رجعت بيتي و ليتني ما رجعت

السلام عليكم

يمكن بعضكم قرا مشكلتي في موضوعي الي قبل

المهم جا لابوي امس و فر راسه بكم كلمة حلوة و ابوية المسكين صدقه و خلاني ارجع معه

ركبت السيارة السلام عليكم ما رد
كيف حالك برضو ما رد سكت و لا عاد فتحت فمي بكلمة لحد دحين

و هو اذا يبغى شي يرسل لي رسالة و اجيبه لحده

و لما رجعنا دخل قفل غرفة النوم و خرج و ما رجع الا قريب الفجر

و هو طالع للدوام نفس الشي قفل غرفة النوم

كل هذا قلت عادي اتحمله مصيره يهدا و ترجع الموية لمجاريها

بس يا بنات الي حرق قلبي قبل شوي لما جا من الدوام حطيت الغدا و جلست الا يقولي خير قومي و الله ما تاكلي لقمة معانا ما خلفتك و نسيتك عشان اصرف عليك !!

قمت من سكات و لا رديت عليه

و دخلت غرفة بنتي و قمت ابكي

جا عندي و قام يستفزني تبكي على اكل

لدي الدرجة منتي شايفة خير

و يقول لبنتي شوفي ماما المفجوعة تبكي على اكل اش رايك نعطيها و لا ما نعطيها

كل ذا و انا برضو ساكتة ما تكلمت كلكم تلوموني ليش اتكلم اذا غلط علي حتى اهلي يقولوا الغلط مني ليش ارد عليه لما يسبني و يجرحني بالكلام


حاسه اني بانجلط لو كملت على ذا الحال انذل و انهان و اسكت :(

دحين دخل الغرفة ينخمد و انا ما لقيت غيركم افضفض له

حسبي الله و نعم الوكيل