بسم الله الرحمن الرحيم
السلام عليكم ورحمة الله وبركاته
شخباركم وكيفكم مع الصياام
الله يتقبل منا ومنكم الصيام والقيام وصالح الاعماااال
والله يجعلنا وايااكم من المغفوور لهم باذن الله
الكــثــير شاف ردودي وعرف اني مطلقه ومتعلقه بطليقي واحبه
انا تطلقت بسبب مشكله بسبب مرض وراثي جلدي بعائلتنا
وحنا سليمين بس اخوي مصاب بمرض جلدي بسبب حسااسيه
وصارت هالبقعه شك بنسبه لزووجي
اننا فينا مرض وراثي
وزياده على هذا مشاكل من امه الله يساامحها ويسخر قلبها لي ولزوجي
ويحننها علينا او يكفينا شرها لاننا انمرضنا بسبب المشاكل والخنااق والزعل
..
تجمعت مشاكل منا ومنا
وتسببت بطلاقي بدون ماادري كنت عند اهلي اجهز لزواج قريب لنا
وفجاء جاء زوجي لبوووي وقال انا طلقت بنتك وهو يبكي
.....كلام كثير
وصدمه قووووويه
لاكن حظرة بعد اسبووع الزواج وانا بقمت زينتي والكل مدحني والبسمه ماافارقة وجهي
لاكن قلبي من داخل يبكي ..اهلي وناسي ماايدرون
مابي اخرب فرحتهم بالزواج المنتظر
وبعده بسبووع من الزواج علمتهم الكل زعل وحزن وبكاء
ولاكن مااسلمت من شماتتهم ومسخرتهم ورمي الكلام
هم الي زعلو عشاني وبكو
ابكي ليلي كله ابيه كل شي يذكرني فيه
حتى ملابسي وعطوري تذكرني فيه
صووور الزواج والجوال مليان من صوووره ووصووور الذكريات الحلوووه
الجوال الي شراه لي كل شي حووولي يذكرني فيه
امي حاولت تشيل ملابسي وتخبي صوووري تشري لي جوال جديد
لاكن الي بالقلب ماايقدروون يمحوونه
شهرين و11 يوووم وانا اضحك لناااس وابكي وانوح لا صرت بغرفتي
الكل يحسبني مبسووطه وانا من داخلي انزف الم وحزن
كانت بيننا رساااايل مره تجـي بلحضة ضعف مني
ومرات منــه
قبل رمضان بسبووعين كانت بيننا سووالف عاااااااديه يستفسر عن حاالة وفااة من ربعنا وعاديه
وكنت اتالم اكثر
احااول انسااه مع هذا يرجع يرسل
وبنفس الووقت ارسلت لي اخته قالت فلان لوو يرجعك ترجعين قلت
قلت اتمنى بس شي مستحيل لانه طلقني بـ3
وخلاص هو انتهى من حيااتي مثل ما انهاني
وسكتنا
من اول يووم رمضان وانا متضااايقه ومع الفطووور وبكل وقت اقوول ياارب يسر لي الخير واشكي لربي همي وهو اعلم بحاالي من التعب النفسي
و3 يوم من رمضان قسم حتى الاكل اكرهه بس اجامل اهلي
والنفس شينه واحس ان فيه شي بيصير وشو الشي معرف
ورابع دعيت ربي والحيت بالدعاء وقت الافطاار
وجاتني رساله هي الي غيرة حالي من حزينه الي مبسووطه وان شاء الله انه دووم
من طليقي يقوول فلانه اسم الدلع ممكن اكلمك
قسم اني زعلت وزادة ضيقتي قلت اكيد بيقووول شي يجرح او بيشكي لي انه تعبان وانا معاد بي حيل انا اكثر منه تعب
ورفضت واصر انه يكلمني
وكلمته وبعد السلام والسووال عن الحاااال ..قالي انتي تبيني
قلت ماايفيد الكلام الحين
قال انا ابي ارجعك اذا انتي تبيني بجي لهلك وارجعك واذا انتي ماتبيني ماني محرج نفسي واطلبك وترفضييني
قلت ابيك ايه بس بفكر وبستخير وانا من داخلي ابيه وما ابيه
المكالمه كلها بكاء وندم ووعود وامااني بنهايه اعترف انه يحبني وانه عجز يكمل حياته بدوني
مع اني فااقده الامل اني اسمع منه هالحكي او يبين لي مشااعره
وكنت
خاااااااااااااااايفه لدرجة بعد 3 ساعات رديت له بالرفض
ومع اني ابيـــــــــــه واحبــه
انصدم واحرق جووالي بالدق ولا رديت ماالا بعد ماااوقف عند باب بيتنا باخر الليل يبي يكلم ابوووي
بنهايه رديت وجلس يكلمني ويقوول انا ابيك ومن هالكلام الي يطيح الحطب وبعد سااعتين وافقت واعطيته ردي
والله ماااغمضت عيني من الفرحه والخووف
رحت وكلمت امي وقلت لها فلان كذا وكذا زعلت وقالت لا
بس اقنعتها وقلت لها حيااتي انا وانا ابخص فيها
ورضت بس قالت ماااااااالي دخل فيك تتشكين منه
وكلمت امي ابووووي وجاء وقااالي انه يبي يرفض لوجاء
بس يووم شاف شكلي وسالني تحبينه قلت ايــه احبــــــــــــه وابيه >قلتها بدون حيااء لاني خفت يرفضه
واقنعته وقاااااااااااااااالي كيفك وهذي حياتك
