رجاء لا أحد يفهمني غلط .. ويهاجمني !!!

صباح جميل هادي وانيق ومشرق بإذن الله تعالى ... :kiss:


احييكم واحيي نفسي بينكم بعد طول غياب من زحمة البيت والعيال والدوام وابو العيال :angry:


اليوم كنت اتصفح في هالمنتدى اللي وجدت فيه ضالتي وانصلح بسببه حالي بعد توفيق الله ثم نصائح الأخوات في


المشاكل اللي كنت أواجهها في بعض أمور حياتي


فجزى الله خيرا كل من أعان على الخير ... ودل عليه ....


ما أدري كيف أبدأ .. لكن حصل لي مووقف في العمل .. وأحببت من خلاله أني اطلق مافيه جعبتي ...


تعرضت احدى الاخوات في العمل .. الى ظرف صحي يستدعي الراحه التامه .. والنوم على الفراش ...


سألتها .. عسى عندك شغاله .. ؟؟


قالت أي نعم .. حاليا اخذه شغالة اختي .. ومرات تجي ومرات اختي تحتاجها ... والله يعين الووضع مره صعب بدون شغاله ....


طيب ورى ماتجيبون على كفالتكم ؟؟؟


فكان الجواب .. والله مانيب دافعه ولاريال .. يايجيب زوجي والا بكيفه ... هل وضعه يسمح ..


لا ... بس ابحتريه لين وضعه يسمح .... ؟؟؟؟؟؟:humm:




والله اني استغرب من حال بعض الموظفات ... ياحبيباتي ياخواتي انتن موظفات يعني تطلعن من البيت بدري وترجعين




وحيلك مهدوود وحالتك حاله .. وتجتاجين وحده تريحك تشيل عنك نص التعب لأن لك ادوار ثانيه تقابلين العيال


وتقابلين الزوج .. هذا غير لك حياتك الاجتماعيه ولك نفسيتك اللي تبين تريحينها واستعدادك لعملك باليوم الثاني ..


فليش تعاندين نفسك طالما ان الزوج راضي بوجودها .. ووضعه مايسمح يجيبها .. ليش ماتجيبينها لنفسك ؟؟؟؟


ليش هالعناد ... وانتي ترجعين مهدوده ونفسك بطرف خشمك .. ومهمله عمرك والعيال مالك مزاج تفضين لهم


ولاعندك وقت تستقبلين احد ولاتووجبين احد ؟؟؟؟ ولاعندك وقت تسترخين وانتي عارفه نفسك ماراح توفقين


بين العمل والبيت ... وبعد كل هذا وانتي في امس الحاجه لها تطالبين الزوج يجيبها وهو مايستطيع ؟؟؟




وش فايدة الراتب اذا ماريحتي نفسك .. وتفرغتي لأشياء أهم من تنظيف الحمامات وغسيل الموواعين ....




ليش بعض الموظفات بخيله على نفسها وماتبي تريح عمرها وماسكة القرش :44:




ادري الناس عندها التزامات ومتطلبات الحياة غاليه ... لكن انا اشوف لو اقعد سنه كامله ماتمشيت وماسافرت


بس عندي وحده تريحني ... افضل من اني اقعد مشدودة اعصابي ونفسيتي متوتره بسبب كثرة الضغوط ....


الكلام ماهو موجه للجميع انا اقصد فيه فئه من الموظفات ... اللي بزياده ماهي مرتاحه بسبب كثرة الأعباء ... ومع ذلك ماتبي تريح عمرها ...




اللي عندها اضافة في هالموضوع تفيدنا فيها ... واللي ودها تهاجم على غير سنع ... تفكنا من ردها ...




:a_smil08: