السلام عليكن يا خواتي .......
انا بس حبيت أرد عليكن لأني سألت عن هذا الموضوع من قبل والأخوات ما قصرن ردن عليه .. (لون المطر) و (روعة الامارات) و(الحبوبه 77) و(ام علاوي) ..فديتهن كلهن .بس أنا طرحت الموضوع في ركن التسوق ..
والرد كان انه المصنع الي في عجمان اسمه (Trend Setters ready made garment ) وهو في صناعية عجمان ولوونه أصفر ورقمهم 067436236 و 067438021 وهم يفتحوون من الساعه 8.30 الصباح لين 10.30 في الليل و الي كلمته يقول دوامهم كل يوم كذي حتى في الاجازه الخميس و الجمعه .......بس هم ترى ما يبيعون عطور ولا لوشنات ........العطور واللوشنات ينباعن فيبوظبي في مارينا مول في محل فتاة 2000 وهذي صورة اللوشنات
http://forum.hawaaworld.com/files/20236/strawberries1.jpg

والاخوات قالن في السوق القديم في الشارقه و في محلات الاميري وفي الملابلازا في دبي

والسمووحه منكن

السلام عليكم

حبيت اسأل خواتي في الإمارات اللي يطلبون مستحظرات victoria secret عن طريق الأنترنت كم يوم تاخذ الطلبية وبالنسبة للأسعار كم تكون مقدار الزيادة بالنسبة للسعر المعروض على الأنترنت.

في المصانع اللي في عجمان في محل اسمه fine fair يبيع ملابس اطفال ماركة Gap, mothercare, , Next,adams

وبالنسبة للمصانع اللي في جبل علي انا سمعت ان مب أي حد يقدر يدخل على هالمصانع واللي عندها أي تفاصيل ما تبخل علينا
اذا في شي راسلوني على الإيميل

بنات ترى لوشنات و عطور فكتوري سكرت موجوده عند اريج

هلا اختي :)

في محل في الملا بلازا اللي في دبي يبيعون فيه مستحضرات فيكتوريا سيكرت :) :)

راعيه المحل يوم تسير برع البلاد تييب كميه وتبيعها في المحل بس مب هي اللي تبيعه حرمه ثانيه :)

اظني المحل اسمه عاتي شيء جيه .. وهو موجود في السايد اللي فيه يلو ليدي :) :)

والسموحة

يا بنات انا رحت للمصانع بعجمان و دوخت الوالد السبع دوخات لين ما حصلت المصنع


و يا حسافة


ع التعب و تضيع الوقت


و الله يا بنات القمصان ما يخصها في ماركة فكتوريا سكريت و الادهى و الامر ان الماركة مقصوصة من النص و الله لا رواكم شكلي و انا دور في المصنع عل و عسى احصل شي اخذه و ما يعصب علي ابوي


حرام والله التعب راح ببلاش