جووود 2010 @goood_2010
عضوة فعالة
رجال يبغى يتزوج على زوجته وش قاااالت الزوجــــــه ؟!
اهداء من زوجه قالها زوجها ودي اتزوج
تبي حرمه ؟
وأنامثلك أبي رجّـــال !!
يشد حبال ظهري إليا البخت خانه ..
تبي حرمه؟؟
شعرها ليل وعين كنها الفنجال
وأنا مثلك ابي رجال
قليل اقوال واذا ينطق يقطر حكمه لسانه
أبيه أفعال ...
وأفعاله تتم بليل كتمانه
تبي حرمه ؟!
وأنا مثلك ابي رجال !!
ماهوب تمثال !
مكون من شنب وعقال
وثوب يسحبه خلفه ...
عجز في كيّـها الغسال
أبي رجّـال له مبدأ ... له أفكار تلخبطني
وضلعي المعوج اليا مال ..
يعرف شلون يضبطني
آبي رجال
لاشفته تذكرت العظيم الله
وذكرت النار والجنه
ابي لي شاعر عذري
له احساس يغرقني
ابي رجال !!
ماهو شاطئ ولاهو رمال
ولا بزنس ولا هو ريال
ولكنه
هموم أمه
وكيف نفوز بالقمه ؟
وكيف نربي الأجيال؟
نخلي بنتنا أنثى
ونخلق في الولد رجال
تبي حرمه؟
وأنا مثلك ابي رجال !
كثيره بدنيتي الأزوال
وقليل من بينهم رجااال
يرحم بطن ضمج صح لسانج ياشيخة الحريم
130
10K
يلزم عليك تسجيل الدخول أولًا لكتابة تعليق.
الصفحة الأخيرة
من الشاعره ؟