بسم الله السلام عليكم بنات حواء
اليوم اباقولكم قصه عن رجال قبل... أيام السلوم ورجال الشكاله .... يحكى بانه في قديم الزمان كان فيه ولد تزوج بنت عمه وبعد زواجه بسنه او سنتين سعى في مناكب الارض يطلب الرزق وعه زوجته فجاء الى مدينه وكان فيها مورد ماءعذب حوله الناس الي يسقي ابله والي يسقي غنمه والي يرو ي على حماره اعزكم الله والي ينظف ثيابه والي والي المهم كانت بنت عمه جميله مره ومؤدبه وذربه وكان حول هذا المورد خدام لسلطان هذه المدينه
وكانوا كل ماشافوا بنت جميله اخذوها بالقوه وودوها السلطان المهم كان الوليد والبنيه جايين لمورد الماء مع غروب الشمس الله المستعان وذاك الزمان الله يسلمكم ما فيه لا لمبات ولا فيه كبوس وساعة مااظلم الليل ونوخ على الارض... والا يا هاالشياطين الحراس يركضون يم هذه البنيه وياخذونها من عند وليد عمها ويدرهمون الى السلطان
ويبدا الوليد يفتخ بيدياته غريب الدار ما يدري وين يولي ويجلس ويركد ويتعوذ من ابليس ويبدا يدعي ربه يارب ردلي ابنيت عمي يا ربي لا تجعلهم يوذونها يا ربي تنصرني عليهم ويجلس يدعي ربه في الحاح وهو غرقان في الدعاء الا وصوت اذان الفجر فصلى بعد ما خلص من صلاته واذا بالنور يبين ويقحص الرجال وهو يمسك الاثر ويركض ويركض يبي قبل يصبحون الخلق ويمشون ويضيع عنه الاثر
المهم يركض حتى وصل عند ذاك القصر وصار يحوم حول حصن ا لقصر ما يدري من وين يدخل وهو يدور ويفتش عن مدخل ولي يشوف ذاك الرجال الوقور سمح المحيا فال الحجاج ويقرب منه يبي يسأله وما قدر من العبره خانقته فبادره الرجل الطيب تامرني على شي يا صبي... فقال الفزعه ياعم فرد الرجل ابشر بالي اقدر عليه فاخذ الولد يقص للرجال ما جرى له فاستعد الرجال الطيب لنصرته وقال ناصر المظلوم وانا ابومحمد ناصر المظلوم واناسعود الهباش....
معليش انشغلت اكمل لكم بعدين يا حويات
غرس مستظل @ghrs_mstthl
عضوة جديدة
يلزم عليك تسجيل الدخول أولًا لكتابة تعليق.
aya44
•
معاكي كملي
الصفحة الأخيرة