السلام عليكم
كيفكم يابنات
:44:
بدخل بالمشكله على طول انا توني والده بعمليه لي تقريبا 50 يوم ورجعت لزوجي من يومين الكل يقولي كملي شهرين وانا مو راضيه ابغى ارجع له ولشقتي وخصوصا بنتي الكبيره متعبتني مره على طول خناق مع اخواني عشان كذا قلت برجع
وزوجي من اول ماولدت وانا حاسه انه متغير حييييييييييل احسه بعيد عني مايكلمني كثير ولما ادق عليه بسرعه يسكر ويتعذر باعذار تافهه ولما يجي يمي بس يطالع في الساعه يبي يقوم ويقول عندي شغل وبسوي كذا وكذا ويروح مع اني محتاجته يمي حييييييييييل كنت تعبانه نفسيا وجسديا بس هو للاسف كل ماجاله ويبعد وصارحته يقول مافيني شي دائما الح عليه يقول مافيني شي ويحلف لي وانا محتاره مصدقته بس مو مصدقته اكيد فيه شي مع العلم اني لما ولدت بالمستشفى كان معي بكل شي وماقصر يساعدني بالقومه والقعده شاف كل تعبي ومعاناتي من العمليه احيانا اقول يمكن نفر مني لانه شافني بهالوضع واقوله يقول لااااا مستحيل بس كنت خايف عليك
مدري والله تعبت
ونزلت موضوع بهالخصوص الكل قالي فتره وتعدي يمكن يستحي من اهلك واذا رجعتوا لبيتكم بيرجع كل شي طبيعي وسكت وصبرت وانتظرت اليوم اللي ارجع فيه لبيتي ويرجع كل شي مثل ماكان والحين رجعت صار لي يومين وماقرب مني ولاشي من جد مصدومه ومو مستوعبه ليش كذا
والله رجعت احلى عروس عشانه بس هو متجاهلني وكلمته يقول انتي ماتقدري الظروف انا كنت تعبان وفيني النوم وعذرته بس ثاني ليله بعد نفس الشي ومو بس على كذا احسه طول الوقت بس جالس على الكمبيوتر والا التلفزيون يفرفر في القنوات ماعنده شي حتى سوالف مايسولف ولما اقوله زهقانه يقولي خلاص تغيري الى متى بس تبي تطلعي وتتمشي بنتك صغيره مايصلح لها طلعه
يعني مو من حقي اطلع واشوف الدنيا وانا طول فترة النفاس محبوسه في الغرفه مع بنتي وماشفت الشارع مو من حقي اتنفس شوي مو المفروض يعوضني عن تعبي وانا ماشفت منه شي لا طلعه ولا حتى هديه ولا كلمه حلوه ولا معامله مثل الناس
وانا متنازله ما ابغى اطلع ولاشي بس ابيه يرجع مثل قبل وغير هذا كله ظروفه الماديه السيئه ولاتقولوا هذا السبب من يوم تزوجته وهو ظروفه للاسوء وطول وقته دوام ولما قلت له اخذ اجازه اسبوع عالاقل عارضني وتوه مقدم عليها ورفضوها تضايقت اكثر طول الوقت لحالي مع بناتي الثنتين
والله تحسفت اني رجعت ياليتني قعدت عند امي في العز والدلال وطلباتي اوامر والله ودي ارجع واخليه ينطق لحاله من جد ملييييت مدري هو ظالمني معه والا انا ظالمته معي
قولوا لي مين الغلطان انا والا هو يمكن انا مكبره الموضوع مع اني احس اني من جد معي حق انا عطيته مهله يتغير وحاولت اعرف وش فيه بس هو مطنش وانا ساكنه بعيد عن اهلي ما اقدر اروح لهم كل وقت يدوب في الشهر مره وبالموت ماعندي احد هنا
ساعدوني الله يجزاكم خير ولا تجرحوا فيني تراني مو ناقصه
:44:
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
ببسي قليل الدسم
•
الله يعينك
الله يسخره لك يااارب
أصبري يومين وكل هذا أجل الي لها سنين شتسوي
الله يهديك أكثري من الأستغفار والدعاء
أصبري يومين وكل هذا أجل الي لها سنين شتسوي
الله يهديك أكثري من الأستغفار والدعاء
الله يسخره لك عليك بالاستغفار والدعاءواصبري لاتكثرين الكلام واهتمي بنفسك وبناتك ولا تهملي حقوقه وعيش حياتك ولا تلزقين به وصدقيني راح يرجع لك بإذن الله
انقليزي
•
اذا هو جالس معك بالمستشفي فهذي ردت فعل طبيعيه ماعليك انتي بس اصبري عليه وينسي وتكشخي وتعطري ووطنشي وادعي الله ويصير احسن من اول
الصفحة الأخيرة