***رجعت لبيتي مالقيت شغالتي!!!!! تكفون ساعدوني شسوي؟؟؟؟!!!!!!

السلام عليكم ورحمة الله وبركاته
اخواتي معليش مدري وين القسم المناسب لموضوعي؟؟
هل هو ساعدوني
او الحياة الاسرية
او المشاكل الاجتماعية
اوالتجارب والحلول
مدري لكن قلت ابحطه هنا
وان شا الله بيكون مناسب





المهم ندخل في السالفة بلاكثر كلام على الفاضي
انا عندي خادمة لها تقريبا3سنوات ماعليها حليوة وبنت حلال
يعني ماشفت منها شر لكنها مهيب خطيرة مرة
يعني قلت دامها لها رغبة في الشغل اكثر من سنتين
وش يمنع؟؟شي ببلاش ربحه بين
المهم انا ما اطلعها معي في كل طلعة اطلعها
مرات اصير تاركه عيالي
ومرات ابروح لناس مايناسب اني آخذها بس آخذ عيالي
ومرات اطول ما ارجع ال متأخرة واقول حرام اجرجرها معي خلها تنظف فيما نرجع

واسباب كثيرة تخليني ما احرص على طلعتها
المهم





يوم الاربعاء الماضي طلعت الساعة تقريبا 5ومعي عيالي
قضينا لنا كم شغلة وبعدين حطيت عيالي عند اهلي
وكنت معزومة عند اخت زوجي
قلت في نفسي :عيب عليك تروحين بدون شغالتك
وصار بيتي على الطريق قلت لزوجي وش رايك نمر وناخذ الشغالة؟؟قال بكيفك
البيت على الطريق
المهم اتصلت على البيت ابيها تتجهز فيما نوصل

رن رن



رن رن


رن رن



رن رن




تسع اتصالات ماترد

قلت اكيد انها ياتغسل ملابس
اومشغلة المكنسة
او بدورة المياة اعزكم الله


الزبدة


يوم قربنا حول بيتنا
واشوف ذيك الحرمة الي تمشي بالشارع
وشكلها غلط اقول لزوجي ودي انزل واعلم ذا الحرمة وشلون تمشي


حتى عبايتها ما لبستها زين ولاهيب عارفة تمسكها





وصلنا قال زوجي انا منيب نازل من السيارة
بسرعة خليها تخلص


نزلت


دخلت المفتاح بالباب وفتحته
ودخلت


حسيت اني مافتحت قفل!!!
كأني فتحت الباب علطول... فهمتوني؟؟
يعني شكله مهوب مقفول

مادققت لأني مستعجلة ولاابي اثير شكوك انا في غنى عنها
دخلت البيت والقاه حوووووووووسه
انادي فلانه .....فلانه...





فلانه ...علة....


فوق





تحت




بغرفتها





بالحوش






بالحمامات وانتم بكرامة





في غرف الضيوف




البيت مكركب


والغسالة والنشافة يشتغلون





دقيت على زوجي قلت له انزل من السيارة





مالقيت الحرمة!!!!!




دخل ودور معي مالقينا لها اثر





قلت له ابروح اشوف عبايتها فيه والالا؟



رحت غرفتها ولقيت عبايتها:eek:

قلت لزوجي وش رايك تروح تشوف السواق الي بجنبنا؟؟

ما احبه ولا ارتاح له ولا حتى زوجي

حتى كثير من الجيران صار لهم مشاكل مع شغالاتهم بسببه

لكن صراحة ابدا استبعد ان شغالتي تصير زيهم..من زود الثقة

المهم راح زوجي وبعدين بيني وبين نفسي قلت مستحيل انها تطلع ابدا ابدا

تذكرت اني قلت لها قبل يومين نظفي السطح قالت بعدين اذا صرت فاضية:09:

اونا حبيبة قلت بكيفك المهم نظفيه
اتصلت على زوجي قلت له لحظة لاتروح اخافها في السطح


قال انتظري بجي اطلع معك
يوم وصلنا للسطح والاه مقفل والمفتاح عليه يعني مافتح

.......هنا انا اشتغل المخ عندي وقلت الظاهر كاني منيب واهمة ان الباب ماكان مقفل يوم ادخل.....
قال زوجي ماتظنين انها الي شفناها تو في الشارع؟؟
الي ماتعرف تمشي!!!!

