رجعت بيتي بعد الاجهاض لكن احس شي ناقصني

بنات انا لما كملت اسبوعين بعد اجهاض بالخامس
رجعت بيتي عشان زوجي كسر خاطري وكان كثير ينتظر رجعتنا
وكان دايم يقولي والله اني فرحان برجعتكم
وسالني شلونك انت بعد الرجعه للبيت
قلت زينه بس احس شي ناقصني
احتاجه دايم يحضني احس اني فارغه من الداخل

ياربي مدري الي احس فيه نوع من انواع الكآبه
والا وشو استغفر الله مدري هو شعور طبيعي لان طلعت من بيتي وكان بطني
يتحرك به طفلي ورجعت بدونه اعيش بدونه وانا رسمت وخططت له عشان قدومه يعيش معنا

انا الحمد لله ربي اكرمني بزوجي اولا ثم طفلين ولد وبنت بعد ماتاخرت خمس سنين عن الانجاب
سبحان الله كنت اتمنى في هالخمس حتى لو اسقط بس يصير عندي امل احمل
واحين يوم جبت طمعت ابي يصير عندي اكثر من اثنين

الذريه نعمه من الله الله لا يحرمنا منها يارب ويعوضني عن مافقدت

بنات انا سبق وجبت بنتي بالسادس وعاشت الحمد لله
وولدي جبته بالتاسع الحمد لله والاخير سقطت بالخامس والسبب الالتهابات
وخايفه من الحمل اربط والا لا
الولاده يقولون اربط والخاص عالجت عندها بعد الاجهاض من الالتهابات وقالت
مايحتاج ربط لان سبب نزول الجنين التهابات وممكن حتى مع الربط ينزل الجنين
انا احترت وافكر لو حملت تتكرر الماساه يارب ما امر بالاجهاض مره ثانيه شعور قاسي
من مرت بالتحربه وكيف على الربط والله صرت خايفه لو احمل