رجعت بيتي بعد ؟😴

مساء الخير ي بنات
اخباركم ؟
انا رجعت لبيتي بعد طلاقي اللي ماكتب الله انه يتم وكنت مبسوطه للامانه اني بفتك منه بس جاء واعتذر لي وقدم رضاوه وكنت رافضه ولا ابيه وجلست افكر وامي جلست تحاول تقنعني اني ما اشتت بيتي طالما انه جاء واعتذر وقدم لي ورقه كان مسوي تحليل للدم انه تعالج وانه سليم وانه ترك المخدرات ووعدني انه يحافظ على صلاته وراجع دكتور نفسي وطلع فيه اكتئاب وعجزت اسامحه ي بنات 😥..
بس اقنعتني امي قالت طالما انه حس بتأنيب الضمير وكذا وقالت لي شوفي آخرتها معه ولاتحملين كولي حبوب منع الحمل ومن هالكلام .. وقمت استخرت وتعوذت من الشيطان الرجيم وجلست افكر وقلت خلني ارجع لبيتي وشرطت قبل ما ادخل البيت انه اروح للدكتور النفسي اللي يعالجه واعرف ايش يعاني منه هو انفصام او اكتئاب او ايش بالضبط !
..
تراضينا وبعدها رحت الدكتور عرفت ايش فيه بالضبط .. وله كم يوم يبيني اروح ل اهله 🙂؟!! .. ورفضت امس قال انه خلينا نسافر لاهلي من زمان ماشافو البنت قلت لا ما ابي اروح ولو رحت بالمستقبل ماراح اجلس اكثر من يومين ( بالعاده نجلس ٣ إلى ٤ )
واليوم جاني يقول خلينا نروح خواتي مجتمعات قلت لا مابي اروح قال اذا رحتي ماعليك من احد الا امي وابوي ( قصده ماعلي من اخته اللي تتكلم علي ) .. قلت انا اصلاً م علي من احد بدون م تقول بس انا مالي خلق اروح و بعدين اذا رحت مايعجبهم العجب اذا قمت اساعد قالو شتبي تدخل مطبخنا واذا جلست قالو ليش ماتشتغل معنا .. امك تتكلم علي عند خواتك وخواتك يكلمونك وانت تصدقهم وتجيني مشحون مابي اروح لهم خلاص .. وبعدين حريم اخوانك م يشتغلون يجون ويتقهوون ويطلعون ولا عشاني انا بنت اجناب ولا اقرب لكم ؟ ( حريم اخوانه بنات اخوان ام زوجي ) .. وتسكت لهم ام زوجي عشانهم يقربون لها م تبي تشتت شمل بنات اخوانها وانا عادي 🙂 .. ع فكره هو صديق اخوي وماكانو راضين بأنه ياخذني بس هو اجبرهم .. ، ع العموم ي بنات انا ماصار لي خلق ل اهله صراحه بعد هاللي صار كله .. ما احب اصير شاذه اقوم واكرف مع خالتي وهم يجون يتقهوون ويطلعون ليه م اصير زيهم 🙂 ؟؟ ع فكره اول ماتزوجت والله ما انسى موقف صار كانت موجوده زوجة ولدهم الكبير وزوجته تصير بنت اخت ام زوجي .. جت ام زوجي قالت ي روان سجلي رقمك ب جوالي قلت ابشري وش تبين اسميه روان مرت فلان؟
قالت لا اكتبي روان بنيتي وابتسمت احسبها تمزح قلت جد وش اسميه وقالت سميه روان بنيتي وقلت ابشري وسميته كذا ويوم راحت مرت ولدهم الكبير اسمعها تكلم بنتها تقول انه قلت كذا وكذا وانها واشوف عيونها بتطير وتضحك ( كانت تكلمها بغرفتها بس بابها مفتوح ) وانا جالسه بالصاله ماتسمعت ابداً والله يشهد علي استغربت حركتها صراحه مره و اول ماتزوجت كان يقول لي زوجي خليك رسميه مع مرت اخوي وكنت اقول ليش؟ قال بس اهلي متهاوشين معها وقلت وانا وش دخلني بأهلك؟؟ انا مالي دخل يتهاوشون ولا يتصالحون انا اعاملها على حسب معاملتها لي وبس وصراحه يابنات انها عسل وحبيبه بيني وبينها بالعمر حول ١٧ سنه يعني افكارنا واعمارنا مختلفه ما اسولف معها كثير بس انها حبيبه ومره عزمتني ببيتها والله ي بنات ظليمتها شينه .. انا عرفت انه البلا فيهم هم مو فينا احنا خصوصاً امه واخته الوسطيه الباقين مالاحظت منهم شيء وانا محترمه والله ومستحيل اغلط على اي احد الحمدلله بس هم يشوفون كل شيء اسويه غلط 😊😊 .. الحل ياجميلات؟ انا قررت كل شهرين الى ٣ شهور اروح مره عشان افك عمري من شرهم