رجاء لكل امهات عالم حواء ...بنتي ضاق نفسها

السلام عليكم
اخواتي ارجوكم ابغى نصيحة او علاج عاجل لبنتي والله اني سهرانة عليها مانمت
تخيلو حرارتها 39 و9 وصوتها رايح يعني بس حشرجة وكحة تخوف وعالية ماعمري سمعت زيها
وخشومها متسكرة رحت الدكتورة اليوم تقول التهاب حنجرة وعطتني مضاد وشراب كحة وحرارة بس مافاد
الحرارة ماتنزل الا بالتسبيح وانا خايفة على صدرها من كثر ماسبحها وبس تون ياعزي عنها
وماودي اوديها المستشفى اعرفهم يعذبونها بالمغذي وهي مرة نحيفة تخيلو عمرها سنة واربعة شهور ووزنها 7 كيلو بس
ياربي والله ضايق خلقي ولا مشت للحين بس خطوتين وتطيح وخوافة مرة
وقبل شوي عطيتها حليب ورجعت الله يكرمكم ومع الترجيع حاجة خضراء لزجة
تكفون ابغى دواء شعبي معروف او اي شي بس يخفف الصوت الي يخرع والله اني اكتب ودموعي نازلة
اكل مااكلت شي اليوم واذا اكلت شوي بس رجعت
واحس تنفسها صعب
يارب يارب يارب تشفي لي بنيتي هي دنيتي يارب يارب
ورجاء خاص من المشرفات لاتنقلون الموضوع الا بعد الحلول من اخواتي بعدين انقلوه او احذفوه على راحتكم
الي ماعنده خبره تدعي لبنيتي يمكن توافق ساعة اجابة
يارب ياالهي انتي ارحم مني ارحمها وخفف عنها يااااااارب
اعذروني اسفة طولت بس اول بنت لي وماعندي خبرة ولا احد قريب اساله لحالي بالبيت حتى زوجي مداوم :(