موقف شفته امس
واثر فيني كثير
في بنده اب نازل على ولدة يمكن ولده في حدود 3 سنين او 4 بس الولد يتكلم وكلامه مفهوم
الاب يقول لولده لاتتنفس ولا والله لا اسوي واسوي والولد يتكلم بصوت خافت يقول عورتني خلاص والله
شوي الا واسمع صراخ الولد وماقدرت التفت صوت الضرب والتهديد والولد يبكي وهو يقوله لا عاد اسمع صوتك خلاه يبلع البكية غصب ويسكت يبغاه زي الصنم مايتحرك ولا يلتفت
وامه عادي
ولا قالت له شيء ولا كأنه ولدها هذا اللي ينضرب على الاقل تقول له تعوذ بالله من الشيطان
وانا تجمدت مكاني ونسيت الاغراض اللي كنت ابغى اشتريها
ايديني تصير ترتجف لما اشوف مواقف زي كذا
وبالقوة قدرت انام امس اتقلب واتخيل شكل الولد ونظرة الخوف
ماادري انا قلبي ضعيف ولا في ناس زيي؟؟؟؟هذا سؤال الواجب لازم تحلونه
ماانسى موقف من كم شهر صار لي في جيان سابقا
العائلة كانت مصرية وعندهم ولدين وكنا في قسم الخضار جا الولد الصغير يشيل في البرتقال ويرمي ومسكه الكبير واخذه منه
ولو تشوفون اش سوى قعد يصيح ويبكي ويناقز تقولون هذا صعقه سلك كهرب بسم الله عليه وراح لحد ابوه وهو يصرخ ويقول انه اخوه ضربه
هنا جا الولد الكبير يبغى يشرح لابوه الموقف اعطاه كف والولد يحاول يبرر وكف وكف وكف ومتى تبطل من اخوك الصغير ومن هالكلام ولو ماكنا بين الناس كان ربيتك صح والولد يرجع على ورى وطاح كيس اللي كان في يده وجلس يلملم اللي كان فيه والصغير فجأة خلص البكى ولا دمعه وربي ومبسوط ماعليه
حزني الولد الكبير انكسرت نفسه قدام كل الموجودين ونظره في الارض كيف بالله بكرة تبغاه يصير بكرامة ونفسه عزيزة وشخصيته قويه وانت تضربه قدام الناس
نفس الشيء الام كانت واقفه ولما خلص الاب من الضرب قالت له يجيب لها غرض ولا كانه شي صار
انا نفس الشيء بردت كل اطرافي وصرت ارتجف وماعاد قدرت اركز قلت لزوجي خلنا نطلع نجي يوم ثاني حسيت نفسي بنفجر لو مابكيت كان مت من القهر عليه ونفس الشيء ماجاني نوم هذيك الليله
اكيد انا ماني احن عليهم من اهاليهم اللي جابوهم
بس مااقدر اتحمل اشوف مواقف زي كذا
ياليت الاهالي ماعاد يضربون عيالهم قدام الناس على الاقل
مو كل الناس عادي عندهم
اكيد فيه غيري كثير مايتحملون يشوفون هالمناظر
فيه اباء كثير شفتهم يضربونهم بس مو بهذي الوحشية
ومو بطريقة القهر وحكم القوي على الضعيف
صباح الخير يا أمي @sbah_alkhyr_ya_amy
كبيرة محررات
يلزم عليك تسجيل الدخول أولًا لكتابة تعليق.
أروع اربع
•
الله يهديهم ويصبر الابناء على ابائهم والاباء على ابنائهم
أغلى شهد
•
الله يهديهم ويصبر الابناء على ابائهم والاباء على ابنائهم
http://www.b7r11.com/tkber.swf
WIDTH=400 HEIGHT=350
http://www.b7r11.com/tkber.swf
WIDTH=400 HEIGHT=350
ياشيخه انا تمرضني هالمناظر ومستحيل اوقف ساكته فيها
اقلها بقول اتقي الله في هالطفل وهدئ اعصابك مو كذا يربي المسلم اطفاله
والموقف الثاني لاااازم اني بقوله ان الولد الصغير الي غلطان حرام اسكت ونا شايفه الي صار :(
مره في مجمع صحارى ونا طالعه فوق للمطاعم ع الدرج الكهربائي نسمع صراااخ حرمه
من جنسيه عربيه وتجر ولدها دبدوب شوي ومعها حرمه ثانيه تهديها
تجره وتسحبه وتطقه هو يمكن 7 سنوات او 8 المهم اخر شي مرررررره منفعله وافتشلت من الناس يطالعونها منهبلين منها
مسكت جوالها وحذفته عليه ونزلت من الدرج وخلتهم فوق والعالم يلمون قطع الجوال والحرمه الثانيه تشيل الولد وتاخذ الجوال وتنزل
كلنا تجمدنا محد عرف وش صاير ورحمت هالطفل الي يخشى وجهه عن عيون الناس كيف بتصير شخصيته !!
وكيف بتكون مشاعره تجاه هالام الي تحركها عصبيتها وتبرد قلبها بعيالها
الله يعافينا مما ابتلااااااهم
..
.
حبيبتي اذا هو ما راعى مشاعر ولده امام الناس يهينه
تتبينه يراعي مشاعر الناس نفسهم
الله يعطينا طولة البال والصبر
تتبينه يراعي مشاعر الناس نفسهم
الله يعطينا طولة البال والصبر
الصفحة الأخيرة