قلت هاه؟؟؟؟؟

واطمر واروح لعلاقة العبايات

ياللمفاجأة عبايتي الزينة حقت العزايم مهيب فيه:eek:

قلت بس هي
وش مطلعها؟؟
وين رايحة؟؟
قال زوجي يمكنها رايحة للبقالة.. قلت مستحيل مافيه شي مهم يخليها تطلع
كل شي موفرته لها
بعدين حتى لو ناقصها شي تقولي واجيبه


طلعنا قال زوجي بروح اشوف وينها
لانه طالما انها شايفة السيارة عند الباب مهيب راجعة
على طلعتنا من البيت والاها تدخل للحوش!!!!!!!!!
الشغالة وكلها خوف::مدام انتي وين انا خوف مرة رن الجرس 10 مرات بعدين اتصلت جارتكم
وو...و....ا...ـ
تعلثمت ما عرفت تتكلم
أنا:وين كنت؟؟
صرفتني بمكالمة جارتي
وزحلقتني
المصيبة زوجي يقول عادي يابنت الحلال لا تهبلينها!!!
قلت انت تفاهم معها احسبه بينفضها
صار ولاشي
المهم عطاها كلمتين
وهي بغت تموت من الخوف وماتوقعت ان احنا بنرجع
بعدين يوم شفت زوجي ماعنده سالفة
قلت لها تعالي علميني وين رحتي ومع مين وعند مين وكم مرة طلعت وليش لابسة عبايتي ويومك خايفة ليش ما اتصلتي علي؟؟؟
اخذتني غرفتها وقالت بقولك الصدق بس لاتعلمين بابا
سحبتني كني غنمة وانا اقول لزوجي خلك حولي مدري وش ناوية؟؟ ودخلت للحمام وتسحب في الغسالة
وتجرجر قلت بس:جاك الموت ياتارك الصلاة
مدري هي بتطلع سكين والا مسدس؟؟ والا رجال موزيته
وش صار تتوقعون؟؟














بنادول


اي والله قلت وش ذا قالت انا رحت للبقالة لأني مرة تعبانه واستحيت اطلب منك
قلت هذا عذر سخيف كل عمرك تتطلبين وش معنى؟؟
وقامت تحلف وتقسم انها اول مرة تطلع واعطت راعي البقالة10 ريال ورجع لها ريالين
وانها ماعمرها راحت لاحد حتى اسألي الجيران ماقد دخلت بيتهم
وصدقيني انها اول مرة مدري كيف لعب علي الشيطان
وقامت تحبب راسي وتتأسف وتصيح:06:
علمت زوجي قال شكلها صادقة حتى باين على البيت انه بادية تنظف وطلعت
ومن شكل لبسها انها مهيب ناوية شي شين عليها خلاقين
الي تبي تسوي غلط او مواعدة لها احد بتتزين صح؟؟:7_18_2:


ما اطول عليكم رجعت لها قلت لها البسي عبايتك بنروح
تغير وجهها تحسب اني لعدم ثقتي ابآخذها قلت لها انا اصلا ماجيت الا اني بآخذك
وصيتها ماتفتح الموضوع مع زوجي في السيارة عشان مايعصب واني قلت له سامحها هالمرة((ماتدري انه راحمها يقولي انت جفسة معها))ولو عليه بيسمي عليها ويقول لها ارقدي ويعطيها عصفر*((العصفر عشبه يستخدمهابعض الناس للروعة))وااخاف انه يخق ويقول لها معليش عادي ويهون المشكلة في نظرها
وايضا قلت لها لاعاد يتكرر هالتصرف ولاتقولين للشغالات الي بتشوفينهم اليوم
ولو ما انا واثقة فيك ومصدقتك كان ماتجلسين عندي ولا يوم
((ان بغيتوا الجد عندي عزيمتين ذا الاسبوع اخاف اتهاوش معها تنكبني))
المهم سكرنا على السالفة من ذاك اليوم

لكن انا صرت جافة مااسولف معها ولا ابتسم في وجهها

سؤالي وش رايكم بالي صار؟؟
انا ناويه اخليها زود سنه؟؟
هل اترك عيالي عندها؟؟
هل اشيل التليفون اذا بغيت اطلع؟؟
انا ما اقفل الباب عليها اخلي عندها مفتاح الدنيا ماتنضمن
لاقدر الله حريقة
حرامي
كهرب
احتاجت مستشفى انجرحت

و...و...اخ

ما ابغى يصير بذمتي شي