه للجمعيه وانا متحسفه من شده ان شكله مرتب ونظيف
لاني شريته من محل عاجبني فيه هالنوعيه وكان سعره معقول بالنسبه للكرف اللي جاه
والبجايم فعلا محلات الرخيصه حلوه لها مااشتري من الغالي اهم شي الخامه

يا قلبى انا معاك . لكن فيه بعض الملاحظات اكيد كلنا نبى الزين انا لاحظت مبارك والهرم يبى لها وقت يعنى تروحين له مرتين ثلاث يالله تخلصين لان البضاعه مرصوصه رص وما اكدب عليك والله مره اشتريت لبنتى فستان من مدركير ولقيت اخوه الخالق الناطق في مبارك
عموما الحين صرت اشترى بالتخفيضات والله توى شاريه لولدى بناطيل على 20 ريال وبدله قطعتين ب 30 ريال والثانيه ب 50 ريال
واحيان لما يكون فيه مناسبه ومضطره اشترى لعيالى اضطر اروح ماركه مو علشان شى بس لانى الوقت مو ملكي والماركه اضمن القى فيها شى حلو ..
وصدقينى لما يحصل لى اروح جده امر على تاج توج واشترى منه حق سنه قدام كل شى ب 10 ريال بناطيل ماركات وفساتين وبلايز
مره اشتريت لاخو زوجي 13 بلوزه كان باول ابتدائي كان سعر بلوزه يشترونها من ادمز وكلها ماركات تجنن اوكايدي وماك سبنسر وh&m ولحد الحين بعد سنتين وهم يتدكرونها ما شاء الله كرفهم كرف
بس متى تحصل كلنا نبى الزين محد ينكر لكن متى يحصل
الحين فيه محلات الهنود اللى يبيعون بقايا الماركات رحت قبل كم يوم يقول لى ب 30 خير ؟ اشتريها من المحل بالتخفيض باقل مدركير بالتخفيض كان عنده تي شرتات على 9 ريال تخيلى ؟
بس متى تي التخفيضات ومن اللى يتوفق فيها ؟
بالنهايه اهم شى الدوق وفيه ناس ما تلبس ماركات ولا قالها الله وداايم انيقين

في البدايه

انا عندي ولد واحد عمره سنتين وماجاء الا بعد 5 سنوات من زوااجي

بيتي والحمد لله ملك

ذكرت لكم التفاصيل علشان الكلام الي بقووله

مادري شلون ببدا في الكلام

انا مايهمني السعر اهم شي القطعه تعجبني

بقولكم شي بس يمكن ماتصدقووني

تتوقعون بكم بدله ولدي للعيد ؟






35 رياال بس


انا عارفه انكم انصدمتوا

ماكنت ناويتها للعيد كنت ابي افصل له بس مافيه احد استقبلني

وكان لبسها من زماان عند اهل امي بس كانت كبيره عليه

انا بتعيد عند اهل زوجي ماشافوها

اكيد في سؤال يدور في بالكم من وين حصلتها ؟

العام كنت في سوق غرناطه وكان محل ايتام واوركسترا الي تحت بيسكر ومسوين تخفيض خراافي

شفت قميص سكري 15 ريال

وصديريه بيج 15 ريال

عجبتني كثير علقتها في الدولاب

وقبلها يمكن كان ولدي عمره 6 شهور كنت اتمشى في جيان الي في خريص والاقي ملابس اطفاال في صناديق

وجلست احوس فيهم لقيت شورتين واحد بيج فاتح والثااني غامق من سرجنت ميجور بس مقاس سنه

ووقتها ولدي كان صغير

المهم اخذتهم على الكاشير وجلست احاسب

سعرهم تدرون بكم ؟

5 رياال بس

الفاتح طقمته مع السديريه والغامق اول لبسه يلبسه اليوم وخوااتي كلهم عجبهم اقماشهم مره حلو ورسمي

ليه قررت اخليه للعيد

لاني فريت السوق مالقيت شي يفتح النفس بربي وديور .... الخ

خيااس

طبعا بعدل عليها شوي بركب الازره كرستال وبسوي على الياقه ستراس خفيف بتطلع فخمه

وربي جايبتله اختي بدل من لندن بس مافيهم غرابه

مع العلم ان اهل زووجي ناااس كباااريه ومعروفين في البلد وربي مغنيهم ومع ذلك ولدي احلاهم لبس

=============

اما بالنسبه للهرم

احيانا تلاقين بناااتي حلو ونفس فساتين جاكادي

الولادي خياااااااااااس

حتى البجاايم اقمشه الاطفال خايسه وتخرب وتفشل

بجايم النسائي رووعه كوبي ( اوشينو )

فلاتاتهم نعومه بس تتقطع بسرعه

قمصان النوم حلوه بس مو دايما

الله يعطيكي العافيه

وانا معاك صرت اشوف الناس ماعندهم ذوق لان محلات الماركات بتجيب لهم اللبس كامل من البكله للجزمه

الذوق نعمة من الله مو كل واحد عنده واللي عنده نعمة الذوق تلاقيه يلبس من اي مكان

ومن الذكاء ان المرأة ماترمي فلوسها في ملبوسات ممكن تخرب في غسيل او بأكل او تصغر على طفلها بعد كم شهر

لاكن انا استثني فئة من الناس محيطهم يجبرهم على لبس الغالي والنفيس ورواتبهم تكفي

صح والله أختي أهم شي الذوق أولا ممكن ألف على محلات ماركات كبييييييييييرة وما ألقى شي يعجبني وممكن ادخل محل عادي ويعجبني شي بس أختي لا حظت شي أنه ملابس الماركة تستحمل الكد وتعيش يعني أحس انها تستاهل وتوفيرية يعني ممكن أشتري قطعة رخيصة أو بجامة رخيصة وممكن من لبستين خلاص مااعاد أقدر البسهم أياها فأطر أني اشتري وحدة ثانية كأني ماسويت شي عكس غيرها مدري هذا كلامي من تجربة