رجعت لزوجي ولكن.............

مساء الخير كيف حالكن جميعا
واحب اشكر بالبداية كل الخوات اللي تفاعلوا مع مشكلتي وعطروني بردودهم جعلها الله بميزان اعمالكم
انا رجعت لزوجي من يومين بس بعد مادخل اخوي بالموضوع لان زوجي قال له القصة وتعهد لااخوي ان كل شروطي مجابه
والله العلي العظيم اني كنت ناوية الطلاق وقلت لااخوي لو تخلطوني معاه ماراح ارجع له بس اخوي قعد كل يوم وهو مناقشني والوالده معاه تقول انتي تنامي بالليل وانا سهرانه وبس تصيح ليا شافتني تقول انا مااتعافى لين ترجعين له وخواتي من جهه طبعا انا رفضت لااقابل خالتي( ام زوجي ) لما طلبت انه تناقشني وجوالي كسرت الشريحة من يوم رحت بيت اهلي وطول هالفتره وانا بدون جوال لان مالي خلق اكلم احد وهو حاول انه يقابلني وانا رافضه وفي كل مره اتنرفز واحلف ايمان مغلظه انه ماعاد يشوفني .اخر مره جاء لااخوي واقنعه الا يشوفني واهلي كلهم يحبون زوجي وامي تقول لو تطلقتي بيصير فيني شي وانتي السبب.
المهم صار لي هالموقف اللي ماراح انساه كانت فيه مناسبه معزومين لها وانا مالي خاطر بالحفله بس لتغيير الجو المهم صليت العشاء وتجهزت وانزل انتظر اختي تمرني نروح سوا وكنت بالصاله وحسيت من نظرات امي وارتباكها انه فيه شي تخيلوا يابنات واقفه على المرايه الكبيره اعدل فستاني مادريت الا بزوجي وهو داخل انا من الخوف ابتحرك عجزت صرت انتفض من المفاجأه المهم دخل اخوي وقعدوا هم اللي يتكلمون وانا انهرت من البكاء ومقهوره من حركة اخوي فيني ليش يسوي هالحركه
هو تعهد وحلف انه ماراح يزعلني ورجعت له بس فيه شي مكسور بداخلي مااطيق اناظرله ولاابغاه يكلمني تصدقون اني احس انه رجل غريب ان شاء الله تكون هالحاله ردة فعل مبدئيه وتروح لما جرحي يطيب .دعواتكم يالغوالي.