رجعت جنين ، والنتيجة

السلام عليكم ، كيف حالكم
اخذت راحة من الحمل ثم قلت خل اجرب هالشهر ، واستخرت الله بركعتين وما ارتحت أبد لكن قلت اكمل ..
المهم سحبوا مني ١٢ بويضة
وتم تلقيح ٨
وطلع لي بالاخير كم جنين من الدرجة الثالثةوواحد من الاولى ..وتم الفحص باليوم الخامس
.
من ٨ ايام تقريبا كان الارجاع ، وسبحان الله والحمد لله لم يتم الثبات للأجنه .
.

أعتقد ان المشكلة هالمرة مني لأنهم طلبوني ألزم الراحة لكن حصل لي ظرف خارج عن الارادة فاضطريت اني اقوم واتحرك وأمشي بسرعه ولا اجلس وهذا غلط لأنهم كانوا قايلين انسدح على ظهري يومين ، انا ماقدرت أطبق التعليمات من أمر طارىء حصل ..
هنا عرفت معنى الاستخارة اني كنت مو مرتاحة وسويتها ، ثم الله صد عني الحمل لأن أكيد مافيه خير ، فلو كان خيرا لبقى.
.
المرة الماضية يوم ماثبت الحمل يابنات حزنت وهالمرة لا ولله أبد ما اهتميت و شكرت الله وسجدت شكر لأني أيقنت ان فيه حكمة يوم استخرت وما ارتحت .
اليوم صبيت دم عزير مرة سبحان الله ،، قبل امس جاني بقعة دم توقعتها بقع التعشيش ، ثم استمرت تنزل بقع واليوم صب الدم صب مو مثل الدورة العادية سبحان الله .
يعني ممكن مع الارجاع تجيك الدورة قبل وقتها ، لهالسبب نصيحة ياخواتي لا وحدة منكم تستعجل وتروح تحلل قبل تمام ٩ ايام.
أي وحدة بتقدم عالتلقيح تستخير الله وتطلب الله من قلب انه يرضيها بالنتيجة .
متخيلين يابنات كنت كل الشهر جالسة متسدحة لا شغلة ولا مشغلة و ماعندي شي أسويه لدرجة قلت خل اروح اسوي أنابيب ، ويوم جا يوم الارجاع ورجعت للبيت صار أمر ضروري اضطريت اقوم وامشي ولا أجلس .وعارفين ممنوع المشي منعا باتا اول وثاني يوم بعد الارجاع
للأمانه اني ضحكت وقلت لزوجي هذي الاستخارة ربي عطاني احساس اني ما ارجع ولا اسوي هالشهر لكن سويت ثم الله صد عني هالحمل لأن اكيد مافيه خير
.
باذن الله إنه ارتاح فترة وارجع مرة ثانية ويكون الرجعه فيها خيرة . وكل وحدة مثلي الله بيعوضها العرض الجميل لكن بوقته