رجاء منكم اريد مساعدة لعطوراااااات الأجمل*_*

نبراس اليقين .. خلى العطور الثقيلة فى مكان بارد داخل علبهم اذا امكن فى الكبت مثلا .. ولما تشتاقين لاى منهن طلعى نوع واحد منهن .. ولا تتعطى فيه مباشرة ..

عطرى بنقط منه على ملابسك بعد ما تقلبينهن .. وعباتك بعد ما تقلبينها ..

بخرى ببخورك المفضل ..

واتركى الملابس على المبخرة .. بعد ما تشيلين المبخر ..

وخلى الريحة تبرد .. بعدين البسيهم .. راح تلاقين الريحة استوحت اجملللللللللللللللللل .

لذا لا تحاولى ان تخلطى العطور وتخترعين خلطة جديدة .......... حرام .. فكل ريحة لها مذاقها .

اشرايك ؟؟؟؟؟؟؟؟؟

الغالية .......................... يمكنك اضافتها في الشطف الاخير لملابسك الداخلية وملابس زوج اذا رغبتي


او اذا عندك اولاد في سن المتوسط ............... فذهابهم المسجد وهم برائحة زكية شئ جميل جدا


واذا كان عندك معمول فاقد رائحته او رائحته غير جميلة اسكبي منها غرشة واقفلي عليه باحكام


وبعد فترة سوف ترين شئ رائئئئئئئئئئئئئع


وضعها في مغاسل الضيوف


او بعد الوجبه تعطري ضيوف

اعيدي اهدائها لمن هم مقربين اليك


اتمنى اني افدتك يالغالية

سحر الشرق روععععععععععععه..
امزجيه مع مويه برشاش ورشيه على جلال الصلاه,,ورشي على السجاده مكان السجود..علشان كل ما سجدتي تشمي الريحه..
وممكن تمسحيها بمنديل وتصفطيه مع الملابس الي بالخزانه..
وممكن تحطيه برشاش وتعطري فيه المخدات والفرش...
ورمضان جاي ..وراح تلقين له استخدامات كثيره..
انا عن نفسي اذا كثرت عندي العطور العربيه وتوهقت فيها اصفها بسله او بصينيه مذهبه وكل ما زارني احد اقدمها له يتعطر فيها....
وان شاء الله تعجبك افكاري,,
وايش اكثر فكره عجبتك من افكاري؟؟؟

مشكورين جبل قهوان..............مزايا انسانة على النصايح
دفى الشمس................ما شء لله عليج
بس قولي لي أكثر............كيف امسح بالمنديل وأصفيه الملابس لأني ما فهمت
وكيف أستعمل للفرش...............اللي عندي مب رشاش
ممكن توضيح

عزيزتي ..
جيبي منديل وعطريه وصفطيه وحطيه بين الملابسوهي بالخزانه مصفطه.. وراح تتبخر الريحه بين الملابس..
بالنسبه للفرش اشتري العلبه الي تنباع في بو ريالين او بو 10..او الي مثل علبة منظف الزجاج..او ممكن علبة منظف الزجاج بعد ماتغسلينها حطي في ثلاث ارباعها ماء +بضع قطرات من العطر ورجي العلبه كويس ,,وبهالطريقه يصير عندك عطر عربي مخفف...
واستعمليه للفرش وممكن الملابس والاثاث..بس انتبهي ممكن يطبع لون العطر!!علشان كذا كثري مويه..
وان شاء الله اكون افدتك...