الجذآبة @algthab_9
محررة
رجعت لزوجي ولكن
هلا بنات كيفكم، ورمضان كريم عليكم وكل عام وانتو بخير، انا رجعت لزوجي قبل اسبوعين تقريباً ، رتب لي الشقة بس لسه باقي حاجات بسيطة تحتاج تعديل وعلاقتنا طيبة الحمدلله، بس دايم يجيني تفكير واحزن 💔هو لما رجعنا ضمن كلامه قال لي ان اهله يظنو إني انا الغلطانة بالمشكلة اللي صارت بينا، ولو إني اشتكيته عند اهله كان اكييد طلع هو الغلطان عندهم واكيد بيزعلو عليه وبيطلبوه يراضيني وولكني انا ماسويت هالشي، كان ببالي ان اهله مالهم دخل وماحب اتكلم معهم بشي يخصني وماظنيت بلقى منهم فايدة واسباب ثانية خلتني ماكلمهم، هالتفكير وهالشعور مضايقني مره، ان هم عندهم نظرة سيئة لي مع ان بحيااتهم مالقو مني شي موو طيب او سمعو مني، يعني ع الاقل كان احد منهم سألني وش صاير ويعرف الحقيقة او يحاول يصلح بينا !كان ببالي مابيهم يعرفو شي عني ولا يتدخلو لا الحين ولا بعدين لكن يظظظل هو ولدهم وراح قالهم كلام عشان يوقفو بصفه ونسَو ان مهما كان اللي سواه فيني ظلم الله مايرضاه، اعرف هالكلام فات اوانه، وماعاد يفيد التفكير بس متضايقة! مع إني احاول ارجع معاهم مثل قبل، خصوصا لان زوجي يبي هالشي ولان رجعت ساكنة معاهم بنفس البيت، ومثل عادتي السنين اللي فاتت برمضان صرت اطبخ وافطر مع امه وهو يفطر مع اخوانه، وماحد جاب لي طاري شي ابد ولا انا جبت طاري شي، وكأن ماصار شي أصلاً، بس متضايقة، مادري كيف اشرح لكم، اعوذ بالله من الشيطان، بنات قولو لي كلام يهدأ نفسي
12
5K
يلزم عليك تسجيل الدخول أولًا لكتابة تعليق.
[Faith] :
يختي تعوذي من الشيطان ، والله مافي شي يخليك تزعلين دامهم مثل اول ماتغيرو عليك اخزي الشيطان ، واستغلي رمضان في الدعاء لك ولحياتك بالتوفيق لاتضيعيه بالحزن ع اللي فات ، والتفكير في سفاسف الامور ، استغليه بالدعاء والاستغفار والصلاه وكل ماجاتك افكار كذا غيريها ولاتفكرين فيها تجاهلي هالفكره ، على فكره اغلب الازواج الا من رحم ربي اذا حصل انفصال يطلع مساوئ الاخر ويبالغ علسان مايكون الغلط عليه فماهو شي غريب اللي سواه زوجك الله يسامحه ، المهم انتي لاتقعدين تقهرين نفسك واعتبري حياتك هذي جديده وابتدي صفحه جديده فيها ، الله يوفقك ويسخر زوجك ويسعدك ❤️يختي تعوذي من الشيطان ، والله مافي شي يخليك تزعلين دامهم مثل اول ماتغيرو عليك اخزي الشيطان ،...
👏👏👏👏👏👏
و لا تفكرين في الناس بكيفهم يفهمون ما يفهمون الأهم أنت و هو تصالحتوا و نفذ اللي تبينه و ع بالك أهله مو عارفين إنه غلطان إلا عارفين لىبس ما بيتكلمون ممكن عشان ما يفضحونه و ممكن مو حابين يتدخلون من باب الذوق فعيشي حياتك و الأيام كفيلة بإظهار ما في النفس
الصفحة الأخيرة
واستغلي رمضان في الدعاء لك ولحياتك بالتوفيق لاتضيعيه بالحزن ع اللي فات ، والتفكير في سفاسف الامور ،
استغليه بالدعاء والاستغفار والصلاه وكل ماجاتك افكار كذا غيريها ولاتفكرين فيها تجاهلي هالفكره ،
على فكره اغلب الازواج الا من رحم ربي اذا حصل انفصال يطلع مساوئ الاخر ويبالغ علسان مايكون الغلط عليه فماهو شي غريب اللي سواه زوجك الله يسامحه ،
المهم انتي لاتقعدين تقهرين نفسك واعتبري حياتك هذي جديده وابتدي صفحه جديده فيها ،
الله يوفقك ويسخر زوجك ويسعدك ❤️