روحــ لك ـــي :

اللي المفروض يصير أنج تحطين لنفسج بنفسج كيان كونج عارفه انه له علاقات وجل ما تسوينه انج تناقشينه!! عطيني سبب واحد يخليه يمتنع في المستقبل؟ مافي أي رادع بالنسبه له صرتي واضحه وضوح الشمس وصار عارف وشو أقصى شي ممكن يصير انج بتنقهرين وبتتهاوشين معاه!! ماعنده اي محاتاه من ناحية الموضوع الغموض يا اختي الغموض لما الزوج يكون مش عارف وشو بتكون ردة فعل زوجته تجاه امر معين!! هالشي يمكن يردعه أكثر من أنه يعرف وشو بيصير حتى لو كان اللي بيصير كبير ! أول أمر لازم تقعدين شوي مع نفسج وتفكرين انتي وشو تبغين هل انتي تقدرين تستمرين معاه إذا ظل يكلم بنات؟ إذا الجواب نعم اتفقي معاه انج بتعطينه الثقه وما بتفتشين جواله وانج محتسبه أمرج عند رب العالمين وأنه كما تدين تدان ولو سوا شي غلط باجر الله بيجازيه في محارمه. بالتالي تكونين خلاص شليتي إيدج من الموضوع مع بعض الحفظ لماء الوجه. إذا كان جوابج لا.. وكنتي تحسين انج ما تقدرين تستمرين بهالشك! قوليله اسمع يا ابن الناس (بأسلوب هادي وعقلاني) أنا إنسانه ولي كيان وأنا ما اسمح لأي كان يهين كرامتي حتى لو كان هالشخص أغلى الناس اللي هو انته. وكونك تسوي علاقات عابره كانت أو مهمه أو شو ما كان تصنيفها بالنسبه لك. هذا يعتبر انه ما تحاتيني ولا تحاتي مشاعري فعطني سبب يخليني استمر مع إنسان ما يراعي مشاعري ولا يحفظ ويصون كرامتي. وانا حفاظاً على العشرة لا أكثر بعطيك فرصه ثانيه تثبتلي انك شاريني المره اليايه إذا لقيت أرقام بنات .. صدقني لا بتصل فيها ولا برسل ولا بتصرف أي من التصرفات السابقة المره اليايه بصمت بنسحب من حياتك وبعرف انك بعتني برخيص .. وتأكد اني ما بناقشك في الأمر عشان تقولي انه تعرفهم أو ما تعرفهم.. أختي مسألة كريم مادياً أو بخيل مادياً هذي أمور ثانيه مالها دخل في المشكلة الحالية لا تقارنين بهالطريقة . أنتي طلبتي آراءنا وأنا هذا و وجهة نظري اتمنى ما تطبقين منها إلا اللي تحسينه يتناسب مع حياتج وطبيعة علاقتج بزوجج.. أتمنى الله يفرج همج

اللي المفروض يصير أنج تحطين لنفسج بنفسج كيان كونج عارفه انه له علاقات وجل ما تسوينه انج...