والله ان اليووووووم طوووووووووويل ومن الفرحه كلنا ماااجانا نوووم
جاء بعد الفطوور مبااشره ومعه شهووود ورجعني
قال رضااوتك .. قلت 3 اشياء تعزني .. ولا تهينني .. ولا تتسبب لي بجرح ثااني.. وابي مــــــــــــــــــــــــــكـــــــــــــــــه ابخذ عمره اشكر ربي
صح اني كنت فاقده الامل برجعتي له واننا نجتمع مره ثاانيه
لاكن كنت ولازلت موكله امـــــــــــري لربي العالم بحاالي
وكنت ادعي ربي دائما" يكتب لي لخير والله يووم المصيبه لقوول الحمدلله وعساه تكون لي خيره والي كتبه لي ربي راضيه فيه ومقتنعه
واكرمني الله برجووعه لـــــــــــــــــــــي
هو الي طلق من كيفه وهو الي رجع بكيفه
فيه مواقف صاارت بوقت الرجعه حلووه
منها ابووي رفض يرجعني بنفس اليووم لاكن هو طلبه وقال ابي ارجعها اليووم يكفي الشهرين الي راحت بدوونه
قال طيب خلها ترتب اغراضها
قال طيب مع اننا بالليل متفقين ارتب اغراضي
وجاني ابوووي يماار بنته كااشخه ولابسه وشناطي مرتبـه
قاااال الرجل راح بس دامكم مرتبين امووركم كيفك رووحي
ماادرى ان الرجل يراقب البيت يتحرى ابووي يطلع عشان ننهرب
هههههههه
بس موووقف صاار وهو يسلم على امي انكرة صووته
بطبيعه احسه تغير علي الصوووووووت
ورجعنا وحنا احلى 2 عاااشقين ملهووفين على بعض
رجعت وووشفت نظرة الحب والشوووووق
مع اني ماااشفتها ابد بعيووونه طول الست شهوور معه
لاكن شفتها
ويا علني ما انحرم من هالنظره
الكل انصدم من الرجعه السريعه نااس فرحت وناااس تكلمة بالقفااءوكلوو لحمي
وفددوووه لهم ذنوووبي والله
اهله ونااسه فرحو كثير ودعو لنا
امه الي بريت فيها وعاملتها زين وتخانقني ودايم تزعلني وتدعي علي واتحمل واجي انام عندها بالاياام واكرف لها كرف
ماافرحت جلست تخاانق ولدها وتهاااوشوه لاكن مسمووحه
اهم شي انا وياااااااااه والنااااااااااااااااااس ماعلينا منهم
الله يبعد عنا عيوون النااااس والحسااد ويكفينا شر خلقه
والله يسخره لي ويسخرني له
ويحفظنا ويخلينا لبعض
وياااااارب
ترجع كل مطلقه لطليقها اذا كانت تبيه وتحبه وفرقتهم المشاكل والخلافاات
اشكر كل من دعت لي وسالت عني بالخااص
وابالخصوووص اختي شمسxقمر
على دعواتها وسوالها عني الله يسعدها ويوووفقها ياااارب
ولكل وحده دعت لي وشاركتني حزن مشكووورات حبيبااتي
والله يسعدكم ويوووفقكن يااارب
مشكلتي معرف اختصر
وقلت كل شي من الوونااااسه
مثل مااشركتني حزني شااركني فرحتي
وماهمني لو احد عرفني عااااااااااااتي
نصيحه
لاتياسين وكلي امرك لربك ارضي بالي صاااار اقتنعي او اقنعي نفسك
اكثري الحمدلله والله اني اقووول الحمدلله على الي صااريوم الطلاق واقوول خيره والله ماااكتب لي هالامر الا اختباار لي
صبرت واحتسبت الفراق ودعيت ربي خذيت درووس عرفت الحياه وعرفت الناس
الي عرفته بشهرين يخليني فاهمه وصاحيه العمر كله
خلاني ارتب بعض الاموووور واعدلها
وفعلا" بالامر خيره رجع لي زوجي احسن من اوووووول
كنت زماان اتمنى والحين تحققت الامنياات
ماشاء الله
وكلها بامر ربي وتدبيره ورضيت بالي صاار من البدايه
وعرفت ان هذا المكتوووب والمقدر لي بالحيااه
وجازاني الله برجوعه لي
والله يخليه لي ونبقى مع بعض العمر كله
ونعيش الحياة مع بعض بحلووه ومرها
اختكن
اشتاااق لنظرة عيووونه
استغفر الله واتوووب اليــــــــــــــــــــــــــه
هذا الموضوع مغلق.
Remas*Rose
•
الله يحفظكم لبعض يارب ولا يفرق بينكم ابدا
الف الف الف مبروك فرحت لك من قلبي والله
وربي يخليكم لبعض وتجبر كسر كل وحده مطلقه
وتزوج البنات الانسات وتسخر الازواج للزوجات هههههههه
وربي يخليكم لبعض وتجبر كسر كل وحده مطلقه
وتزوج البنات الانسات وتسخر الازواج للزوجات هههههههه
عصفورهـ
•
الف الف مبروووووك والله دمعت وانا اقرا قصتك من الفرحه
الله يسعدكم ويخليكم لبعض ويبعد عنكم العيون والحسود ياااااااارب
الله يسعدكم ويخليكم لبعض ويبعد عنكم العيون والحسود ياااااااارب
الصفحة الأخيرة